Пред споменикот беше оддадена почит на загинатите во Народноослободителната и антифашистичка војна со едноминутно молчење и положување цвеќе.

Дел од одбележувањето беше читање на пригоден реферат изработен од професорот Славчо Јовановски.

- Ставајќи се на страна на антифашистичките сили, НОБ и антифашистичката војна ја легитимираат Македонија како дел од цивилизираниот свет. Македонија соодветно и партиципираше и со жртви на оваа тоталитарна идеологија. Пред сè поради фактот што целосно се вклопуваше во освојувачката стратегија на Третиот Рајх, како важна стратешка точка на Југоисточна Европа дефинирана уште од Бизмарк. Токму поради таквата своја положба, Македонија потпадна под германско-бугарска и италијанско-албанска окупација, соочувајќи се со идеите за Голема Бугарија и Голема Албанија. Дури и денес, официјалните истории на овие две држави го употребуваат поимот „ослободени краишта“. Во ова одбележување од поразот на фашизмот во Втората светска војна, навраќањето на овој датум е наша потреба. Споменот на него не смее да се потисне во заборав, пред сè поради фактот што НОБ и АСНОМ ја создадоа современата македонска држава. Тој чин ги обврзува сите генерации, споменот на овој датум да го чуваат со највозвишени чувства, се вели во дел од рефератот.

Авторот на рефератот се осврна и на Денот на Европа, посочувајќи дека идејата за интеграција на Европа потекнува од повоениот период, кога народите на Европа се обидуваат да изградат стабилност и мир на континентот.

- Денот на Европа е повеќе од само прослава на историските настојувања за мир и интеграција. Тоа е прилика за народите на Европа да го одбележат своето заедничко наследство, културна разновидност и вредности како демократија, правда и човековите права. Овој ден ги поттикнува граѓаните на Европа да се обединат во заеднички обиди за решавање на заедничките предизвици како што се климатските промени, социјалната нерамнопоставеност и мигрантската криза.

На настанот присуствуваа и положија цвеќе пред споменикот делегации на Сојузот на борци, АРМ, претставници на дел од политичките партии, здруженија на граѓани и организации и ученици.

Чекаме да ги видиме декларациите на новата Влада, штом биде формирана и штом положи свечена заклетва и овде сме да коментираме што било друго, рече портпаролот на грчката Влада Павлос Маринакис на денешниот редовен брифинг со новинарите, одговарајќи на прашањето на дописничката на МИА од Атина во однос на очекувањата на Грција од новата Влада кај нас.

Маринакис истакна дека очигледно не можат да ги коментираат изборите и резултатите во други земји и дека се почитува одлуката на граѓаните, но и посочи дека треба да се почека „да видиме што ќе каже постизборно владата што ќе произлезе од изборниот процес во Македонија“.

На новинарско прашање за Договорот од Преспа, портпаролот на грчката Влада потсети на ставот на Нова демократија кога беше во опозиција кога, како што рече, на секој можен начин и користејќи ги сите институционални и парламентарни средства што ги има на располагање, ги изрази своите несогласувања, но истакна дека станува збор за меѓународен договор.

-Како што имаше посочено тогашниот лидер на опозицијата и претседател на Нова демократија, а сега актуелен премиер Кирјакос Мицотакис, од момент кога ова ќе претставува одлука на грчкиот Парламент, односно договорот ќе биде изгласан од мнозинството, претставува обврска и врз основа на континуитетот на државата ќе ги следи и следните влади. И ние апсолутно го почитуваме ова. Станува збор за ратификуван меѓународен договор, надвладува која било друга одредба и ова, мислам дека очекуваме да биде почитувано и од другата страна, објасни Маринакис.

Паралелно додаде дека не сака да говори хипотетички и грчката Влада очекува прво да ги види позициите на другата страна, а потоа да излезе со став.

Најголем дел од случаите се пријавени во рамките на епидемијата во Скопје - 15, па во рамките на епидемијата во Куманово - два, а пријавени се случаи и во Прилеп - два, Кичево - еден и првите два случаја од Крушево. Од новите 22 случаи, четири се хоспитализирани, наведуваат од Институтот за јавно здравје (ИЈЗ) во најновиот извештај, објавен попладнево.

Заклучно со 2 мај, во државава се регистрирани вкупно 538 случаи на голема кашлица. Тоа претставува неколкукратно зголемување на бројот на заболени во однос на изминатиот петгодишен период - од 2019 до 2023 година, кога биле регистрирани вкупно 10 случаи.

Од заболените, хоспитализирани биле 77 лица, од кои 63 на возраст до четири години. Најголем број од случаите - 53 или 68,8 отсто, се хоспитализирани во УК за белодробни заболувања кај деца во Козле. Од вкупниот број на хоспитализирани лица, 70 се испишани. Во просек, заболените биле хоспитализирани по девет дена.

Од 18 јануари до 30 април, дадени се вкупно 44.737 дози вакцина што содржи компонента против голема кашлица.

Во текот на 18. недела од 2024 година - од 29 април до 5 мај, во земјава се евидентирани 52 случаи на групни пријави за заболени од грип или заболувања слични на грипот. Заклучно со 18. недела во Република Северна М