Хамилтон со најдобро време на последниот ден од предсезонските тестови во Ф1

Луис Хамилтон заврши на чело на последниот ден од првите предсезонски тестови на патеката „Каталуња“ во Шпанија.
Пилотот на Мерцедес заврши пред Стофел Вандорн со Мекларен и Себастијан Фетел со Ферари, опремени со гуми „медиум“.
Пред тоа Вандорн беше на првата позиција и направи серија на силни обиколки со гуми „хиперсофт“, но кога Хамилтон „притисна гас“, пилотот на Мекларен се покажа принуден да го отстапи првото место.
Трети заврши Себастијан Фетел со Ферари, кој ја направи најсилната обиколка со „софт“ мешавината, а четврти беше Кевин Магнусен со Хас.
По 110 круга, Вандорн го отстапи своето место на колегата Фернандо Алонсо во последните часови на сесијата. Шпанецот додаде уште 51 круг и заврши во топ 5.
Па така конечно денес на патеката излегоа 15 од вкупно 20-те пилоти, бидејќи повеќето тимови ја распределија програмата меѓу двајцата пилоти. Причината за смените беше и времето, кое се подобри во споредба со вчерашниот ден. Температурите беа доста повисоки и тоа им овозможи на сите да го надоместат загубеното време поради студот во првите три дена од тестот.
Само Ред Бул не успеа да ги акумулира многу километри. Макс Верстапен го помина поголемиот дел од утрото во гаражата и го направи својот прв круг дури попладне. На крајот, тој забележа само 35 обиколки, главно направени со гуми „медиум“. Кога стави „софт“ варијанта, се изврте и влезе во чакал при дванаесеттиот завој. Автомобилот потоа се врати во гаражата на Ред Бул и не излезе до крајот.

Сега екипите и пилотите имаат четири дена пред да се вратат на пистата за вториот предсезонски тест кој започнува во вторник.

Резултати, „Каталуња“, предсезонски тестови, Ден 4:

1. Луис Хамилтон (Мерцедес) 1:19.333 минути, 69 круга
2. Стофел Вандорн (Мекларен) 1: 19.854 минути, 110 круга
3. Себастијан Фетел (Ферари) 1: 20.241 минути, 120 круга
4. Кевин Магнусен (Хас) 1: 20.317 минути, 96 круга
5. Фернандо Алонсо (Мекларен) 1: 20.929 минути, 51 круга
6. Карлос Сајнц Џуниор (Рено) 1: 20.940 минути, 60 круга
7. Ленс Строл (Вилијамс) 1: 21.142 минути, 54 круга
8. Серхио Перез (Форс Индија) 1: 21.973 минути, 65 круга
9. Макс Верстапен (Ред Бул) 1: 22.058 минути, 35 круга
10. Пјер Гасли (Торо Росо) 1: 22.134 минути, 147 круга
11. Нико Хулкенберг (Рено) 1: 22.507 минути, 49 круга. вз
12. Валтера Ботас (Мерцедес) 1: 22.789 минути, 60 круга
13.Laurler (Sauber) 1: 22,808 минути, 59 круга
14. Маркус Ериксон (Саубер) 1: 23.825 минути, 79 круга
15. Сергеј Сирокин (Вилијамс) 1: 31.979 минути, 47 круга

СП 2018: Уругвај ја совлада Саудиска Арабија и обезбеди пласман во осминафинале

Уругвај со минимални 1:0 ја совлада Саудиска Арабија во второто коло од групата А на Светското првенство во Русија.

Уругвајците ја забележаа втората победа на Мундијалот и обезбедија место во осминафиналето.

Стрелец на победничкиот гол беше Луис Суарез во 24-та минута, кој го искористи невниманието на одбрана на Саудиска Арабија.

Во останатиот дел од натпреварот Уругвајците успеаа да го обранат минималното водство доволно за победа.

Место во нокаут фазата од оваа група обезбеди и Русија, која исто така по двете кола освои максимални шест бода. /МИА

СП 2018: Роналдо и донесе победа на Португалија против Мароко

Португалија со минимални 1:0 го совлада Марoко во групата Б на Светското првенство во Русија.

Стрелец на победничкиот гол во четвртата минута беше Кристијано Роналдо.

Во текот на целиот натпревар Мароко ја имаше иницијативата, особено во вториот дел кога се обиде сериозно да го загрози португалскиот гол.

Меѓутоа, Португалија успеа да се обрани и неколку пати се обиде да го зголеми водството преку контранапади.

Мароко со два порази ги загуби шансите за пласман во следната фаза, а Португалија со четири освоени бода е на чекор од осминафиналето. /МИА

Вардар против Пјуник, Хонвед противник на Работнички, Шкупи против славниот Глазгов Р. во 1. коло од Лигата на Европа

 Вардар за противник во 1. квалификациско коло во Лигата на Европа ќе го има тимот на Пјуник од Ерменија.

Ова е резултат на ждрепката која денеска се одржа во седиштето на УЕФА во Нион.

Првиот натпревар треба да се игра на 12 јули во Ереван, а на реваншот седум дена подоцна, Вардар да биде домаќин. 

До сега Вардар нема играно официјален европски натпревар против тим кој доаѓа од Ерменија, додека Пјуник два пати ги има одмерено силите со македонски претставник, односно со Победа и со Тетекс, каде што два пати беше успешен. 

Унгарскиот Хонвед прв ривал на Работнички во ЛЕ

 Екипата на Хонвед е противник на Работнички во првото квалификациско коло од Лигата на Европа на УЕФА. Ова го одреди денешниот ждреб во Нион.

Првиот меч ќе се одигра на 12.јули во Будимпешта, додека реваншот треба да се одигра седум дена подоцна во Скопје.

Минатата сезона Хонвед го заврши на четвртото место во првенството на Унгарија. 

Шкупи го доби славниот Глазгов Ренџерс за ривал во квалификациите од ЛЕ

Трофејниот шкотски клуб Глазгов Ренџерс ќе му биде противник на Шкупи во првото квалификациско коло од фудбалската Лига Европа.

Првиот натпревар на 12 јули ќе се игра во Шкотска, а во реваншот домаќин ќе биде Шкупи.

Претходно на жрепката во седиштето на УЕФА во Нион, ривалите за првата рудна ги добија и другите два македонски претставника.

Вардар ќе игра со Пјуник од Ерменија, додека Работнички ќе се сретне со Хонвед од Унгарија. 

притисни ентер