Во топлес пред Земан: Ти си проститутка на Путин (фото)

Додека претседателот на Чешка, Милош Земан се подготвувал да гласа, една жена ја соблекла маицата и застанала пред него викајќи на англиски “Земан е проститука на Путин“.
Жената истрча од масата новинари на гласачкото место во Прага и застана директно пред Земан (73), кој се подготвуваше да ги покаже своите документи за идентификација пред изборната комисија, пренесе агенцијата „Ројтерс“.

Таа ги подигна рацете, покажувајќи го слоганот испишан преку нејзините гради, пред неколку припадници на обезбедувањето да ја соборат на земја.

Земан брзо бил изведен надвор од избиралиштето, а потоа се вратил за да го заврши своето гласање.

Граѓаните на Чешка, денеска и утре го избираат новиот претседател на државата.

Новиот чешки премиер Андреј Бабиш го осуди нападот на Украинката од групата Фемен, која денеска искочи пред претседателот Милош Земан на избиралиштето со натписот “Земан е проститутка на Путин“ и го означи како неуспешен чин, бидејќи како што изјави, Чешка не е Русија и Чесите можат слободно да гласаат на изборите.

„Не сме Русија и гласаме слободно. Испадот ќе му нанесе штета на угледот на Чешка“ – изјави премиерот Бабиш за чешката агенција ЧТК.

Американската „Dura Automotive Systems“ ќе отвори фабрика во Македонија

Американската компанија од автомобилска индустрија „ДУРА Аутомотив Системс“ ќе отвора фабрика во Бунарџик, соопштија од Дирекцијата за Технолошко индустриски развојни зони.

Владата потпиша договор за долготраен закуп на градежно земјиште во ТИРЗ зоната.

Фабриката ќе се простира на површина од околу 16 илјади метри квадратни. Според најавите следното лето се очекува да започне со работа.

Иницијалното производство во Македонија ќе вклучува екстериерни алуминиумски лајсни и кровни носачи за европските производители на автомобили. Потенцијалното проширување би вклучило прототипско производство, дизајнирање и производство на алати и екструзија на алуминиум.

Се очекува да вработи околу 500 луѓе.

Компанијата е глобален снабдувач на оргинални компоненти за најреномираните производители на автомобили ширум светот.

Ова ќе биде нивна 37-ма локација во светот и 16-та во Европа.

Освен оваа за која вчера бил потпишан договорот - Владата неодамна се пофали дека е во разговори со 200 компании, од кои 30тина во завршна фаза на разговор.

Инаку во првиот квартал годинава влезени се 235 милиони евра директни странски инвестиици, што претставуваа најуспешен квартал од било кое тромесечие од последниве 10 години.

Вечерва „Млади за Македонија“ ќе протестираат против договорот со Грција

Вечерва е закажан протестен собир против договорот Грција, во организација на иницијативата „Млади за Македонија“.

Погледнете го целосниот извештај на нашата колешка Тамара Стојкова која е пред Собранието на Р:М. :

„Ербас“ ќе ја напушти Британија доколку не се постигне договор со ЕУ

Европскиот производител на авиони „Ербас“ предупреди дека ќе ги повлече инвестициите од Велика Британија, бидејќи стравува дека британската Влада може да ја напушти ЕУ, без да постигне договор за преодниот период по Брегзит.

Компанијата соопшти дека ги проценила ризиците поврзани со Брегзит.

Доколку земјата ги напушти „истовремено заедничкиот пазар и царинската унија, без преоден договор“, тоа ќе предизвика големи проблеми во нејзиното производство во Велика Британија и загуби од милијарди долари.

– Таквите сценарија ќе го принудат „Ербас“ да ги преразгледа инвестициите во Британија и својата долгорочна позиција во земјата, предупреди „Ербас“.

Компанијата има 25 објекти во Британија, каде произведува авионски крила. Во неа се вработени 14.000 лица на островот и уште 100.000 во нејзините филијали.

Велика Британија треба официјално да излезе од ЕУ на 28 март 2019 година.

притисни ентер