10 илјади нови работни места - Владата го усвои оперативниот план за 2017 година

Нови 10 илјади вработувања преку мерките и програмите од Оперативниот план за вработување за 2017, усвоен на последната владина седница.
За негова реализација предвидени се 14 милиони и 200 илјади евра, или 2,6 милиони евра повеќе од лани. Во фокусот ќе бидат младите до 29 години и жените. Најголем број нови вработувања - околу 5.000 се очекува да бидат креирани преку проектот „Македонија вработува 2“.

Грантовите за самовработување, во новиот оперативен план ќе бидат зголемени од 3.000 на 4.000 евра. Продолжуваат и грантовите за лицата со попреченост во износ од 4,5 илјади евра, субвенционирањето на компаниите за отворање работни места за овие лица, како и поддршката за отворање приватни детски градинки и старски домови.

Огласите за мерките за вработување, кои ќе стартуваат од понеделник, ќе можат да ги искористат сите невработени лица евидентирани во Агенцијата за како активни баратели на работа.

Донесувањето и спроведувањето на овој оперативен план е уште една исполента обврска од изборна програма на ВМРО-ДПМНЕ, напиша лидерот на партијата на својот Фејсбук профил.

„Нашата обврска е да креираме нови можности, нови работни места и се додека ВМРО-ДПМНЕ ја има одговорноста пред граѓаните тоа ќе продолжиме да го правиме трудејќи се и борејќи се се до последниот атом од силата за подобра иднина на секој граѓанин“, напиша Груевски на Фејсбук.

Преку овие, но и другите комплементарни економски политики, програми и мерки, Владата досега создаде услови и поттикна отворање на над 168.000 нови работни места во стопанството, а невработеноста од 38 проценти во 2005 година е намалена на 23,4 проценти во третиот квартал во 2016. Очекувањата се до 2020 невработеноста да падне до 18 проценти. 

Ѓукановиќ ја положи претседателската заклетва

Во црногорската престолнина Цетиње со положување на заклетвата  избраниот претседател Мило Ѓукановиќ  официјално ја презема должноста.

Ѓукановиќ претседателската заклетва ја даде пред пратениците од Собранието на Црна Гора.

-Се колнам  во својата чест дека должноста претседател  на Црна Гора ќе ја извршувам совесно и одговорно за доброто на сите граѓани, рече  Ѓукановиќ во заклетвата.

Покрај пратениците , на свечената седница присуствуваа и поранешните претседатели на Црна Гора, премиери и претседатели на парламентот, како и највисоките државни функционери и челници на државните институции.  

Абас повторно примен во болница

Претседателот на Палестина 83- годишниот Махмуд Абас е примен во болница, според анонимен официјален претставник, Абас имал температура.

Палестинскиот претседател Махмуд Абас денеска повторно е примен во болница. Ова е третпат во една недела да биде хоспитализиран.

Абас во вторникот имал операција на увото и по неколку часа бил пуштен дома. Вчера повторно беше на кратко во болница.

Резултатите од анализите, како што јави палестинската новинска агенција, пренесувајќи ја изјавата на директорот на болницата, се добри.

Абас има проблеми со срцето, а пред десет години му е дијагностициран рак на простата. Инаку, тој е страстен пушач.

Дамаск ослободен, екстремистите евакуирани

Група екстремисти од Исламската држава се евакуирани од последната енклава под контрола на бунтовниците во близина на Дамаск, со што оваа територија е вратена под контрола на државата.

Сириската Опсерваторија за човекови права со седиште во Лондон, соопшти дека автобусите влегле во енклавата по полноќ за да ги превезат борците на ИД и нивните семејства.

Според Ројтерс, автобусите се упатиле во правец на провинцијата Бадија во Сирија, подрачје со мал број на жители , кое се наоѓа источно од престолнината Дамаск.

притисни ентер