Германец исчезнал во поплавите во Франција (ВИДЕО)

Над 1600 лица се евакуирани , а еден Германец исчезнал од кампот , однесен од надојдените води .

Најголем број од евакуираните се кампери на југот на Франција . Во поплавите исчезнал 70 годишен Германец , кој се грижел за децата во кампот. Во кампот Сен Жулијен де Перола имало 119 деца , а Германецот ги чувал , кога наеднаш надошла водата . децата се качиле на дрвјата , а мажот се скрил во неговото камп возило, кое го однела надојдената вода .

Но , полицијата по неколку часа го нашла возилото празно и распарчено . Во спасувањето на камперите се вклучени над 400 пожарникари и полицајци , како и четири хеликоптери. Поплавите и силните врнежи од дожд доаѓаат по топлотниот бран што ја зафати речиси цела Европа.

За 24 часа во регионот наврнале над 80 милиметри воден талог. Според министерот за внатрешни работи , во шест региони е прогласен црвен аларм за поплави , а 17 000 домови се без електричана енергија во југозападниот и североисточниот дел на земјата.

Локалните власти јавуваат дека десетина луѓе биле задржани во болница поради хипотермија и помали повреди.

Меј: Парламентот ќе одлучи за нов референдум за Брегзит

Британската премиерка Тереза Меј синоќа изјави дека на Парламентот ќе му биде дадена можност да гласа за тоа дали ќе се одржи нов референдум за членството на Велика Британија во Европската унија.

Меј рече дека предлогот на договорот за повлекување од ЕУ, кој планира да го претстави на парламентот идниот месец, вклучува одредба за гласање за одржување нов референдум за Брегзит.

Ова е клучно барање на бројни опозициски пратеници, вели АП, додавајќи дека Меј нуди отстапки за она што таа го нарекува ,,последна шанса” за да се обезбеди регуларното британско заминување од Унијата.

 Договорот кој Меј го постигна со ЕУ, досега трипати беше одбиен од страна на Британскиот парламент.

Археолошки музеј ги отвори вратите за кучињата придружници

 Археолошкиот музеј на Македонија од денеска ги отвора своите врати за кучиња придружници на лицата со попреченост.

– Како општествено одговорна институција која прва меѓу музеите во нашава држава ја донесува оваа одлука, апелираме дека институциите од областа на културата треба да бидат достапни секому и да придонесат за подигнување нa свеста и овозможување слободен пристап на кучињата придружници, наведуваат во соопштението од Археолошкиот музеј.

Оттаму потсетуваат дека ги исполнуваат сите услови за непречен пристап на лица со телесна инвалидност и оти располагаат со лиценцирани водичи за лица со попреченост. 

За утре во 11 часот закажана седницата за пратеничкиот мандат на Никола Груевски

Павле Богоевски, како претседател на  Комисијата за деловнички и имунитетно-мандантни прашања за утре во 11 часот ја закажа седницата на која треба да се одлучува за одземање на пратеничкиот мандат на Никола Груевски.

 Но, опозицијата го оспорува неговиот кредибилитет по скандалот со нелегална набавка на наркотици.

Пратениците на ВМРО ДПМНЕ допрва ќе се координираат дали утре ќе побараат одземање на Богоевски од претседателската функција во комисијата, а се уште немаат прецизен став и како ќе гласаат по предлогот да му се одземе мандатот на поранешниот премиер и претседател на ВМРО ДПМНЕ.

За пратениците од парламентарното мнозинство најважно за утрешната седница е да се задржи фокусот на Груевски, без одговор дали Богоевски има кредибилитет да ја води комисијата.

По признанието дека нелегално набавувал, како што самиот тврди, масло од канабис, Богоевски досега одбива да се изјасни по повиците во јавноста за негова оставка од пратеничката функција.

Во меѓувреме, обвинителството и МВР по негова пријава работат на утврдување на идентитетот на таксистот што наводно го снимал пратеникот како и на сопственикот на профилите на социјалните мрежи каде беше објавен телефонскиот разговор.

притисни ентер