Вооружен грабеж во експозитура на НЛБ Банка во Чаир

Вооружени разбојници  среде бел ден утринава нешто пред 10 часот извршиле грабеж во НЛБ Банка на улицата “Ферид Бајрам” во скопски Чаир.

Разбојниците физички го нападнале дваесет и шест годишниот Е.Е. кој е вработен како обезбедување во банката..

Состојбата на вработените е добра, информираше генералниот директор Антонио Аргир, кој беше дојден во експозитурата, но не откри колкава сума на пари е украдена..

“Не можам ништо да ви кажам. Вооружен грабеж, извештај ќе даде полицијата. Не можеме да кажеме сега за сега ништо. Вработените се добри  тоа е најбитно дека нема жртви, има малку повредени, но ќе биде се океј.”, изјави Антонио Аргир – Претседател на Управниот одбор на НЛБ Банка

“ Во полицијата било пријавено дека имало пукање и со оружје, но за среќа повредени нема. Според очевидци, разбојниците носеле качулки и побегнале.

Според неофицијални извори разбојниците, кои биле четворица на број, пукале во воздух, а потоа влегле во сиво возило марка “Голф 5”, кое два часа по кражбата полицијата го пронашла изгорено во близина на реката Серава кај гробиштата во Бутел. Се претпоставува дека разбојниците сакале да ја прикријат својата трага, при што својот понатамошен пат го продолжиле со друго возило.  Од полицијата велат дека се преземаат сите мерки за расчистување на случајот..

Банките во Македонија се честа мета на крадците. Пред околу два месеци маскирани вооружени лица ја ограбија и експозитурата на “Халк Банка” на Качанички пат кон Визбегово.

Времето стабилно и потопло

Денеска ќе преовладува стабилно и потопло време со мала до умерена облачност.

Ќе дува и слаб променлив ветер кој во текот на денот од северен ќе премине во јужен.

 Максималните температури ќе достигнат од 16 до 22 степени.

Во Скопје ќе биде сончево со мала до умерена облачност и со слаб до умерен северен ветер  и со температура до 21 степен.

Отворена телефонска линија кај Омбудсманот за пријавување повреди на избирачко право

Граѓаните можат да пријават каква било повреда на избирачкото право на беслатната телефонска линија: 0800-54321 која ќе функција од  7:00 до 19:00 часор во канцеларијата на Народниoт правобранител.

Граѓаните денеска на денот на одржувањето на првиот круг од Претседателските избори 2019, и предвремените избори за градоначалник за општините Охрид, Дебар и Ново Село ќе можат да пријават каква било повреда на избирачкото право на беслатната телефонска линија: 0800-54321 која ќе функција од  7:00 до 19:00 часор во канцеларијата на Народниoт правобранител.

Како што соопштуваат од канцеларијата на Народниот правобранител, отворени за граѓаните ќе бидат сите седум канцеларии на Народниот правобранител во: Скопје, Битола, Кичево, Куманово, Струмица, Тетово и во Штип, со цел да им се помогне во остварувањето и заштитата на нивните избирачки права. Покрај лично во канцелариите, како и на бесплатната линија, граѓаните ќе можат за заштита на своите права да се јават и на следниве телефонски броеви: Тетово 044 344-082, Струмица 034 329- 996, Кичево 045 228-586, Битола 047 242-310, Штип 032 389-701 и Куманово 031 431-488.

Народниот правобранител, се посочува, правата на граѓаните ќе ги штити со преземање итни мерки за ефективно постапување од странa на надлежните органи во изборниот процес и другите институции кои се должни да им обезбедат заштита на нивните загарантирани права.

-И во оваа пригода, Народниот правобранител потенцира, дека, избирачкото право е уставно загарантирано како еднакво, општо и непосредно и се остварува на слободни избори со тајно гласање и дека никој не смее да биде повикан на одговорност заради остварување на ова право, поради што не случајно повредата на слободата на определувањето на избирачите како и други повреди на избирачкото право се казниви дела, стои во соопштението. 

МВР и денеска ќе издава лични карти

 Одделенијата на МВР за управни работи ќе работат денеска, како и на 4 и 5 мај кога треба да се одржи вториот круг од претседателските избори.

Сите барања за издавање лична карта (оштетена, изгубена или украдена), по законски спроведената постапка, ќе се одобруваат итно во сите регионални Одделенија за управни работи при МВР и тоа само доколку подносителот не поседува биометриска патна исправа.

– Барањата за за лични карти ќе се примаат и одобруваат итно заклучно со сабота, 20 април. Веднаш по примањето на апликациите за лични карти, Одделот за информатика ќе ги изработува и ќе ги доставува до надлежниот сектор за навремена дистрибуција до Одделенијата за управни работи. На денот на претседателските и локалните избори, недела, 21 април 2019 година, Одделенијата за управни работи ќе работат само за издавање на лични карти. Истото ќе важи и за вториот изборен круг, соопштија од МВР. 

притисни ентер