Утре премиера на филмот „Господ постои, името и е Петрунија“ во Берлин

Министерот за култура Асаф Адеми е во Берлин и утре ќе присуствува на светската премиера на новиот македонски филм „Господ постои, името и е Петрунија“ на Теона Стругар Митевска.

Филмот е избран во официјална конкуренција на годинашното „Берлинале“, со што по пауза од 25 години, македонски филм повторно ќе биде во главна селекција на филмски фестивал од А-категорија.

Вечерва пак во организација на агенцијата за филм ќе се одржи македонски ден на кој ќе присуствува и министерот за култура Адеми.

На филмскиот фестивал „Берлинале“ Република Македонија учествува и во други две програми.

Имено, актерот Благој Веселинов е избран во програмата „филмски ѕвезди“ (Shooting stars), а актерката Сара Климоска е дел од „Берлин Таленти“.

Пред охриѓани презентиран Нацрт-планот за управување со природното и културното наследство во Охридскиот регион

Тоа значи воспоставување заштитен појас од 50 метри од границата на катастарската парцела Охридско Езеро.

Пред граѓаните на Охрид денеска беа презентирани деталите содржани во Нацрт-планот за управување со природното и културното наследство во Охридскиот регион и Стратегиската оцена на животната средина за периодот 2019-2028 година, како документи од витално значење за заштитата на регионот како културно-историското богатство и природна реткост признаена од УНЕСКО.

Државниот секретар во Министерството за животна средина и просторно планирање, Ана Петровска, пред охриѓани истакна дека планот претставува исчекор напред оттаму што предвидува зонирање во самиот простор, што ќе овозможи соодветни мерки за негова заштита.

– Тоа значи воспоставување заштитен појас од 50 метри од границата на катастарската парцела Охридско Езеро, каде на интегиран пристап преку урбанистички план од државно значење ќе се утврдуваат заштитните мерки, во соодветните А и Б зони, рече Петровска.

Планот предвидува во А зона да не се дозволува градење со цел задржување на крајбрежната функционалност на езерото и зачувување на квалитетот на езерото, додека во Б зоната се задржуваат изградените објекти, но со тенденција на зголемување на површината од зоната А, особено во деловите што имаат крајбрежна функционалност согласно рамковната директива за води.

По однос забелешките на дел од еколошките задруженија, експертска јавност дека се носи План за управување без притоа да се донесат соодветни законски решенија за Охридско Езеро, без студија за Студенчишкото блато, за управувањето со Националниот парк „Галичица", со сливното подрачје на Охридското Езеро и слични документи, Петровска категорична дека доколку се чека на спроведување на сите потребни процедури, а потоа се носи План, Охридското Езеро никогаш нема да добие соодветна и неопходна заштита.

– Ние треба под итно да го направиме планот и да го усогласиме со сите чинители, за што е впрочем организирана оваа јавна расправа, и веднаш штом го донесеме да продолжиме со зонирањето внатре во заштитените подрачја. Доколку се прават промени во зонирањето, Планот ќе биде ревидиран и усогласуван преку соодветни предвидени преодни одредби, рече таа.

Самиот План треба да ја даде рамката за управување со регионот, но со него управуваат институциите, но и граѓаните кои имаат свое земјиште и објекти во планот.

– Доколку тој се почитува имаме добра основа, да и помогнеме на Комисијата за управување со природното и културното наследство да може да носи одлуки. Планот овојпат е толку експлицитен што согласно мерките што ги утврдува документот, Комисијата точно ќе може да издава дозвола за градба, рече Петровска.

Попладнево јавна расправа по Нацрт-планот за управување со природното и културното наследство во Охридскиот регион и Стратегиската оцена на животната средина ќе се одржи и со граѓаните на Струга.

Самиот Нацрт-план на 20 октомври е испратен до УНЕСКО така што се очекува повратна информација по однос документот со нивно мислење. После одржувањето на јавните расправи процедурата понатаму предвидува разгледување на реалните забелешки од кои дел би биле интегрирани во документот, по што таквиот усогласен План би бил доставен на усвојување до Владата и во февруари идната година до УНЕСКО.

Буџетот за 2020 година 3,89 милијарди евра, рекордни инвестиции во човечкиот капитал

Буџетот за наредната година ќе изнесува 3,898 милијарди евра, а во фокусот ќе биде човечкиот капитал, односно подобар здравствен, образовен и социјален систем и силна поддршка за раст на реалниот сектор.

Предлогот што доби поддршка од Владата го претставија денеска на прес-конференција премиерот Зоран Заев и министерката за финансии Нина Ангеловска.

Премиерот истакна дека во средиштето на вниманието кога се креираат политиките се граѓаните и растот на стандардот и дека политиките во наредната година ќе бидат посветени на поддршка на потенцијалот за раст и за грижа за секој граѓанин.

– И ако прашате зошто овој буџет се гледаше на повеќе седници? За секој денар на граѓаните се водеше сметка каде ќе биде најдобро и најпродуктивно искористен во полза на придобивките на нашите граѓани. Сепак, капиталните инвестиции остануваат повеќе од 23 милијарди денари која е вообичаената ставка во буџетот. За да биде скроен по мерка на граѓаните, овој буџет е влог во луѓето, во човечкиот капитал, рече Заев и додаде дека така е најдобро да се дискутира и да се скрои буџетот по мерка на граѓаните.

Според него, оваа определба е резултат на вниманието што е постојано насочено кон граѓаните и зголемување на стандардот. При тоа посочи на зголемувањето на минималната плата, социјалниот пакет, економски политики што отворија нови работни места, раст на платите во јавниот сектор…

Министерката Ангеловска го оцени како реален предложениот буџет за наредната година.

– Причината поради која поддршката на човечкиот капитал е во фокус, односно вложување во граѓаните и создавање подобри услови за живот, е предизвикот со кој сме соочени како земја: да го задржиме и надградиме нашиот човечки капитал. Доколку не вложуваме континуирано во човечкиот капитал, како земја нема да имаме работна сила подготвена за работните места на иднината, нема да бидеме конкурентни со светската економија и нема да може да го одржиме економскиот раст. Свесни сме дека како земја според индексот на човечки капитал, кој ја мери потенцијалната продуктивност на детето согласно инвестираното во него преку здравството, образованието и социјалната грижа, заостануваме во регионот. Добар буџет, е оној буџет кој ги адресира приоритетите – а приоритет за раст и напредок на земјата е човечкиот капитал, рече министерката за финансии.

Таа додаде вкупно 154 милијарди денари ќе се инвестираат во здравството, образованието и социјалната заштита, што е 64 отсто од вкупните расходи или зголемување за околу 10 милијарди во однос 2019 година.

Според премиерот, се зајакнуваат столбовите на општеството во кои повторно фоксусот се граѓаните.

Така во здравството е предвидено покачување на платите на целокупниот медицински персонал, почнувајќи од февруарската плата, во образованието ново зголемување од 10 отсто ќе има од јануари, од кога ќе бидат покачени и пензиите дополнително на редовната индексација со трошоците на живот.

– Владата се одлучи на вакво дополнително зголемување на пензиите имајќи ги предвид економските параметри минатите две години посебно порастот на просечната плата за повеќе од 2.297 денари  и на минималната плата  за 4-5000 денари. Пензиите ќе пораснат за 700 денари и заедно со веќе постоечкото усогласување со растот на трошоците за живот ќе пораснат вкупно за 850 до 900 денари, рече премиерот.

За аерозагадување ќе има 100 милиони денари, што не се вкупни средства, бидејќи, како што рече Заев, еден сериозен дел е вклучен во буџетот на одделни министерства и дополнително 10 милиони евра од буџетот на ЕСМ за набавка на еколошки инвертери за 10.000 домаќинства.

Капиталите расходи се проектирани на ниво од 23 милијарди денари. Инвестициите се наменети за интензивирање на инфрасруктурните проекти, односно за вложување во патна и железничка инфраструктура, енергетската и комуналната инфраструктура, како и капитални инвестиции за подобрување на условите во здравствениот, обрзованиот и социјалниот систем, земјоделството, културата, спортот, заштитата на животната средина и правосудството.

Приходите во буџетот за 2020 година се проектирани на 222 милијарди и 300 милиони денари или 3 милијарди 615 милиони евра, што претставува раст од 5,6 отсто споредено со оваа година. Кај расходната страна на буџетот планиран е раст од  пет отсто во однос на минатата година со што вкупните расходи изнесуваат 239 милијарди и 700 милиони денари, односно 3 милијарди 898 милиони евра.

Буџетскиот дефицит за 2020 година е предвиден на ниво од 2,3 отсто од БДП, што е пониско од  годинашните 2,5 отсто, согласност со Фискалната стратегија 2020-2022, како и препораките на сите меѓународни организации.

Минситерката Ангеловска посочи дека дефицитот е намален и во апсолутно ниво за 160 милиони денари и изнесува 17 милијарди 385 милиони денари.

Проекциите во буџетот се правени врз основа на предвиден раст за следната година од 3,8 отсто од БДП, кој се базира на растот на приватната потрошувачка, извозот и инвестициите – јавни и приватни.

Предлог-буџетот за наредната година ќе биде доставен до Собранието на Република Македонија.

Манчевски: Нема да се стопираат вработувањата заради изборите

Потребите за вработување ги дефинираат институциите, а не Министерството за информатичко општество и администрација (МИОА). Огласи за нови вработувања се распишани и ќе продолжат да се распишуваат.

 Нема да се стопираат вработувањата заради изборите, бидејќи институциите имаат потреби. Тоа е жива материја, луѓе си одат и луѓе доаѓаат, порача денеска министерот за информатичко општество и администрација Дамјан Манчевски.

– Огласите не ги распишува Министерството. Ние немаме евиденција кому што му треба. Затоа има раководители на институции. Не сме запознати колку огласи се објавени за примање нови вработени во јавната администрација, бидејќи тоа не е надлежност на МИОА, туку на Агенцијата за администрација, рече Манчевски во одговор на прашање на денешната прес-конференција по повод Годишната конференција на РеСПА за реформа на јавната администрација на тема: „Дигитална трансформација: Реформа на јавната администрација за дигиталната ера".

Нешто што нема врска со изборите, посочи тој, се случува на крајот на секоја година согласно функционирањето на кој било Буџет.

– На крајот на секоја година се прекинуваат договорите на определено и доколку има потреба институциите повторно распишуваат огласи во новата година за нови договори на определено. Ова е нешто што се случува секоја година без разлика дали има избори или не, туку едноставно на 31 декаември така функционира Буџетот. Затоа секоја година после Нова година имаме зголемен број на  распишани огласи за договори на одредно време. Тоа ќе се случува и годинава, а се случувало и секоја година наназад, појасни Манчевски.

Тој прецизира дека се уште не е готов проектот за префрлање кадар од јавниот во приватниот сектор со кој треба да се детектира што е вишок на работни места, за што се во тек анализите.

– Овој проект не е готов, но тоа апсолутно не значи дека во моментов институциите немаат потреба од нови вработувања. Има голем број на кадри кои недостасуваат во јавната администрација што не го претставува целиот јавен сектор. Во јавната администрација и централните институции недостига кадар, а во јавниот сектор севкупно имаме превработеност. Анализите кои треба да ги почекаме ќе кажат каде има превработеност. Сите треба да го поддржиме овој проект или да дадеме алтернативен кој сум подготвен да го прифатам, рече Манчевски.

Кога ќе бидат готови анализите, додаде министерот, ќе бидат претставени во транспарентен процес во кој ќе бидат вклучени и синдикатите и стопанските комори. 

притисни ентер