Регион

Вучиќ: Опозицијата да се изјасни дали е за избори или сакаат да ме убијат

 Српскиот претседател Александар Вучиќ денеска од Нови Сад порача дека властите повеќе нема да дозволат насилство на протестите.

Српскиот претседател Александар Вучиќ денеска од Нови Сад порача дека властите повеќе нема да дозволат насилство на протестите, како она од минатата сабота, додавајќи да доколку сепак дојде до насилство тоа ќе трае „толку кратко, што секој добро ќе ја разбере пораката на државата“.

„Она што се случи беше затоа што мислевме дека имаме работа со лидери кои се нормални и рационални, но кога ќе видите дека имате работа со двајца тајкуни, кои брзаат да ги обноват своите финансии со грабеж на државниот имот и со еден фашист, направивме погрешна проценка. Сега повеќе не сметам на разумот на фашистот (Бошко) Обрадовиќ и тајкуните (Драган) Ѓилас и (Вук) Јеремиќ и ќе ги преземеме сите мерки, а граѓаните немаат причина да се плашат повеќе од насилство, кое нема да биде дозволено“, изјави Вучиќ при обиколката на изградбата на новата зграда на Радио-телевизија Војводина во Нови Сад.

Тој изјави дека се запрашал кое е значењето на протестот пред Претседателската палата минатата недела, кога таа беше опколена од демонстрантите, додавајќи дека „во прашање е само една работа, а тоа е – да го убијат“.

– Има само една работа што може да ја направат за да дојдат до власт, а тоа е да ме убијат. Еве кажете ми кој е другиот начин да ме убиете: под еден е убиство и под два се избори. Би било нормално тоа да се избори, но тие знаат дека луѓето не ги сакаат. Што им останува како втора опција? Немојте да го лажете народот дека тоа ви се собирите, им порача Вучиќ на организаторите на протестите.

Вучиќ додаде и дека уапсените студенти се политички активисти и дека многу помалку луѓе се собираат на протестите од она што го тврди опозицијата, посочувајќи дека на вчерашниот собир во Нови Сад имало 692 демонстранти.

Во врска со реакциите во регионот на пресудата на Радован Караџиќ, кои се однесуваат на Република Српска, Вучиќ им порача на оние кои замислуваат дека пресудата би можела да значи укинување на српскиот ентитет во Босна и Херцеговина, дека тој е „дејтонска и уставна категорија“.

Живот

Карате мајстор победи мечка- со еден удар ја избрка и се спаси

Масато Фукуда (50) посетил водопад во близина на градот Најеро, на северниот остров Хокаидо, а потоа видел две мечки.

Една од нив се нафрлила на човекот и брзо зажалила. Масато е карате мајстор, па реагираше со молскавична брзина за да си го спаси животот.

„Морав да реагирам, бидејќи во спротивно немаше да преживеам“, изјави тој за медиумите.

Огромната мечка се обидела да го гризне Масато, но била принудена да се повлече по прецизен удар во глава, пишува Daily Star.

„Во таа прилика ја повредив ногата, но си го спасив животот“, објасни тој.

Животните веднаш побегнале, а човекот дотрчал до својот автомобил и ги снимал од безбедно растојание.

„Имав многу среќа. Кој знае што ќе се случеше ако не отстапеше“, додаде тој.

Свет

Пентагон откри за што ќе ги користи Украина моќните ракети ATACMS- Крим е на удар

Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност.

Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.

Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.

Џејк Саливан, советникот за национална безбедност на Белата куќа, претходно ја потврди испораката на овие проектили без да прецизира дали тие се модифицирани или имаат зголемен дострел.

Украинските сили веќе употребија ATACMS, што претседателот Володимир Зеленски го потврди на 17 април, објавувајќи дека е извршен напад врз воздухопловната база Јанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.

Американскиот дневен весник потсетува дека Украина првпат добила ракети ATACMS во септември минатата година, но дека станува збор за верзија со половина дострел. Се шпекулираше дека Украина може да користи американски ракети за да го уништи мостот Ким, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.

Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.

- Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука - изјави адмирал Кристофер Грејди, заменик командант на Здружениот генералштаб на американската армија.

Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.

Забава

Тиктокерка тврди дека не ја вработиле во продавница поради тетоважите (ВИДЕО)

Тиктокерка под корисничко име @ashxobrien објави видео на таа социјална мрежа во кое раскажува како се пријавила за работа во продавница, но била одбиена. Потоа побарала од нив објаснување.

„Не можеа ни да ми се јават, само ми испратија мејл. Отидов кај нив и прашав зошто ме одбија. Жената со која разговарав ми рече дека немам доволно искуство во споредба со другите кои аплицирале“, рече таа. Сепак, смета дека тоа не била причината, туку дека има многу видливи тетоважи.

"Прашав дали моите тетоважи им пречат затоа што знам дека тоа е често проблем. Таа ми рече дека тоа не е причината. Мислам дека лажеше, но што и да е. Тоа не значи дека не сум добар работник ако имам тетоважи. “, додаде таа во видеото, прегледано 8,5 милиони пати. Таа се прашува како младите без искуство би можеле да се вработат, ако во нејзиниот случај тоа е причината за одбивањето.

@ashxobrien I want to know who is also having a hard time finding a job right now! #jobs #jobmarket ♬ original sound - Ash🖤

Видеото на крајот предизвика многу коментари.

„Работам во HR и можам да ви кажам дека ниту еден работодавец не би ви дозволил да работите со луѓе со толку многу тетоважи“, „Мислам дека мора да е поради тетоважите“, „Проблемот не е во тоа што имате тетоважи, туку што тие се навистина на места што не можеш да ги скриеш“, „Не знам што не разбираш“, „Не се чуди“, „Вака не можеш да работиш во продавница“, напишаа нејзините следбеници.

притисни ентер