Утре во 14 часот ќе продолжи со работа Комисијата за уставни прашања

И покрај тоа што засега не даваат видливи резултати, продолжуваат апелите од меѓународната заедница насочени директно кон ВМРО-ДПМНЕ,  во собранието да го поддржи уставните измени и со тоа да го обезбеди членството на Македонија во НАТО и ЕУ.

По последната остра порака од ЕПП  која и се закани на најголемата опозициска партија во земјава може да биде практично исклучена од семејството европски народни партии поради, како што велат блокадата на евроатланските интеграции на Македонија. 

Со апел за разум се јави и заменикот шеф на пратеничката група на ЦДУ во Бундестагот, Јохан Вадефул. Тој за Дојче Веле кажа дека ако пратениците на ВМРО-ДПМНЕ  сакаат земјата да е интегрирана во ЕУ и НАТО, ќе треба да гласаат за уставните измени, во спротивно ќе втурна Македонија во неизвесна иднина.

 - Но, од наш агол погледнато, Македонија е дел од евроатлантската заедница и не веруваме дека во блиска иднина има друга алтернатива, освен онаа која сега е најдена. Затоа, дури и ако за опозицијата е тоа тешко, нашата препорака гласи - да се оди по тој пат и да му се даде поддршка на договорот со тоа што за тоа ќе се гласа и во парламентот. Мислам дека ваква шанса нема да се создаде повторно толку бргу. 

Од тоа што се случуваше синоќа во собранието може да се заклучи дека пратениците од ВМРО-ДПМНЕ остануваат на декларираниот став, дека договорот со Грција за нив е мртов и дека нема да го поддржат во собранието.

Претседателката на Унијата на жени на ВМРО-ДПМНЕ, Даниела Рангелова, пак смета дека идејата да се бојкотира референдумот била погрешна. Вели, ВМРО-ДПМНЕ не ја одиграла вистинската улога во процесот, за што впрочем говорат и критиките од страна на шефот на ЕПП, Жозеф Дол, кој изрази разочараност од неконстурктивноста на ВМРО-ДПМНЕ. Рангелова во интервју откри дека по гласањето била изложена на невиден притисок, омаловажувања, понижувања и закани по животот. Во меѓувреме премиерот Заев верува дека уставните измени ќе поминато во собранието со поддршка и на пратениците од опозицијата.

Инаку, веќе во понеделник ќе заседаваат Европските народни парии,  каде се очекува да биде испратена уште една, можеби последна порака до ВМРО-ДПМНЕ да го поддржи договорот меѓу Македонија и Грција. 

Утре почнува самитот на ЕУ: Гаранција за преговори или студен туш ?

Македонија и дефинитивно летово останува без датум за преговори, битката сега е да се осигура дека би го добила есенва.

По вчерашните заклучоци на Советот на министрите во кои се предлага ЕУ да се наврати на прашањето најдоцна до октомври, конечниот збор ќе го имаат лидерите на земјите членки на самитот утре и заутре.. Во Брисел е Александар Видиновски.

ВМРО-ДПМНЕ: Граѓаните нема да добијат по 30.000 денари поврат на ДДВ на крај на годината

Граѓаните ниту виделе, ниту ќе видат аир од Зоран Заев и најнеспособната влада, се наведува во реакцијата на ВМРО- ДПМНЕ.

Животот дојде само за врхушката околу него, а бројот на луѓе кои живеат под прагот на сиромаштија постојано се зголемува. Затоа главна цел на младите не е да собираат фискални, туку да соберат пари за да купат карта за заминување од Македонија.

Проектот на владата е уште една шарена лага од која што граѓаните нема да имаат вистинска корист. Единствено манипулаторот Заев се обидува со пари од народот да добие политички поени. Доколку навистина се грижеше за буџетот на граѓаните, Заев ќе ја намалеше акцизата која што ја покачи, ќе го зголемеше обемот на производи со повластена стапка на ДДВ од 5% или ќе ја намалеше стапката на ДДВ од 18%, а пред се ќе престанеше да ги краде парите преку наместени тендери.

Вака останува впечатокот дека станува збор за квазипроект кој ќе направи поголема штета, отколку корист. Се компликува целиот апарат, се воведуваат софтвери и апликации, а се очекува оние кои се најзагрозени, сиромашните пензионерите и другите ранливи категории, со смартфони да ги сликаат фискалните сметки.

Економска логика за овој проект нема. Истиот дополнително ќе го загрози полнењето на буџетот и потоа ќе има контраефект врз исплатата на платите и придонесите на администрацијата и пензионерите.

Граѓаните нема да добијат по 30.000 денари поврат на ДДВ на крај на годината. За да добијат толкав поврат треба да исплатат во текот на годината ДДВ во висина од над 200 000 денари, односно да купат стоки во вредност од околу 25 000 евра од кои само помалиот дел би биле со повластена стапка на ДДВ од 5% како што е хратана и средствата за хигиена. Дури и со две просечни плати од по 1000 евра, едно семејство не може да си дозволи толкав трошок, така што провидни се лагите на Зоран Заев.

Квазипроектот ќе предизвика проблеми, а откако тоа ќе се обелодени инволвираните треба да понесат одговорност.

Во Владата разгледан Законот за управување со движење на предметите во судовите

Советот за имплементација на стратегијата за реформи во правосудството (2017-2022) го разгледа и Законот за управување со движење на предметите во судовите.

На денеска одржаната  12. седница на Советот за имплементација на стратегијата за реформи во правосудството (2017-2022) беше презентиран Законот за управување со движење на предметите во судовите.

Претставник на  Министерството за правда, ги запозна членовите на Советот за имплементација на стратегијата за реформи во правосудството со одредбите во законот, кој има за цел да го спречи застојот и натамошното трупање на судски предмети.

На оваа седница на Советот за имплементација на стратегијата за реформи во правосудството членовите го разгледаа и Законот за академија за судии и јавни обвинители. Министерката за правда, Рената Десковска им се заблагодари на членовите на Советот за констатираните забелешки и за понудените предлози за измени и дополнувања во насока на финализација на текстот на законот, се наведува во соопштението од Владата. 

притисни ентер