И тука рускиот претседател Владимир Путин освои важни дипломатски голови – светски лидери доаѓаат во Москва на натпреварите, подигнувајќи го на тој начин угледот на Путин и ставајќи ја Русија во центарот на геополитичките случувања, оценува американската медиумска куќа.

Еве и пример, пишува „СиЕнЕн“, убедлива победа на Русите на стартот на првенството, против Саудиска Арабија, а во свечената ложа Путин го угости престолонаследникот Мохамед бин Салман. Селекцијата на Саудиска Арабија изгуби од Русите 5-0, но Путин и саудискиот принц се погрижија на светот да му порачаат дека се согласни околу светската цена на нафтата.

Офанзивата на Путин преку “шармот на светското првенство продолжува“. “На нозе“ му дојде генералниот секретар на ОН, Антонио Гутереш за заедно со рускиот претседател да го погледне натпреварот меѓу Португалија и Мароко.

Исто така, Путин ќе биде домаќин и на јужнокорејскиот лидер Мун Јае-ин, непосредно после историскиот самит меѓу севернокорејскиот лидер и претседателот на Америка во Сингапур.

„СиЕнЕн“ наведува дека Мун прво ќе одржи говор во руската Дума, за потоа да отпатува во Ростов, каде ќе го гледа натпреварот меѓу селекцијата на неговата земја и Мексико.

Се оценува дека ова Светско првенство во фудбал ја засилило улогата на Путин во светот, исто како и зимската олимпијада одржана во Сочи во 2014 година, која значеше дека Русија е самоуверена во намерата да се врати на светската политичка сцена.

А игрите во Сочи се одржаа токму некаде во времето кога Русија го анектираше украинскиот полуостров Крим, потсетува „СиЕнЕн“. Оттогаш односите меѓу Русија и западните земја се во лоши односи, а за сето тоа допринесе и соборувањето на малезискиот авион MH17 над Украина, полн со патници, за што беше обвинета Русија.

Обвинувачките “инциденти“ само се нижеа, обвинувања на сметка на мешањето во американските избори околу кои веќе одамна има истрага во САД, труењето на двојниот агент Сергеј Скрипал и неговата ќерка Јулија во Англија, протерувањето на дипломатите, санкции.

Меѓутоа, сето тоа не ги обесхрабри странските туристи да ја посетат Русија, а да биде уште поинтересно најмногу влезници за светското првенство во фудбал се продадени токму во САД, покажуваат официјалните податоци на ФИФА.

А сликите на илјадниците странски навивачи, кои слават, навиваат и пијат алкохол на улиците на руските улици испраќаат јасно слика – Русија го дочекува светот со раширени раце и не е изолирана земја.