Одиграни првите средби од новата сезона во домашното одбојкарско првенство

Првото коло од новата сезона во одбојкарскиот шампионат на Македонија, во машка конкуренција, не донесе изненадувања.
Екипите кои ја имаа фаворитската улога забележаа победи.

Единствениот триумф на домаќините го оствари тимот на ГОК Борец кој со 3:1 го совлада Лешок. На останатите средби каде се радуваа гостинските екипи, Весна Пробиштип и Вардар со максимални 3:0 во сетови ги победија Лирија  и Универзитет Тетово, додека универзитетската екипа на „Гоце Делчев“-Студент освои еден сет во мечот против Шутова (1:3).

Слободена во воведното коло беше екипата Струмица.

Кај дамите на програмата беше 3. коло во кое беа постигнаи овие резултати: Јанта Волеј - Пелистер Волеј 3:0, Куманово Планет 3:1, Македонија Макс - Универзитет Тетово 0:3, Виктори Волеј - Бами Кор 3:1 и Наковски Волеј – УГД Студент 3:0.

Максимални три победи имаат екипите на Универзитет Тетово и Виктори Волеј, но тетовчанки имаа 9, а струмичанки 8 бодови./МИА

СП 2018: Шаќири: Мојата радост беше полна со емоции

Швајцарскиот фудбалер Ѓердан Шаќири изјави дека не сака да ги коментира реакциите на радоста на неговиот победнички гол против Србија.

Швајцарската репрезентација ја совлада Србија со 2:1 во натпревар од групата Е на Светското првенство во Русија, а стрелец на решавачкиот гол беше Шаќири во 90-та минута.

Швајцарскиот фудбалер со косовско потекло на голот и на победата се радуваше гестикулирајќи орел како симбол на албанското знаме, а многумина особено од српската страна го сфаќaат како политичка провокација.

- Не сакам да го коментирам тоа. Ја видовте мојата радост беше полна со емоции. Оваа победа е за Швајцарија и тоа е се што би рекол за темата, истакна Шаќири.

На сличен начин и неговиот соиграч Гранит Џака, кој исто така има албанско потекло, се радуваше на првиот гол кој го постигна за израмнување на Швајцарија. /МИА

СП 2018: Митровиќ: Многу наивно ги примивме головите

Српскиот фудбалер Александар Митровиќ по натпреварот со Швајцарија изјави дека многу наивно доволиле да примат два гола.

Швајцарската репрезентација ја совлада Србија со 2:1 во натпревар од групата Е на Светското првенство во Русија, а Митровиќ во петтата минута го постига единствениот гол за српската репрезентација.

- Не знам што се случи, ги примивме головите многу наивно и многу глупаво. Наместо да го браниме резултатот...Не може да се оди како мува без глава, разочаран сум, истакна Митровиќ.

За Србија сега единствена шанса за пласман во осминафиналето е победа против Бразил.

- Треба да се бориме против Бразил и да играме за победа. И Костарика и Швајцарија покажаа дека може да се игра против нив, наведе српскиот фудбалер.

Во оваа група Бразил и Швајцарија сега имаат по четири бода, Србија има три, додека Костарика остана без бодови и без шанси за натамошен пласман. /МИА

СП 2018: Швајцарија ја совлада Србија

Швајцарија ја совлада Србија со 2:1 во натпревар од групата Е на Светското првенство во Русија.

Во возбудливиот натпревар со сериозни шанси на двете страни, српската репрезентација дојде до водство од 0:1 со голот на Александар Митровиќ во петта минута, резултат со кој се замина на паузата.

Во почетокот на вториот дел Гранит Џака беше прецизен и Швајцарија во 52-та минута израмни на 1:1.

Швајцарската репрезентација со голот на Џердан Шакири во 90-та минута дојде до победа од 2:1.

Во оваа група Бразил и Швајцарија сега имаат по четири бода, Србија има три, додека Костарика остана без бодови и без шанси за натамошен пласман./МИА

притисни ентер