Поларни мечки ,,окупираа” град во Русија (ВИДЕО)

Повеќе од 50 големи поларни мечки слободно се шетаат низ град на северот на Русија.

Најмалку 52 поларни мечки се забележани како се шетаат слободно по улиците , поради што во гратчето Белусиа Губа е прогласена вонредна состојба.

,,На луѓето им е страв да излезат надвор од домовите , а нивните секојдневни рутински обврски не може да ги извршуваат.” , изјави гувернерот на покраината.

Во мечките е забрането да се пука , зашто се загрозен вид . Жителите се спасуваат така што околу училиштата и градинките ставаат дополнителна цврста ограда.

„Само Вистина“ вечерва со Дане Талески и Тимчо Муцунски

Во вечерашната „Само Вистина“ ќе дебатираат Дане Талески и Тимчо Муцунски.

Почитувани дами и господа, нема повистинско време од денеска за да не продолжиме таму каде што застанавме вчера, во потрага по нашата и ваша вистина. Вечерва заедно со нашите гости, советникот на премиерот Дане Талески и меѓународниот секретар на ВМРО-ДПМНЕ Тимчо Муцунски. Не беше расположен за средба со Заев ама го нагости Пендаровски во Париз. Што го предомисли францускиот претседател? Дали ќе победат македонските аргументи или француското вето? Може ли Пендаровски да го разубеди Макрон? Доктори на науки никнат како печурки после дожд а квалификувани работници нема ниту за лек.

Владата сака да инвестира во човечки капитал а луѓе во државата се’ помалку. На чии сметки ќе завршат четири милијарди евра од буџетот? Власта се фали со отвореност кон граѓаните а недовербата во поделбата на тендерите остана. Кога граѓаните ќе кажат „не“ на расипничкото трошење на парите од нивниот џеб? Наместо кафеани и згради во скопски Центар ќе никне зеленило. Кисела Вода и Аеродром неќат да чујат за трева во нивното маало. Првата не се откажува од 100 нови згради а втората од високатница на сред училишен двор.

Зошто Богдановиќ може а Георгиевски и Марин не сакаат? Додека Тетово урива рекорди по загаденост, власта брка новинари од јавна дебата што со судбината на Шара, белите дробови на тетовчани. Во меѓувреме градоначалничката Арифи размислува за новата функција, амбасадорка во САД. Кој врв ќе ја вивне во височините а кој ќе ја спушти на земја? Оној на славна Шара или оној на уште пославниот Капитол Хил?

За вистината и височините, за парите или животот вечерва дебатираме само и ексклузивно на Канал 5. Во 18:30 со Дане Талески и Тимчо Муцунски во „Само вистина“.

МАНУ одбележа еден век од раѓањето на академик Димитар Митрев

Димитар Митрев бил член на МАНУ од нејзиниот прв работен состав во 1967 година.

Човек со неверојатен талент на публицист и врвен полемичар кој има огромен придонес во теоријата и историјата на литературата – рече претседателот на МАНУ Таки Фити за основоположникот на македонската книжевна критика, академик Димитар Митрев,  за кого Академијата денеска организираше свечен собир по повод 100 години од неговото раѓање (1919-1976).

Димитар Митрев бил член на МАНУ од нејзиниот прв работен состав во 1967 година. Еден е од основачите и на Друштвото на писателите на Македонија, во неколку наврати негов претседател, декан на Филозофскиот факултет и ректор на Скопскиот универзитетет. Митрев е автор на 15-ина есеистички трудови, бил критичар, есеист, полемичар, антологичар, фељтонист.

-Добрите познавачи на неговото дело ќе речат дека тој бдееше над судбината на македонскиот народ, го објаснуваше неговото минато, ја обмислуваше сегашноста и размислуваше за иднината на македонскиот народ. Тој бдееше и над книгите и сите се согласни дека со својот критички, категоричен збор, со својата елоквенција, силно влијаеше врз развојниот процес на македонската литература. Поради сите негови заслуги, на комеморативната седница по повод смртта на академик Митрев, академик Блаже Конески ќе рече: „Митрев е веќе во историјата и во иднината", рече претседателот на МАНУ на денешниот собир.

За животниот пат на Митрев зборуваше академик Витомир Митевски, секретар на Одделението за лингвистика и литературна наука во МАНУ, кој рече дека на македонското дело Митрев бил посветен уште од најрана возраст – од родното Деде Агач во денешна Грција, за време на школувањето во Бугарија, каде што  додека студирал право  членувал во Македонскиот литературен кружок и заедно со Никола Вапцаров го редактирал весникот „Литературен критик". По доаѓањето во Македонија, високото образование го завршил на Филозофскиот факултет во Скопје, на групата по филозофија, по што следувале редица значајни професионални и општествени ангажмани.

Митевски истакна дека во творечкиот профил на Митрев доминира ликот на книжевен критичар, притоа посочувајќи на искажувањата за Митрев од двајца книжевни авторитети – Старделов и Конески.

Според Старделов, Митрев е книжевен критичар со конзистентен реалистичен став, кој ја брани доследно универзалноста на поетиката на реализмот и ги воспоставува базичните одредници на новиот креативен реализам, а со тоа и на книжевната критика заснована врз неговите начела.

-Од друга страна, пак, Блаже Конески ќе рече: „Во личноста на Димитар Митрев се манифестира длабок, благороден став и гест на еден од најизразитите романтичари на македонската национално-културна преобразба, додаде Митевски.

На собирот во МАНУ присуствуваше и ќерката на Митрев, Илинка Митрева, универзитетски професор и поранешен министер за надворешни работи. На свеченоста што точно на денот на раѓањето на Митрев  минатиот месец ја организираше Друштвото на писателите на Македонија (14 октомври), Митрева во есеј за својот татко рече дека во неговата личност постои еднаквост помеѓу исклучителниот човек и исклучителниот деец.

– Постулирав три крупни императиви во теоријата на духот на теоретичарот и човекот Митрев – моралот на акцијата, пледоаје на националното, осуда на баналноста... Тој ги поставува високите стандарди на ексклузивниот спој на интуиција и ерудиција во поимањето на книжевното. Ослободено од баластот на тековната реторика и сведено на чисти суштини, делото на Митрев ќе претставува сѐ поголем предизвик за идните проучувачи..., рече Митрева во таа пригода.

За Димитар Митрев на денешниот собир во МАНУ зборуваа и академик Катица Ќулавкова, проф. д-р Веле Смилевски и д-р Ангелина Бановиќ-Марковска. /МИА

Бизнис форум меѓу чешки и македонски текстилни и кожарски компании во Штип

Компании од текстилниот и кожарскиот сектор од земјава и Република Чешка денеска се дел од бизнис форумот, што се одржува во Мултимедијалниот центар „Киро Глигоров" во Штип. 

Амбасадорот на Република Чешка во земјава, Мирослав Томан, верува дека преку овој бизнис форум ќе се воспостави соработка меѓу чешките и македонските компании од овие сектори.

-Преку овој бизнис форум ќе се остварат нови контакти, нови можности за соработка што ги сметаме за плодови и токму тоа е целта на денешиот бизнис форум, вели Томан.

Градоначалникот на Општина Штип, Благој Бочварски, забележа дека овој бизнис форум е значаен за Штип како текстилен град, во кој работат околу 70 текстилни конфекции.

-Многу е значен за конекција, вмрежување меѓу компаниите кои се дојдени овде од Чешка, со нашите домашни компании, со цел отварање на нови можности, градење на нови мостови, создавање на нови работни места и нудење на подобри и попристојни услови за работа со попристојни плати, вели Бочварски.

Извршниот директор на чешката асоцијација за текстил и облека АТОК, Јиржи Чесал, вели дека овој сектор во неговата земја е во стагнација. Таму фирмите сакаат да се развиваат, но имаат потреба од квалификувана работна сила. Овој проблем доаѓа поради тоа што во оваа земја процентот на невработените е само 2,6.

-Ова е проблем со којшто Република Чешка се обиде да го реши со примање на работници од Украина, но не се покажа како добро решение. Ние сметаме дека е подобра меѓународната соработка, во смисла на тоа дека производството би се споделило, а не да се примаат работници од други земји. Тука го гледаме македонскиот пазар, како природен пазар, каде што би сакале да соработуваме, вели Чесал.

Очекува соработката меѓу чешките и македонските компании, кои ќе ја воспостават по овој бизнис форум да не биде само на една година, туку да биде долгорочен. Во оваа земја просечната плата во текстилната индустрија е 1.000 евра, додека во секторот за облека е над 700 евра. Во Република Чешка има над 600 компании од текстилниот сектор, кои вработуваат над 20 лица, а се ориентирани кон техничкиот текстил.

Извршниот директор на Текстилниот Кластер во Република Македонија, Наташа Сивевска, смета дека отворањето на нови пазари за македонските компании е голем предизвик.

-Очекувам да организираме добри средби во две насоки и тоа во насока на соработка со чешки брендови, каде што облеката би се произведувала во Македонија и втора насока во делот на набавка на технички материјали, за коешто тие имаат производство, вели Сивевска. /МИА

притисни ентер