Камион прегази демонстрант од ,,Жолтите елеци” во Белгија (ВИДЕО)

Маж е осомничен дека намерно вчеравечер со камион прегазил демонстрант од ,,Жолтите елеци” , кој починал на самото место.

Возачот на камион е идентификуван во Холандија, но денеска се уште е во бегство , соопшти вечерва обвинителството во Лијеж , кое ја води истрагата.

Со помош на регистерските таблички на камионот , кои ги посочиле сведоците ,полицијата влегла во трага на компанија од Тилбург , во Холандија, од каде го идентификувале возачот.

По него е издадена европска потерница. Не е можно возачот да не го видел двете лица , кои се обидувале да го спречат камиониот да помине.

Драмата се случила на автопатот Е25 во местото Визе во насока кон Мастрихт. наместо да запре , камионот забрзал и го прегазил 49 годишниот демонстрант Роже Бароле.

,,Роже му викаше застани , застани , но возачот забрза и го прегази. Тоа е убиство.” вели жена која била очевидец на местото во изјава за белгиските медиуми.

Ова е прв смртен случај на белгиски ,,Жолти елеци” од почетокот на протестите кон средината на ноември минатата година.

Европа е во опасност – предупредуваат безбедносните служби

Можни напади на ултрадесничари , каков што беше оној во Нов Зеланд , претставува се поголема закана за Европа, предвидуваат безбедносните служби.

Европските безбедносни служби по минатонеделниот напад во џамии во Крајстчрч го засилија надзорот над ултрадесничарите. Во Франција, Британија, Германија и Италија веќе со години безбедносните служби предупредуваат на силната поларизација во општеството и можноста екстремисти да го нападнат муслиманското малцинство во овие земји.

,,Европа е во голема опасност. Екстремистите се засилуваат насекаде , а ние ги пренаменуваме средствата за да можеме да ја следиме барем ултрадесницата и екстремистите. Наше е да предвидиме и да ги блокираме тие групи , за да не можат во одреден момент да предизвикаат судир меѓу заедниците.” , вели Патрик Калвар , директор на француската разузнувачка служба.

,,Во последните четири до пет години во западните земји утврдивме зголемен број на злосторства од омраза и терористичко насилство од карајно десничарски групи. Тоа се должи на засилената поларизација не само на страната на џихадистите , туку и на крајаната десница.”, вели Питер Њумен , директор на Меѓународниот центар за студии за радикализација од Лондон.

Туск : Се е можно до новиот рок за Брегзит, 12 април

Претседателот на Европскиот совет , Доналд Туск изјави денеска дека се е можно до новиот рок за Брегзит , 12 април , доколку британските пратеници следната недела не го одобрат договорот за излез на Британија од ЕУ.

,,До 12 април се е можно: договор, подолго одлагање доколку Британија одлучи да ја преиспита својата стратегија или поништување на членот 50, што би значело откажување од Брегзитот” , изјави Туск на прес конференција во Брисел по завршувањето на состанокот на лидерите на ЕУ.

 ,,Секако повторно ќе се сретнеме пред овој датум , се разбира во присуство на премиерката Меј. “ , изјави германската канцеларка Ангела Меркел со најава за нов самит.

Првите луѓе на Унијата вчера и дадоа на Британија одложување на Брегзитот на 12 април , наместо рокот од 29 март , договорен за излез од ЕУ.

Илјадници се евакуираат во Австралија пред ударот на два силни циклони

Илјадници Австралијанци се евакуираат пред ударот на два силни циклони , што би можеле да бидат разорни.

Во текот на викендот северот на Австралија ќе биде погоден од силниот циклон Тревор , додека циклонот Вероника ќе го погодин западниот дел на земјата. Се очекуваат силни ветришта , дожд и големи бранови.

Жителите кои живеат во овие подрачја се предупредени дека надоаѓа големо невреме со поплави , така што илјадници се евакуираат.

Ова е втор пат во историјата метеоролозите да најават два циклона во Австралија во ист ден.

Тревор во сабота наутро ќе го погоди северот на државата , каде се очекува за еден ден да наврне дожд колку што врне за цела година. Циклонот Вероника ќе го погоди северозападниот брег меѓу сабота попладне и недела наутро.

притисни ентер