Мицкоски: Новиот ИК со силно мотивирани лица

Претседателот на ВМРО-ДПМНЕ Христијан Мицкоски изјави дека новиот состав на Извршниот комитет на партијата избран на вечерашната седница на Централниот комитет го сочинуваат силно мотивирани лица кои ќе имаат позитивен придонес во делувањето на партијата.
- Станува збор за силно мотивирани индивидуи, луѓе кои поголем дел од својот живот поминале во партиските структури и искусни политичари, така што во периодот што следи, убеден сум, да не бидам претенциозен, дека ВМРО-ДПМНЕ набрзо ќе застане на здрави нозе и ќе може што поскоро да издејствува предвремени парламентарни избори и да ја формира следната влада на РМ, изјави Мицкоски.

Тој информира дека Централниот комитет, на кој присуствувале 115 од 135 членови, речиси едногласно, со еден глас против го избрал новиот ИК кој првично бори 26 члена, но таа бројка, како што најави, ќе се проширува.

Мицкоски најави дека до крајот на месецов ќе биде подобрен партискиот статут и оти на правата седница на ИК ќе го предложи составот на советот на ИК, а во иднина и на советот на претседателот на партијата,  односно новите партиски тела што ги најави неодамна.

Одговарајќи на новинарски прашања лидерот на ВМРО-ДПМНЕ рече дека немал средба, ниту бил контактиран од виепремиерот за европски прашања Бујар Османи за преговорите за прашањето за името.

Според вечерашните одлуки на ЦК на ВМРО-ДПМНЕ, нов генерален секретар на партијата е поранешниот директор на ЈСП Скопје Игор Јанушев, а потпретседатели: Александар Николовски, Митко Јанчев и Владо Мисајловски.

За членови на ИК се избрани Влатко Ѓорчев, Коце Трајановски, Трајко Славевски, Ане Лашкоска, Даниела Рангелова, Владимир Нелоски, Игор Николов, Драги Димитриевски, Силвана Ангелеска, Тони Михајловски, Димитар Димовски, Дафина Стојаноска, Златко Перински, Дејан Јовановски, Дејанчо Ефтимов, Цветан Трипуновски, Игор Божиновски, Костадин Богданов, Бајрам Требишки, Иван Јорданов, Кирил Пецаков, Орце Ѓорѓиевски. Нов претседател на скопската градска организација на ВМРО-ДПМНЕ е избран Маријанчо Тодоровски. /МИА

Сијарто: Комесарот на ОН и објави војна на унгарската влада

Високиот комесар на ОН за човекови права, Зеид Раад ал-Хусеин и објави војна на унгарската влада затоа што сака да ги заштити граѓаните на Унгарија од илегалната миграција.

Тоа го изјави унгарскиот министер за надворешни работи, Петер Сијарто.

Ал-Хусеин денеска на отворањето на 38. Седница на Светскиот совет за човекови права ја критикуваше имиграционата политика на Америка, Кина, Мјанмар и Унгарија.

Комесарот на ОН ја критикуваше Унгарија поради законот против активностите на милијардерот Џорџ Сорос со кои се наметнуваат рестрикции на организациите кои им помагаат на бегалците и ги казнуваат групите за заштита на човековите права на границите.

Шефот на унгарската дипломатија изјавил дека илегалната миграција е прашање на национална безбедност и навел дека во последните три години загинале повеќе од 330 луѓе, а повеќе од 1.300 се повредени во Европа “во нападите на терористите со мигрантско потекло“.

Фотографијата со која “Русите“ го шокираа светот не е од Русија (фото)

Фотографијата која го обиколи светот, а на која се наоѓаат десетици мртви кучиња, била направена во Пакистан, а не во Русија, како што тврделе многумина.

Шокантната фотографија направена е во Карачи во 2016 година, а кучињата биле убиени за да се намали бројот на животните на улиците, пишува „Раша тудеј“.

Сепак, пред почетокот на Светското првенство во фудбал многумина беа загрижени за кучињата скитници во Русија, тврдејќи дека Русите ги убиваат.

 

Корисниците на социјалните мрежи ја споделувале фотографијата мислејќи дека е направена во Русија.

Меѓутоа, фотографијата на која има повеќе од 50 мртви кучиња е направена пред две години во Пакистан.

Заменик премиер Витали Мутко навел дека животните биле уловени и сместени во прифатилиште, а некои од корисниците на твитер го споделиле го споделиле текстот на Ројтерс во кој се наведува дека во Карачи во 2016 година се убиени повеќе од 700 кучиња. Фотографијата со кучињата исто така се наоѓа во овој текст.

„Фотографијата која сте ја искористиле според моето мислење е злочин, но не од Русија“ – напишал еден корисник на оваа социјална мрежа.

 

Украина: Време е за “деокупација“ на Крим

Киев, после продолжувањето на санкциите на ЕУ спрема Русија, треба да премине на “деокупација“ на Крим, изјави министерот за внатрешни работи на Украина, Павел Климкин.

„Им благодарам на нашите пријатели во ЕУ за продолжувањето на “кримските“ санкции на уште една година. Важно е во списокот да се внесат и одговорните за масовните кршења на човековите права на окупираниот полуостров и за изградбата на мостот преку Керчкиот проток. Треба да се премине од политика на “непризнавање“ на “деокупација“.

Претходно е соопштено дека рестриктивните мерки на Европската унија за Крим се продолжени на уште една година.

 

притисни ентер