Италијанскиот производител на супер брзи автомобили објави дека во третиот квартал продале рекордни 2 262 автомобили . што е раст од 11% , за разлика од истиот период минатата година кога биле продадени 216 автомобили помалку.

И во првите девет месеци од годинава се бележи раст на продажбата со испорачани 6 853 автомобили , односно за 7% повеќе отколку лани. Најмногу возила се продадени на купувачи од Европа, Блискиот Исток и Африка , каде се продадени 3 181 автомобили со раст од 8%. 2 189 возила се продадени во Северна и Јужна Америка , а само 522 спортски автомобили купиле потрошувачите во Кина и Тајван.

Најпродавани модели биле Ферари Портофино и Ферари 812 Суперфаст.

Од компанијата планираат наредните неколку години двојно да го зголемат профитот , поради најавата за дури 15 нови модели до 2022 , меѓу кои и џип Ферари , за кој уште сега има голем интерес.