Ослободен еден од терористите осомничени за масакрот во Париз

Човекот кој го изнајмил својот стан на двајца џихадисти е ослободен на првото судење за масакрот во Париз во 2015 година.
Џавад Бендауд беше обвинет за засолување на Абделхамид Абауд и Чакиб Акроух по нападот во Париз во кој загинаа 130 лица , а стотици беа повредени .
За време на судењето тој  негираше дека знаел што направиле двајцата терористи . Исламската  држава соопшти дека стои зад нападите на националниот стадион, во барови и ресторани во градот, како и на  концертот во салата  Батаклан.
Обвинителите побараа четиригодишна  затворска казна  за  Бендауд, познат како трговец со дрога и ситен  криминалец, за наводно засолување терористи во неговиот стан во Сен Дени, на северот  од Париз.
Сепак обвинителите рекоа дека немаат  доволно докази за тврдењето дека тој знаел што направиле терористите .

Се верува дека Абаоуд, белгиски државјанин, бил водач на нападите во Париз, кој подоцна беше убиен во полициската  рација во станот во Сен Дени.

"Некој ме праша за услуга, им помогнав", рече Бендауд во судот .

Додека  Бендауд беше ослободен, двајца други обвинети денеска  беа осудени.

Јусеф Атбулахен, братот на една жена убиена во полициската рација во станот во Сен Дени, е осуден на четири години затвор поради тоа што не ги предупреди властите за терористички заговор.

Пријателот на  Бендауд, Мохамед Сума, обвинет дека дејствувал како посредник, беше  осуден на пет години затвор.

На единствениот преживеан сторител на нападите во Париз, Салах Абдеслам, му се суди во Белгија.Неговотот судење во Франција не се очекува да почне пред 2020 година.

Гром “спржи“ автобус во Грција

Меѓуградски автобус изгоре од удар на гром на североистокот на Грција.

Меѓуградски автобус изгоре од удар на гром на североистокот на Грција, а притоа ниту еден од патниците не бил повреден, соопшти грчката противпожарна служба.

Ова се случило на патот од Александрополис до Орестијада, оддалечена околу 20 километри, во близина на границата со Турција.

Громот удрил во автобусот за време на врнежите во попладневните часови.

Автобусот се запалил, а возачот го запрел возилото и ги евакуирал 12 патници и кондуктерот.

Како што пренесува „АП“, нема повредени.

Пожарот го гаснеле 18 пожарникари со шест противпожарни возила.

Прекин во снабдувањето со вода на дел од Гостивар

Гостиварското јавно комунално претпријатие „Комуналец“ за утре најави повеќечасовен прекин во снабдувањето со вода за пиење на дел од градското подрачје. 

Причината како што наведуваат од таму е санирање на дефект.

- Прекинот е заради изведување поправки на цевководот во близина железничката станица. Планирано е тој трае до пладне, односно до поправка и и негово оспособување. Во овој период дел од корисниците во градот кои се снабдуваат со вода од градскиот водовод, нема да добиваат вода, информираат од ЈП Комуналец.

Покрај тоа, за утре се планирани прекини во снабдувањето со вода за пиење на целото гостиварско подрачје.

- Тоа е планирано да почне од утринските часови. Прекините ќе бидат во функција на пробно пуштање во работа на пречистителната станица и подготовките за редовно снабдување со филтрирана вода. Од овие причини бараме разбирање од граѓаните, потенцираат од ЈП „Комуналец“.

Сончево, температура до 32 степени, попладне нестабилно

Времето претпладне ќе биде сончево со мала локална облачност. 

Попладне облачноста ќе се зголемува главно во планинските региони на север и на запад, каде ќе има услови за краткотрајна нестабилност, некаде проследена со краткотраен пороен дожд и ретки грмежи. Во текот на денот ќе дува слаб до умерен северен ветер.

Утринската температура ќе се движи од девет до 16,  дневната од 25 до 32 степени. УВ-индексот ќе изнесува 7.

Во Скопје претпладне сончево со мала локална облачност, а од пладневните часови и во Скопската котлина ќе се зголемува облачноста, која во планините ќе има услови за краткотрајна нестабилност. Утринската температура ќе биде 14, а дневната ќе достигне до 29 степени.

Во следните денови ќе преовладува стабилно и топло време, а во попладневните часови ќе има услови за ретка појава на краткотраен дожд и грмежи, особено во западните и јужните делови. Температурите нема многу да се менуваат, а ветерот ќе биде главно северен. /МИА

притисни ентер