Јаја Туре гневен поради расистичкото навивање во Москва

Фудбалерот на „Маничестер Сити“ Јаја Туре побара од УЕФА остра реакција и казни по инцидентот во Москва, поради расистичкото скандирање на навивачите на домашниот ЦСКА.
Инцидентот се случил веднаш откако гостинските фудбалери поразот го претворија прво во водство, а потоа и во конечна победа, во мечот од третото коло од Лигата на шампионите. Туре соопшти дека во текот на натпреварот го предупредил судијата на натпреварот, Овидие Хатеган за расистичкото навивање на дел од домашните навивачи.

Јаја Туре (30) потекнува од африканската земја Брегот на Слоновата коска и на овој натпревар беше капитен на екипата на „Манчестер Сити“, поради отсуството на Винсент Компани.

- Многу сум разочаран поради овој инцидент и бесен, изјави Туре по враќањето од Москва.

Тој инсистира дека УЕФА мора да дејствува побрзо и поостро од досега,затоа што во спротивно, фудбалерите како него ќе продолжат и понатаму да се наоѓаат во иста ситуација.

Туре смета дека по ваквите инциденти, треба да се забранат стадионите на кои имало расистичко навивање на неколку месеци, или дури и на една година.

- Ова е навистина премногу и ова мора да престане, вели популарниот играч на „Маничестер Сити“.

Тренерот на Туре и на екипата Мануел Пелегрини, исто така, побара од УЕФА итна интервенција, а управата на „Манчестер Сити“ соопшти дека ќе вложи и официјален протест до европската фудбалска унија.

УЕФА за прв расистички инцидент може да пресуди делумно затворање на еден стадион, а за повторување на инцидентот и целосно затворање на стадионот и казна од 50 илјади евра.

Потпретседателот на ФИФА, Џим Бојс ја предупреди денеска Русија околу расистчкото скандирање во Москва, на навивачите на ЦСКА, укажувајќи на одговорноста на руските власти, да се искоренат ваквите инциденти на тамошните стадиони, особено што Русија е домаќин на Светското првенство во фудбал во 2018 година.

Рамос му посака брзо закрепнување на Салах

Серхио Рамос го искористи својот Твитер профил за да искаже сочувство кон повредениот Мохамед Салах. 

Дефанзивецот на Реал Мадрид и нанесе повреда на ѕвездата на Ливерпул во средината на првото полувреме по груб боречки дуел, а потоа Шпанците победија со 3: 1 во финалето на Лигата на шампионите.

- Понекогаш фудбалот ви ја покажува добрата страна, а понекогаш и лошата. Пред се, ние сме професионалци и сакам да му посакам брзо закрепнување. Салах, иднината те очекува, напиша тој.

По натпреварот, Рамос ги негираше гласините дека Кристијано Роналдо ќе го напушти Мадрид. Тој тврди дека Португалецот нема да најде посилен тим од Реал. /МИА

Кариус: Го предадов тимот

Голманот на Ливерпул, Лорис Кариус презеде вина за поразот на неговиот клуб во финалето, откако прими два смешни гола за победа на Реал Мадрид со 3:1.

- Во моментов не чувствувам ништо. Го загубив натпреварот и жалам. Им се извинувам на моите соиграчи и сите поврзани со клубот. Ако можев да го вратам времето назад, ќе го направев тоа. Жал ми е, бидејќи денес ги предадов колегите, рече тој по мечот.

Германецот додаде дека неговите грешки во финалето го чинеле прескапо целиот тим.

- Тешко е да се зборува, но тоа е животот на голманот. Должен сум да кренам повторно глава. Во моментов, сепак само жалам за она што се случи, бидејќи овие голови се по цената на трофеј, додаде Кариус. /МИА

Клоп: Пропуштивме голема шанса

Менаџерот на Ливерпул, Јирген Клоп дефинитивно не беше расположен за коментари по поразот од Реал Мадрид во финалето на Лигата на Шампионите во Киев со 1:3.

„Црвените“ го почнаа подобро натпреварот, но потоа го загубија Мохамед Салах, а голманот Лорис Кариус направи голема грешка и му овозможи на Карим Бензема да го отвори резултатот. Ливерпул израмни, но резервата Герет Бејл повторно ја врати предноста на Реал, а нова грешка на Кариус по удар од далечина на Велшанецот го реши исходот од натпреварот.

- Момчињата се обидоа со се, но тоа не беше најдоброто сценарио што ни се случи вечерва. Се беше многу убаво до оваа вечер. Имавме голема шанса, но не успеавме да ја искористиме. Тоа е. Никогаш нема да дознаеме што ќе се случеше ако Мо Салах останеше на теренот, прокоментира Германецот.

Менаџерот на Ливерпул го израмни антирекордот на Ектор Купер и Арсен Венгер, откако Ливерпул загуби во финалето. Германецот стана третиот менаџер во историјата, кој ги губи првите три финалиња во европските клубски турнири.

За Клоп, поразот во финалниот меч исто така е шести од вкупно седум финалиња, во кои тој бил тренер. /МИА

притисни ентер