Здравје

Шугата не е искоренета, а не смее да ја има

Шугата која се смета за стара и искоренета болест, повторно е застапена во извештајот од Институтот за јавно здравје.

Дека оваа болест е присутна меѓу граѓаните потврдува и доктор Дејан Филиповиќ , директор на Универзитетската клиника за дерматовенерологија во Скопје. Во амбулантата дневно од оваа болест се третираат и по неколку пациенти, иако бројот на официјално пријавени во Институтот е официјално помал, најчесто поради стигматизација. Доктор Филиповиќ смирува, не се работи за тешко заболување, со сериозно последици по здравјето.

Според извештајот на Инсистутот за заразни болести, во текот на март пријавени сe вкупно 1. 431 заболени од акутни заразни заболувања што е зголемување за 27 проценти во однос на февруари.

Најчесто акутно заболување биле овчите сипаници со вкупно 825 пријавени лица, а регистрирани се и случаи на заушки.

На второ место по бројот на пријавени заболени во март е големата кашлица. Во групата на сексуално и крвно преносливи инфекции – без ХИВ/СИДА, регистрирани се 19 заболени лица.

Шоу биз

Видео: Памела повторно нашминкана

По низата јавни појавувања без шминка, холивудската убавица Памела Андерсон се откажа од природниот изглед за нејзиното прво појавување на Мет Гала.

Секс бомбата од „Чувари на плажа“ се појави на црвениот тепих во фустан на Оскар де ла Рента без рамо и лесна шминка од шминкерот Пет Мекграт.

Во интервју за британскиот „Vogue“, Андерсон рече дека сака шминка која е „свежа, мека и етерична“ за да покаже елеганција.

Во текот на изминатата година, Андерсон стана заштитно лице на движењето за природен изглед по бројните јавни појавувања без шминка.

Свет

Израел почнува нови напади врз Газа во време додека траат преговорите за примирје

Израел денеска нападна цели во Појасот Газа, откако вчера ја презеде контролата врз главниот граничен премин кон Египет, земја во која преговарачите се обидуваат да ја искористат својата последна шанса да придонесат за договор за прекин на огнот.&nb

По неколку недели објавување на почетокот на копнената офанзива на пограничниот град Рафах, и покрај меѓународното противење, израелските тенкови вчера влегоа и презедоа клучен премин за испорака на помош на опколената палестинска територија.

Белата куќа го осуди нарушувањето на хуманитарните испораки.

Влегувањето во јужниот град Газа преполн со раселени цивили доаѓа додека посредниците во Каиро се обидуваат да постигнат договор за ослободување на заложниците и примирје во седуммесечната војна меѓу Израел и екстремистичкиот Хамас.

Анонимен функционер на Хамас предупреди дека тоа е „последната шанса“ на Израел да ги ослободи десетиците заложници што сè уште се држат во Газа.

Египетскиот „Ал-Кахра њуз“ објави дека сите страни, вклучително и Израел, се согласиле да ги обноват преговорите, а израелскиот премиер Бенјамин Нетанјаху претходно изјави дека израелската делегација е веќе во Каиро.

Портпаролот на Советот за национална безбедност на САД, Џон Кирби, оцени дека тоа не е безначајно.

И покрај разговорите во египетскиот главен град, очевидци и локална болница известија за израелски напади низ Појасот Газа минатата ноќ и утринава, вклучително и околината на Рафа.

Свет

Украина соопшти дека соборила 59 од 76 руски дронови и ракети во текот на изминатата ноќ

Украина соопшти дека соборила 59 од 76 руски дронови и ракети истрелани во текот на изминатата ноќ.

Украинските воздухопловни сили денеска соопштија дека собориле неколку десетици ракети и дронови лансирани од Русија претходната ноќ низ целата земја, како дел од нападот насочен кон енергетските инсталации.

- Непријателот (Русија) употреби 76 средства за воздушен напад – 55 проектили и 21 јуришен дрон, соопштија украинските сили на Телеграм, додавајќи дека нејзините системи за противвоздушна одбрана пресретнале 39 проектили и 20 беспилотни летала.

Украинскиот министер за енергетика Герман Галушченко утринава соопшти дека руските сили во текот на претходната ноќ извршиле нов „масовен напад со проектили и беспилотни летала“ врз украинската енергетска инфраструктура, во кој се повредени најмалку шест лица.

притисни ентер