Димитров: Чувстувувам тенденција Преспанскиот договор да се внесе во води во кој тој не навлегува

Чувстувувам тенденција Преспанскиот договор да се внесе во води во кои тој не навлегува, во малцински прашања. 

Има напад врз него во Грција дека отвора малцински прашања и има напад овде кај нас, дека на некој начин одбегнува такви прашања, рече попладнево министерот за надворешни реботи Никола Димитров, одговорајќи на новинарски прашања по заедничката прес-конференција со својот чешки колега Томаш Петжичек.

На новинарско прашање на кој јазик зборува македонското малцинство во Грција, Димитров напомена дека Договорот од Преспа воведува, врз основа на нашето право на самоопределување, едно разбирање дека идентификацијата со Македонија и македонски значи една работа во оваа земја, а друга работа во Грција.

Министерот оцени дека ова прашање е мотивирано и дека можеби има цел да го урне и да го компромитира, како што рече, овој крупен процес кој целиот свет го нарече не само успех за Балканот, туку и европски и светски успех.

-Договорот зборува за македонскикот јазик како македонски јазик. Чувстувувам и таму и тука тенденција Договорот да се внесе во води во кој тој не навлегува, во малцински прашања. Има напад врз него во Грција дека тој отвора малцински прашања, и има напад овде кај нас, дека тој на некој начин одбегнува такви прашања. Договорот убаво вели дека за тие деликатни прашања нема да се мешаме во внатрешните работи, тоа е важно прашање за грчкото општество и мислам дека во периодот какво прашање сме затвориле и каков ни е контекстот денес ни треба поголема мудрост и зрелост да се фокусираме на тоа што го правиме и што регулира Договорот. Ова, според мене, е мотивирано можеби и грешам и има цел да го урне и да го компромитира овој крупен процес кој целиот свет го нарече не само успех за Балканот, туку и европски и светски успех, истакна шефот на дипломатијата. 

Еко-акција за чистење на парк шумата Гази Баба

Во Еко-акција, организираа Општина Гази Баба и град Скопје, заедно со ЈКП „Гази Баба" и ЈП „Паркови и зеленило", со поддршка на „Акцијаши" – Скопје, денеска беа исчистени  пристапните патеки и неколку критични локации во парк шумата „Гази

Од Општината информираат дека во следната фаза започнуваат со обнова и поставување на нова урбана опрема во парк шумата. Нов модерен парк за миленици ќе биде новата содржина што ќе ја краси парк шумата Гази Баба, а на повеќе локации низ самата парк шума ќе бидат поставени реквизити за миленици и посебна урбана опрема.

– Целта на оваа акција е да бидеме пример за сите оние кои ја загадуваат животната средина. Да им покажеме дека кога сме во природа, треба и ѓубрето кое што сме го направиле, да го собереме и фрлиме во соодветни контејнери, истакна градоначалникот на Општина Гази Баба, Борис Георгиевски. 

Масовна тепачка на плоштад во Берлин – се степаа фанови на две јутјуб ѕвезди

Спор меѓу две ривалски ѕвезди на јутјуб каналот, предизвика масовна тепачка на плоштад во Берлин.

Повеќе од 100 полицајци учествуваа во акцијата за спречување на тепачката која избила во четвртокот вечерта на плоштадот Александерплац во германскиот главен град.

Полицијата соопшти дека уапсени се девет лица, а се претпоставува дека тепачката била организирана, со оглед дека се собрале повеќе од 400 луѓе, откако двајца главни поттикнувачи на инцидентот, ги повикале своите обожаватели да им се придружат на соочувањето.

Тензиите ескалирале, по што избила голема гужва меѓу 50-на луѓе.

 

Во Струмица продолжи акцијата за чистење диви депонии

Продолжува акциjата за чистење на комуналниот отпад во повеќе населени места на територијата на општина Струмица со конкретни активности на ЈПКД „Комуналец" во соработка со општината и голема помош со механизација на дел од приватниот сектор. 

Денес се чистеа диви депонии во населените места Банско, Муртино и Просениково.

Раководителот на секторот „Комунална хигиена" при ЈПКД „Комуналц",Бранко Горѓиев, информираше дека првата недела од акцијата за чистење на дивите депонии биле подигнати 1.370 метри кубни отпад, а исчистени се депонии во населените места Просениково, Добрејци и Водоча.

-Со овие акции се очекува значително да се подобри состојбата со непрописното одложување на отпадот, намалување на неговото штетно влијание и локализирање на депониите со цел полесна контрола на истите, рече Горѓиев,

Градоначалникот Коста Јаневски и директорот на „Комуналец", Зоран Горгиев и денеска повторно упатија апел до граѓаните за совесно и правилно да го одлагаат својот отпад, со цел да се спречи создавање на диви депонии и да се сфати пораката дека заштитата на животната околина зависи од сите нас./МИА

притисни ентер