Свет

Што експлодира во Русија – радиоактивноста 16 пати над нормалата , евакуација на населението

Руските власти не откриваат што точно експлодира на крајниот север на земјата , при што загинаа петмина нуклеарни инженери.

Денеска, на четири дена по експлозијата и тајниот погреб на нуклеарните инженери , во регионот е за 16 пати зголемена радиоактивноста , а властите му наредија на населението да се евакуира.

Уште двајца врвни научници се лекуваат во Москва. Се претпоставува дека во воената база било тестирано ново балистичко оружје , ракета на нуклеарен погон наречена ,,Буревјасник”.

Научниците во моментот на несреќата тестирале мотор на нуклеарен погон. Нивото на радиоактивност во рускиот град Северодвинск се зголемило меѓу 4 и 16 пати на 8 август, по несреќата во која властите утврдиле дека биле вклучени ракетни тестови од платформа во морето, објави во вторникот Руската агенција за метеорологија.

Министерството за одбрана најпрвин објави дека радиоактивното зрачење останало на нормално ниво по несреќата во четвртокот, но градските власти на Северодвинск во северна Русија откриле пораст на нивото на зрачење.

Гринпис тврди дека нивото на зрачење е зголемено за 20 пати, додека руската метеоролошка агенција „Росхидромет“ во вторникот објави дека се зголемила меѓу 4 и 16 пати. Руските власти ги советувале жителите на селото Нинокса да го напуштат по несреќата ,а лекарите кои ги лекувале жртвите биле испратени во Москва на медицински преглед, објавија во вторникот новинските агенции Интерфакс и ТАСС.

„Добивме известување за планираните активности на воените власти. Во врска со ова, жителите на Нинокса беа поканети да го напуштат селото на 13 август“, соопштија властите на Северодвинск, пренесува Интерфакс.

Според ТАСС, лекарите кои им помагале на жртвите од несреќата биле испратени во Москва на преглед, а пред да заминат потпишале документ во кој ветуваат дека нема да откриваат информации за инцидентот.

Македонија

ДИК: Да се почитува правото на глас, да се прашаат гласачите за кои избори ќе гласаат

На прес конференција , потпретседателката на Државната комисија, Дитмире Шеху,  ги замоли членовите на изборните органи да се придржуваат кон сите правила и членови од Изборниот законик.

Од ДИК ги опоменуваат членовите на гласачките одбори задолжително да ги прашуваат гласачите дали ќе гласаат за претседателски или за парламентарни избори и тоа да го прават кон секој избирач.

Во спротивно се соочуваат со три години затвор.

Свет

Русија му се закани на НАТО

Испраќање трупи на НАТО во Украина би било „исклучително опасно“, соопшти Кремљ, додавајќи дека Москва внимателно ја следи украинската петиција со која се повикува на таква интервенција.

Во петицијата, објавена на веб-страницата на украинскиот претседател, се наведува дека Украина треба да побара од САД, Велика Британија и други земји да испратат војници за Украина да се бори против руската инвазија.

„Режимот во Киев е прилично непредвидлив“, рече портпаролот на Кремљ, Дмитриј Песков. „Многу пати кажавме дека директната интервенција на армиите на земјите од НАТО во овој конфликт потенцијално претставува огромна опасност и сметаме дека тоа е ништо помалку од исклучително сериозна провокација и, се разбира, внимателно ја следиме“, додаде Песков. .

Засега не е познато дали петицијата ќе го собере потребниот број од 25.000 гласови, што ќе го обврзе претседателот Володимир Зеленски да одговори со одобрување или отфрлање. До денеска наутро биле собрани 1.594 гласови.

НАТО ѝ помага на Украина со испраќање повеќе оружје, вклучувајќи тенкови и ракети со долг дострел, но воздржувајќи се од директна интервенција со војници на теренот. И американскиот претседател Џо Бајден и рускиот претседател Владимир Путин предупредија дека тоа може да доведе до Трета светска војна.

Францускиот претседател Емануел Макрон смета дека прашањето за испраќање западни војници во Украина „легитимно“ би се поставило доколку Русија ги пробие украинските одбранбени линии и ако тоа го побара Киев.

Портпаролката на руското Министерство за надворешни работи, Марија Захарова, денеска изјави дека доколку Макрон испрати француски војници во Украина, тие ќе бидат легитимна цел на руската војска. „Ако Французите се појават во зоната на конфликтот, тие неизбежно ќе станат цел на руските вооружени сили“, рече Захарова.

Македонија

Во Охрид до 13 часот на изборите излегле околу 27 проценти, во Дебрца 26 отсто од гласачите

Излезноста на Претседателските избори во Охрид до 13 часот е 27,75 проценти, додека на Парламентарните избори до 13 часот своето право на глас го оствариле 27,85 проценти од избирачите.

Според ОИК, гласањето се одвива непречено и без какви било проблеми.

На избирачките места на територијата на Општина Дебрца до 13 часот излегле 26 отсто од лицата со право на глас. И во Дебрца нема никакви проблеми и изборниот процес се одвива непречено.

Во главниот избирачки список за денешните Парламентарни избори во Охрид се запишани 51.865 избирачи додека за вториот круг од Претседателските 51.717 избирачи.

Според главниот избирачки список, за Парламентарните избори во Дебрца е запишани 4.001 избирач, додека за вториот круг од Претседателските избори 4.009.

притисни ентер