Македонија

ВМРО-ДПМНЕ 58, ДУИ 19, СДСМ 18 Левица и ЗНАМ ќе имаат по 6 пратеника во новиот парламент

Речиси тројна предност на ВМРО-ДПМНЕ и коалицијата пред коалицијата преводена од СДСМ е резултатот од вчерашните седми по ред парламентарни избори. 

ВМРО-ДПМНЕ над 430 илјади гласови, а СДСМ над 153 илјади освоени гласови, веднаш зад нив Европскиот фронт предводен од ДУИ со над 137 илјади галсови, кои практично за првпат добиваат поголем број на пратеници од СДСМ на парламентарни избори. 19 пратеници добива ДУИ иако имаат помал број на освоени гласови, односно за еден повеќе од СДСМ кои во следниот парламентарен состав ќе имаат 18 пратенички мандати.

По изборни единици, бројот на освоени мандати изгледа вака.

ИЕ 1 - ВМРО- ДПМНЕ И КОАЛИЦИЈАТА - 10 пратеници, СДСМ И КОАЛИЦИЈАТА - 3 пратеници, ДУИ И КОАЛИЦИЈАТА – 2 пратеници, КОАЛИЦИЈА „ВРЕДИ“ - 2 пратеници, ЛЕВИЦА - 2 пратеници и ДВИЖЕЊЕ „ЗНАМ“ - 1 пратеник.

ИЕ 2 - ВМРО-ДПМНЕ 8 пратеници, ДУИ И КОАЛИЦИЈАТА - 4 пратеници, „ВРЕДИ“ - 3 пратеници, СДСМ И КОАЛИЦИЈАТА - 2 пратеници, ДВИЖЕЊЕ „ЗНАМ“ - 2 пратеници И ЛЕВИЦА - 1 пратеник.

ИЕ 3 - ВМРО-ДПМНЕ И КОАЛИЦИЈАТА - 14 пратеници, СДСМ И КОАЛИЦИЈАТА - 4 пратеници, „ЗНАМ“ и ЛЕВИЦА по 1 пратеник.

ИЕ 4 - ВМРО-ДПМНЕ И КОАЛИЦИЈАТА - 13 пратеници, СДСМ И КОАЛИЦИЈАТА - 5 пратеници, ДВИЖЕЊЕ „ЗНАМ“ - 1 пратеник и ЛЕВИЦА - 1 пратеник. Во трета и четврата изборна еднициа алабнските коалици Вреди и Европскиот фронт не освоија пратенички места.

ИЕ 5 - ВМРО-ДПМНЕ И КОАЛИЦИЈАТА - 10 пратеници, ДУИ И КОАЛИЦИЈАТА - 4 пратеници, СДСМ И КОАЛИЦИЈАТА - 3 пратеници, КОАЛИЦИЈА „ВРЕДИ“ - 1 пратеник, ДВИЖЕЊЕ „ЗНАМ“ - 1 и ЛЕВИЦА - 1 пратеник.

ИЕ 6 – во оваа изборна едници Знам и Левица не освоија по ниту еден пратеник, а Европскиот фронт и Вреди очекувано имаат по најголем број освоени мандати. ДУИ И КОАЛИЦИЈАТА - 9 пратеници, КОАЛИЦИЈА „ВРЕДИ“ - 7 пратеници, ВМРО-ДПМНЕ И КОАЛИЦИЈАТА - 3 пратеници, СДСМ И КОАЛИЦИЈАТА - 1 пратеник.

Од следниот приказ може да се види како точно ќе изгледа новиот парламентарен состав во кој со пратеници влегуваат Вкупно Шест партии и коалиции ВМРО-ДПМНЕ, СДСМ, ЕВРОПСКИ ФРОНТ, ВРЕДИ, ЛЕВИЦА И ЗНАМ, која како нов политички субјект за првпат влегува во Собранието. Но, со огелд на тоа што ниту една коалиција не освои парламентарно мнозиство од 61 пратеник, така што за формирање на идната Влада ќе биде потребно победникот да влезе во коалиција со некоја од овие парии.

Паралено со парламентарните вечера се одржа и вториот круг од претседателските избори. Македонија ја добива првата жена претседател откако кандидатката на ВМРО-ДПМНЕ ја потврди победата од првиот круг со двојно повеќе гласови од нејзиниот против кандидат Стево Пендаровски од коалицијата на СДСМ: 560.173 гласови за Гордана Сиљановска Давкова, наспроти 251.541 за Стево Пендаровски.

Согласно овие изборни резултати веќе овој викенд на 12-мај в недела на пладне ќе се одржи инаугурацијата на новата претседатлка, која ќе даде заклетва пред стариот собраниски остав. Најдоцна пак 20 дена по денот на изборите, односно до 28 мај согалсно роковите во Уставот треба да се одржи конститутивна седница за новиот Праламентарен остав. Најдоцна десет дена потоа треба да биде доделен мандатот за формирање Влада на партијата, осносно апртиите коиосвопиле најголем број пратенички мандати на изборите – во случајот ВМРО-ДПМНЕ и коалицијата. Мандатот на Мицкоски ќе му го додели претседателката Силјановска Давкова. Мандаторот, пак, во рок од 20 дена од денот на доверувањето на мандатот, на Собранието му поднесува програма и го предлага составот на новата Владата, која се гласа со мозисство гласови во Собранието – односни 61 пратеник. Согласно овие рокови Македонија би требало да ја добие Новата Влада најдоца до 27 – јуни.

Македонија

Наградени најдобрите студенти на УКИМ за учебната 2022/2023 година

Во аулата на Ректоратот на УКИМ, денеска беа доделени награди на најдобро дипломирани студенти за учебната 2022/2023 година, а во рамки на свеченостите по повод патрониот ден и одбележување 75 години од постоење на Универзитетот. 

На редовни студенти од завршниот семестар во прв циклус студии кои покажале особени резултати во студиите, им беше врачена наградата „26 јули“ од Фондацијата „Франк Манинг“ од Велика Британија.

Наградите ги врачи ректорката на УКИМ, професор доктор Биљана Ангелова, а од Александар Стамболиев беше доделена наградата од Фондацијата „Стамболиев“.

Најдобриот студент на Медицинскиот факултет, Леонид Рене Томас Караџинов во изјава за МИА рече дека планот му е да остане во нашата држава.

- Одлуката ја темелам врз тоа што генерално целото семејство и поддршка ми се тука, не гледам причина да одам во странство. Во моментов цврсто сум убеден дека тука ќе ги барам моите почетоци за кариерата. Понатаму, ништо не е исклучено за во иднина. Но, се надевам дека тука ќе останам и понатаму за да придонесувам во здравството и во развој на целата здравствена грижа, изјави тој за МИА.

Една од наградените, Ана Софеска пред присутните рече дека времето што го поминале овде ги опремило со знаење, вештини и со самодоверба за да дадат значаен придонес во нашата татковина.

- Им честитам на моите колеги и знам дека иднината ќе биде светла, затоа што секој од нас ќе продолжи силно да блеска во своите полиња, кажа Софеска, која се обрати во име на сите добитници.

Награда за најдобро дипломиран студент добија Ангела Мешкова, Матеа Ташковска, Дејан Радуловски, Деспина Буцевска, Руфија Идризовска, Ана Софеска, Леонид Рене Томас Караџинов, Благоја Атанасоски, Виктор Мегленовски, Кристина Стоилковска, Габриела Козарова, Теодора Мазнева, Виктор Игнов, Марко Милчевски, Ања Митиќ, Марија Митевска, Ања Филипова, Теа Костадинова, Акса Зулбеари, Егзона Муртезани, Мергим Фера, Јана Панчевска, Ева Зовиќ, Иван Станишковски и Дамјан Наумовски.

Добитници на наградата „26 јули“ се Давид Стојаноски, Дејан Радуловски, Ана Софеска, Габриела Козарова, Кристина Стоилковска, Ања Филипова и Ева Зовиќ.

Наградата од Фондацијата „Стамболиев“ му припадна на Виктор Игнов.

Покрај наградените и членови на нивните семејства, на свеченоста присуствуваа и проректорите на Универзитетот, генералниот секретар, претседателот на Универзитетскиот сенат, деканите на факултетите.

На настанот беше кажано дека Универзитетот „Свети Кирил и Методиј“ во Скопје и понатаму ќе биде отворен за сите идни достигнувања на студентите.

Свет

Позната причината за хеликоптерската несреќа на Ебрахим Раиси?

Причина за тешкото слетување на хеликоптерот во кој се наоѓаше иранскиот претседател Ебрахим Раиси се лошите временски услови, изјави иранскиот амбасадор во Белорусија, Саид Јари. 

Иранскиот амбасадор во Минск изјави дека специјалната комисија ќе ги утврди точните причини за падот на хеликоптерот на претседателот Раиси и ќе ги проучи временските и техничките услови. Покрај Раиси и иранскиот министер за надворешни работи Хосеин Амир Абдолахиан, идентификувани се уште три лица кои загинаа во хеликоптерска несреќа во северозападен Иран, објави денеска иранската државна новинска агенција ИРНА.

Во хеликоптерската несреќа живото го загубила и имамот во градот Табриз, ајатолахот Мохамад Али Ал-е Хашем, началникот на иранската провинција Источен Азербејџан, генерал Малек Рахмати и командантот на единицата за заштита на претседателот, Сардар Сејед Мехди Мусави. Загинаа и одреден број телохранители и екипаж на хеликоптер кои се уште не се идентификувани.

Свет

Кина: Обидите за воспоставување независност на Тајван се осудени на неуспех

Сите обиди за воспоставување на независност на кинескиот регион Тајван осудени се на пропаст, се наведува во соопштението на кинеското Министерство за надворешни работи откако Лаи Чинг-теа ја презеде функцијата претседател на Тајван.

- Независноста на Тајван претставува ќорсокак, се истакнува во соопштението.

Додека кинеската Канцеларија за Тајван соопшти дека Лаи за време на инагурацијата испратил „опасни“ сигнали со цел да го поткопаат мирот и стабилноста.

- Актуелната ситуација во Тајванскиот Теснец е комплицирана и мрачна, соопшти Канцеларијата како одговор на инаугуративниот говор на Лаи.

Лаи ја презеде функцијата денеска и во својот инаугуративен говор побара од Кина, како што рече, да ги прекине своите воени и политички закани.

- Ја повикувам Кина да престане политички и воено да го заплашува Тајван и да преземе глобална одговорност заедно со неа за одржување на мирот и стабилноста во Тајванскиот Теснец и во регионот, за светот да не мора да се плаши од избувнување на војна... Ние исто така сакаме да му соопштиме на светот: Тајван не прави компромиси за демократијата и слободата. Мирот е единствениот пат и нашата цел е долгорочен мир и стабилност, истакна Лаи.

Лаи (64) беше избрана на претседателските избори одржани во јануари и ја презеде функцијата од Цаи Инг-вен, која беше потпретседател за време на нејзиниот мандат во последните четири години.

Тој ја презеде функцијата од поранешната шефица на државата Цаи Инг-вен, чиј потпретседател беше во изминатите четири години, посочи дека луѓето мора да бидат реални и да ги сфаќаат сериозно заканите и оти Тајван мора да покаже дека е решен да се брани.

- Драги сограѓани, мирот е нашиот идеал, но не смееме да имаме илузии. Пред Кина да се откаже од употребата на сила за да го нападне Тајван, граѓаните мора да знаат: Дури и ако ги прифатиме сите барања на Кина и се откажеме од нашиот суверенитет, амбициите на Кина нема да исчезнат, истакна Лаи.

Тајванското Министерство за одбрана во денешниот дневен извештај соопшти дека шест кинески авиони ја преминале линијата во средина во Тајванскиот теснец, која претходно служела како неофицијална граница, но Кина не ја признава.

притисни ентер