Вардар против Пјуник, Хонвед противник на Работнички, Шкупи против славниот Глазгов Р. во 1. коло од Лигата на Европа

 Вардар за противник во 1. квалификациско коло во Лигата на Европа ќе го има тимот на Пјуник од Ерменија.

Ова е резултат на ждрепката која денеска се одржа во седиштето на УЕФА во Нион.

Првиот натпревар треба да се игра на 12 јули во Ереван, а на реваншот седум дена подоцна, Вардар да биде домаќин. 

До сега Вардар нема играно официјален европски натпревар против тим кој доаѓа од Ерменија, додека Пјуник два пати ги има одмерено силите со македонски претставник, односно со Победа и со Тетекс, каде што два пати беше успешен. 

Унгарскиот Хонвед прв ривал на Работнички во ЛЕ

 Екипата на Хонвед е противник на Работнички во првото квалификациско коло од Лигата на Европа на УЕФА. Ова го одреди денешниот ждреб во Нион.

Првиот меч ќе се одигра на 12.јули во Будимпешта, додека реваншот треба да се одигра седум дена подоцна во Скопје.

Минатата сезона Хонвед го заврши на четвртото место во првенството на Унгарија. 

Шкупи го доби славниот Глазгов Ренџерс за ривал во квалификациите од ЛЕ

Трофејниот шкотски клуб Глазгов Ренџерс ќе му биде противник на Шкупи во првото квалификациско коло од фудбалската Лига Европа.

Првиот натпревар на 12 јули ќе се игра во Шкотска, а во реваншот домаќин ќе биде Шкупи.

Претходно на жрепката во седиштето на УЕФА во Нион, ривалите за првата рудна ги добија и другите два македонски претставника.

Вардар ќе игра со Пјуник од Ерменија, додека Работнички ќе се сретне со Хонвед од Унгарија. 

Ѓоковиќ прогласен за најдобар спортист на светот (ВИДЕО)

Првиот рекет во светот , Новак Ѓоковиќ ја доби престижната титула на најдобар спортист минатата година , на свеченоста во Монте Карло.

Ѓоковиќ пред малку ја доби наградата Лауреус , која важи за спортски Оскар. Ова му е четврта ваква награда во кариерата , доделена за најдобри спортски резултати во 2018.

Во конкуренција за наградата беа и Лука Модриќ , Ле Брон Џејмс , Луис Хамилтон , Килијан Мбапе и Елиуд Кипчоге.

Гимнастичарката Симон Бајлс е прогласена за најдобра спортистка на светот , додека наградата за животно дело ја доби Арсен Венгер.

Италијански фудбалски натпревар заврши со ракометен резултат 20:0 (ВИДЕО)

Поразената екипа е исфрлена од италијанската лига , поради примените неверојатни 20 гола.

Екипата на Про Пјаченца изгуби со 20 : 0 од екипата на Куне во Серијата Ц на италијанското првенство. Откако вчера загуби катастрофално , денеска тимот е исфрлен од натаможните натпревари во шампионататот.

Не само поради резултатот , туку и поради долгови кон играчите и лошата финансиска состојба во клубот од почетокот на сезоната.

Екипата на Про Пијаченца го одигра натпреварот само со 8 играчи , колку да се запази протоколот и тоа момчиња на возраст од 16 до 19 години , додека на клупата немаа ниту тренер.

Ѓоковиќ или Модриќ – Кој ќе го освои спортскиот Оскар ?

Најсериозни кандидати за најголемата спортска награда Лауреус годинава се фудбалерот Лука Модриќ и тенисерот Новак Ѓоковиќ.

Наградата ќе биде доделена на свеченост во Монте Карло , а меѓу номинираните се најдобриот фудбалер на светот , Лука Модриќ и најдобрито тенисер на светот Новак Ѓоковиќ .

Освен овие двајца шампиони од регионот , за престижната награда за успеси во текот на минатата година ќе се натпреварува и НБА кошаркарот Ле Брон Џејмс , британскиот возач на Формула , Луис Хамилтон , како и фудбалерот Килиан Мбапе и кенискиот маратонец Елуид Кипчоге.

Маратонецот ја доби наградата за достигнување на годината, додека на Енриета Фаркашов и припадна наградата за спортист на светот со инвалидитет.

Тенисерката Наоми Осака е прогласена за откритие на годината.

Скијачката Линдзи Вон е наградена за спортски дух , а за најдобра екипа е прогласена фудбалската репрезентација на Франција.

притисни ентер