Со средба со градоначалникот на Бутел, Дарко Костовски, претседателот на ЗЕЛС Орце Ѓорѓиевски ја започна серијата средби со градоначалниците која има за цел преку интензивни разговори и меѓусебно споделување на добри идеи и практики да се надминат проблемите на скопјани. Посочи дека градоначалникот на Бутел е одличен пример како преку посветена работа и комуникација со сограѓаните може да се решат децениски проблеми и целосно да се смени на подобро нивното секојдневие. Му честиташе за одличните резултати и продискутираа за надминувањето на проблемите кои досега се наметнуваа поради опструкциите од поранешната централна власт и актуелното раководство на Град Скопје и кои во периодот што следи, мора да бидат пребродени и преточени во реализирани проекти. Ѓорѓиевски посочи дека со новоизбраната централна власт, предводена од идниот премиерот Христијан Мицковски, доаѓа подобро време за сите општини и игнорантскиот однос од претходните години ќе замине во минатото.

-Денеска во просториите на општина Бутел остварив средба со градоначалникот на општината, Дарко Костовски, каде што разговаравме за досегашната успешна работа изминатите две години, но и за проблемите со кои се соочуваат граѓаните на Скопје. Мора да нагласам дека, Дарко и неговиот тим се големи борци кои навистина го даваат својот максимум за поубава локална самоуправа и посреќни граѓани. Од она што го следам, можам да кажам дека влегоа буквално во секое населено место, ги решија децениските проблеми на жителите и денес Бутел е една општина со драстично сменета реалност на подобро. Тоа се гледа и на терен и морам да им честитам. И покрај сите опструкции од сега веќе поранешната централна власт и актуелната на град Скопје, Дарко и неговиот тим имаат највисок степен на реализација на проекти, повеќе од сите претходни раководства заедно. Денес на средбата, како претседател на ЗЕЛС ,отворив теми за тоа што треба дополнително да се реализира и да видиме како можеме да дојдеме до заеднички решенија. Она што најмногу недостига е непостоењето на слух од страна на град Скопје. Се надевам дека во периодот што следи до следните избори, Дарко ќе најде сили да го реализира она за што се обврза, како што е проектот за мега парк на Христијан Тодоровски – Карпош, потоа чистењето на реката Серава итн. Оваа средба е почеток на средбите со градоначалниците што во периодот што следува ќе се интензивираат се со цел да се најде решение за граѓаните на Скопје.

Ќе ги посетиме општините, ќе ги детектираме проблемите и изготвиме решенија за што побрзо решавање на истите бидејќи градот Скопје и општините не смеат да чекаат.

Со новата централна власт, предводена од премиерот Христијан Мицкоски доаѓа подобро време за сите општини и игнорантскиот однос изминатите години заминува во минатото.

Градот Скопје и сите општини во Македонија ќе имаат вистински партнер во новата влада и реализација на многубројни проекти.

Градските проблеми ќе ги решаваме заедно, Скопје заслужува да биде метропола која ќе се носи рамо до рамо со европските и заедно ќе стигнеме до таа цел.

Му Благодарам на Дарко и неговиот тим за пријателското кафе и разговор. Само сплотени можеме да направиме многу повеќе. Скопје заслужува да биде повторно горд град-истакна Претседателот на ЗЕЛС и градоначалник на Општина Кисела Вода Орце Ѓорѓиевски, соопштуваат од ЗЕЛС.

Двојно убиство во скопско Стајковци.. 67-годишен маж смртно ги застрелал братот и снаата, а потоа со убоди од остар предмет се обидел да си пресуди..

Мирјана Мирчевска Јовановиќ е во Стајковци.. Мими, познат ли е мотивот за злосторството кое го вознемири селото..

Во екот на бројните реакции околу заклетвата на новоизбраната претседателка Гордана Сиљановска-Давкова и дилемите дали со неупотребувањето на придавката „Северна“ го прекршила Преспанскиот договор и Уставот, Сиљановска Давкова денеска на први средби со дипломати. Во Вила Водно ги прими евроамбасадорот Дејвид Гир и италијанскиот амбасадор Андреа Силвестри.

Изјави за медиумите немаше, а според соопштенијата од претседателскиот Кабинет, покрај унапредувањето на пријателските односи и соработката, станало збор и за европските интеграции на Македонија. Какви пораки точно пренел евроамбасадорот Гир не се знае. Претседателката Сиљановска Давкова ја посочила потребата за напредок во процесот кон членство во ЕУ и изразила подготвеност за градење политички и општествен консензус за прашањата од национален интерес, како и избегнување на злоупотреба на европското знаменце при усвојувањето на закони.

„Претседателката Сиљановска Давкова истакна дека и покрај високото ниво на подготвеност на македонската администрација и насобраното искуство, напредокот во исполнувањето на критериумите трпи поради политички околности и потези за кои се одговорни и одредени земји – членки на ЕУ. Во тој контекст, таа посочи на потребата од враќање на вербата во мериторен процес на интеграција, со фокус на исполнување на копенхашките критериуми.“

Слични пораки, според соопштението од претседателскиот Кабинет, биле разменети и на средбата на Сиљановска-Давкова со оталијанскиот амбасадор Силвестри. Македонската претседателка изразила надеж дека Италија и во иднина принципиелно ќе ја поддржува земјава за забрзана интеграција на земјава во ЕУ.

Инаку, за неупотребувањето на придавката „Северна“, покрај Атина и Софија, деновиве реагираа и европските челници од Брисел, вклучително и Претседателите на ЕК и на Советот на ЕУ, Урсула Фон дер Лајен и Шарл Мишел со повик за целосно почитување на меѓународните договори, вклучително и договорот од Преспа.