Коѕијас: Името треба да се избере од предлозите на Нимиц

Ниту средбите на Коѕијас во Вашингтон не го „омекнаа“ ставот на Атина за предлогот „Република Илинденска Македонија“ да биде основата на пакет решението за спорот со името. 

Шефот на грчката дипломатија уверува дека немал никаков притисок, бидејќи, како што вели, сите гледаат дека Грција има иницијатива за напредок по ова прашање.

По средбата со американскиот државен секретар Мајк Помпео, а пред средбата со генералниот секретар на ОН, Гутереш, Коѕијас отворено порача дека името треба да се избере од предлозите на Нимиц, со напомена дека за нив е неприфатлив петтиот - Република Македонија (Скопје), со оглед дека инсистираат одредницата да биде пред терминот Македонија. 

„Ние ја поддржуваме потребата да прифатиме едно од имињата што ги предложи Нимиц, како што знаете, не се согласуваме со петтото име од неговите предлози, и да одиме напред кон усвојување на еден стратешки план за пријателска соработка со оваа земја во иднина, со нејзиното ново име“, рече Коѕијас.

По ваквиот став на Коѕијас, и онака малите шанси „Илинденска“ да ја „преживее“ следната рудна преговори, закажана за четврток и петок во Обединетите нации, се сведуваат на речиси никакви. Ако се суди според изјавата на грчкиот министер, за Атина прифатливо решение е Горна, Северна, Вардарска или Нова Македонија.  

Ова, значи дека дефинитивно процесот ќе се врати назад, во фазата на преговарање околу опсегот на употребата на името.. И Димитров и Заев деновиве повторија дека „ерга омнес“ со уставни измени е прифатливо за „Илинденска“, но не и за сите други предлози. 

Дали, освен „Илинденска“ има друг предлог што е прифатлив за македонската влада како „ерга омнес“ решение, останува да се види, но јасно е дека без исполнување на тој услов, макар и фазно, нема изглади за решение.

Шефот на македонската дипломатија веќе е на пат за Њујорк.. На тргнување ги замоли граѓаните да дадат „мудрост и нерви“.

Прв пат по десет години и во Лас Вегас падна снег (ВИДЕО)

И во Лас Вегас , каде температурата ретко паѓа по 10 степени , денеска паѓа снег.

Прв пат по повеќе од еесет години падна снег во Лас Вегас . Според метеоролозите , снегот го донел студен воздушен бран , формиран на мала височина.

Предвидуваат дека во среда ќе има нови врнежи од снег во Лас Вегас.

„Само Вистина“ со Агим Јонуз и Страшо Ангеловски

Во вечерашната „Само Вистина“ дебатираа  Агим Јонуз и Страшо Ангеловски

Ангеловски за писмото од Коневски до Мицкоски: Бидејќи искрено ме интересираат сериозни работи немам време да читам несериозни обраќања на членови на политичка партија.

Јонуз: Секој кој мисли дека има некој кој ќе почне демонтажа на нелегитимната власт е апсурд. Било кој да победи тоа ќе биде плод на исценирана работа или однапред договорена.

Јонуз: Процесот е конструктивен бидејќи за прв пат границите еднаш засекогаш се обезбедени на Република Македонија.  Сите елементи на кои темели спротивната опција кон која клони и Ангеловски се апсурд.

Ангеловски: Не знам дали се лажете себеси или ја лажете целата јавност. Албанците во 1991 го бојкотираа референдумот.

Јонуз: Среќен сум конечно зашто по 27 години државата фати курс во правец  и што нема повеќе да се занимаваме со војводи со Гоце Делчев и Скендербег.

Ангеловски: Зошто ви пречи нашето македонско минато. Зошто со цинизам зборувате за нашите револуционери и за херој на македонскиот народ.

Повеќе детали погледнете во најновото издание на „Само вистина"

Поранешната израелска шефица на дипломатијата со солзи се прости од политиката (ВИДЕО)

,,Мирот стана нечист збор, а демократијата е во опасност” , рече низ солзи израелскиот политички ветеран , поранешната шефица на дипломатијата, Ципи Ливни .

Поранешниот преговарач со Палестина , позната по своите умерени ставови, стана позната откако учествуваше во преговорите под покровителство на САД , но во 2014 тие пропаднаа.

,,Ја напуштам политиката , но нема да дозволам Израел да ја напушти надежта за мир.” , рече низ солзи Ливни на прес конференцијата во Тел Авив.

Таа го критикуваше премиерот Бенјамин Нетанјаху во врска со истрагата на државните агенции против него и неговите напади врз медиумите.

Според анкетите , на изборите на 4 април , партијата на Ливни , хатнуа , нема да освои ниту едно место во Парламентот.

притисни ентер