САД се повлекува од УНЕСКО

САД донесоа одлука да се повлечат од УНЕСКО, јавува „АФП“.
Официјалните претставници на УНЕСКО изразија жалење поради оваа одлука.

Како што се наведува во соопштението на Стејт департментот, за одлуката на САД известена е и генералната директорка на УНЕСКО, Ирина Бокова.

„Одлуката не е лесно донесена и ја изразува загриженоста на САД поради состојбата во оваа организација, потребата за реформа и константниот антиизраелски однос на таа организација“ – се наведува во соопштението.

Како што пренесува „АП“, одлуката е донесена поради тензиите околу Палестина, поточно поради резолуцијата која ја донесе УНЕСКО, а која Вашингтон ја гледа како антиизраелска.

Америка од светската организација за заштита на историското и културното наследство ќе се повлече на 31 декември, а својата мисија ќе ја остави во својство на постојан набљудувач.

„Овој потег го гледаме како загуба за мултикултуралноста и целото семејство на Обединетите нации“ наведе Ирина Бокова.

САД кој се основачи на оваа организација, престанаа да го финансираат ова тело уште во 2011 година, после приемот на Палестина во организацијата.

Утре сончево со мала до умерена облачност

Утре ќе биде сончево со мала до умерена облачност.

Во западните делови пооблачно, попладне со појава на пороен дожд и грмежи.

Т-мин. од 11 до 19, а т-макс. од 26 до 34 степени. /МИА

Европол: Поголем број на терористички напади во ЕУ отколку во 2016 година

Бројот на џихадистички напади бил за 50 отсто поголем минатата година, во однос на 2016 година, соопшти денеска Европол.

Девет членки на ЕУ во 2016 година пријавиле 142 неуспешни напади, додека бројот на обиди за напад во 2017 бил 205, што е за 45 отсто повеќе.

Во вкупно 33 напади, кои се случиле, починале 68 лица, додека 844 биле повредени.

Мал раст бележат и нападите кои ги извршиле левичарските или анархистичките групи и поединци.

„Бројките во овој извештај не се само статистика. Не смееме да заборавиме, дека зад секој број стои барем една невина жртва. За да се бориме против тероризмот важно е да имаме оптимална размена на информации и точни податоци“ – изјавила извршната директорка на Европол, Катрин Де Бол.

Европол наведува и дека уапсени се 975 лица поради терористички активности – учество или подготвување на терористички напади, џихадистичка пропаганда или регрутирање, а најчесто се користени ножеви за нападите.

Александар Пандов и Алберт Муслиу во „Само вистина“

Муслиу во „Само Вистина“: Не е добро да се повикува на бојкот за референдумот.

Пандов во „Само Вистина“: Јас нема да гласам на референдумот и ќе повикувам на бојкот

Во вечерашното издание на тв дуелот „Само Вистина“ гостуваа Александар Пандов и Алберт Муслиу. 

Пандов истакна дека нему му пречи целиот договор зашто со него се уништува и разнебитува се што е Македонско и дека со овој договор како и со претходниот заедно се разнебитува историјата и е влез во една фаза на разнебитување поделба на Македонија од страна на соседите. Муслиу вели дека договорот е добар и дека ги заштитува посебноста и она што значи Македонски идентитет јазик и култураб и дека оптимално е најдоброто максимално што можело да се постигне на преговарачката маса.

И двајцата сметаат дека референдумот е врвен демократски институт и можност на кој граѓаните ќе можат да го изнесат својот став, со тоа што Пандов рече дека ќе го бојкотира и ќе повика и другите да го бојкотираат зашто, како што наведе, ќе се полнеле кутии а Муслиу рече дека не е добро да се повикуваат граѓаните да го бојкотираат референдумот и дека Меѓународната заедница нема да дозволи лажирање на референдумот.

Во поглед на можноста за импичмент Пандов цени дека претседателот постапува исправно што не го потпишува Договорот и дека го оквалификува како штетен за државата. Муслиу смета дека многу лесно Парламентарното мнозинство може да обезбеди двотретинско мнозинство за покренување постапка за импичмент.

Погледнете ја вечерашната емисија „Само вистина“ тука.

притисни ентер