Инцидент меѓу хрватската и словенечката полиција во Пиранскиот Залив

Во очекување на одлуката на Меѓународниот арбитражен суд за границата меѓу Словенија и Хрватска во Пиранскиот Залив, минатата недела дошло до инцидент, и, како што пренесуваат медиумите во двете земји, „покажување мускули“ меѓу припадниците на полициите на двете земји.
Љубљански „Дневник“, пренесе приказна од словенечкиот рибар Елвин Сабадин, кој на 11 мај ловел риби во водите на Пиранскиот Залив и тоа крај самата граница со Хрватска.

Тој раскажал дека во еден момент му пришол хрватски полициски брод со предупредување дека навлегол во територијалните води на Хрватска.

Тој и екипажот биле повикани да излезат од хрватските води назад кон Пиран, што и го направиле бидејќи практично биле присилени на тоа.

-Хрватскиот брод, кој беше многу голем, се постави крај нашиот чамец на начин што немавме избор туку да се вратиме, изјави рибарот за „Дневник“.

Потоа во ова подрачје пристигнале словенечките полицајци кои ги предупредиле хрватските колеги дека во словенечките територијални води.

„Дневник“ пишува дека тогаш Хрватите извеле „агресивен маневар“ кон словенечкиот брод во обид да го истуркаат, но инцидентот бил спречен во  последен момент и никој не бил повреден.

Ваквите „инциденти“, наведува весникот, во  последно време се се почести, што словенечката страна го поврзува со очекувањето на пресудата на арбитражниот суд за границата, за која Хрватска изјави дека нема да ја почитува.

Словенците најавија дека ќе упутат протестна нота до Загреб.

Деветмина повредени во пад на авион

Девет лица се повредени при пад на приватен мал авион во Хондурас.

Авионот се урнал на крајот на пистата на меѓународниот аеродром во главниот град на Хондурас , Тегусигалпа. Според противпожарната служба , во несреќата се повредени девет лица.

Авионот пристигнувал од Остин , Тексас и од непознати причини се урнал на пистата при што се прекршил на пола.

Поповски во „Само вистина“: Владата нема да дозволи никој да биде привилегиран ниту оштетен

„Само вистина“ интервју со Роберт Поповски: Живот ли е ова или „панаѓур“?!

Директорот на Канал 5 Телевизија Иван Мирчевски и министерот  без ресор задолжен за комуникации, отчетност и транспарентност, Роберт Поповски, во најновото издание на „Само Вистина“ разговараат за актуелните политички теми и за новиот закон за аудио и аудио-визуелни медиумски услуги.

Поповски: „Експерти, професионалци се вклучени во изготвување на новиот закон за аудио и аудио-визуелни медиумски услуги. Граѓаните се тие што ќе ја оценат вистинка трка на медиумскиот пазар и да проценат кој медиум колку вреди. Владата нема да дозволи никој да биде привилегиран ниту оштетен, медиумите треба да добијат услови за работа и медиумските работници да имаат повисоки плати. Новиот закон ќе ја заштити индустријата, ќе обезбеди вистинска регулација и контрола на сите чинители во медиумскиот простор.“

Солзавец и приведени на протестите во Париз (ВИДЕО)

За време на синдикалниот протест по улиците на Париз дојде до судир на демонстрантите со полицијата.

Според медиумите , со полицијата се судрила група од околу стотина млади , кои не биле дел од протестната поворка. Поединци од групата ги гаѓале полицајците со различни предмети , по што полицајците возвратиле со пендреци и солзавец. Најголем број од младите , кои ја нападнаа полицијата носеле фантомки и капи за скијање .

И репортерката на Раша Тудеј , Шарлот Дубенски пред камерите мораше поради солзавецот да си стави капки во очите за да може да гледа. За сега нема податоци за повредени , а неколкумина од демонстрантите се приведени.

Денешните протести ги организираше синдикатот на јавните работници , поради планот на Владата до 2022 да укине 120 000 работни места.  

притисни ентер