Живот

Родители од пеколот: До смрт ги претепале своите едномесечни близначки, имале скршеници

Анџелина Белинда Калдерон и Фернандо Вега, двајцата на 21 години, од Хјустон, Тексас, се обвинети дека до смрт ги претепале своите едномесечни близначки.

Полицијата открила дека бебињата претрпеле повеќе модринки и скршеници за кои медицинските експерти претпоставувале дека биле предизвикани од серија трауми од тапа сила.

Една недела по ужасниот настан, мајката на близнаците отворила страница GoFundMe за да собере пари за погребите на девојчињата. Меѓутоа, полицијата тогаш открила дека таа и таткото на девојчињата се одговорни за смртта на новороденчињата.

Полицијата во Хјустон пристигнала во дом во близина на Линден Крик Лејн на југоисточната страна на градот веднаш по 11 часот на 4 октомври 2023 година, по повик 911. Кога влегле, откриле дека Масаил и Мирена Вега трагично починале.

Според судските документи, Вега на полицијата ѝ рекол дека откако ја однел на работа неговата сопруга, мајка на близнаците, ги нашол бебињата во креветчињата како не дишат. Тој тврдел дека ја оставил баба му да се грижи за нив додека тој бил отсутен.

Таткото ѝ рекол на полицијата дека тој и уште еден член на семејството се обиделе да ги оживеат бебињата, но не успеале. Извештајот од обдукцијата покажал дека двете бебиња биле покриени со модринки.

Д-р Хесус Рико, патолог од Институтот за судска медицина во округот Харис, рече дека првото дете имало неколку повреди, вклучувајќи дехидрација и контузии на различни делови од телото, како и скршеници што укажуваат на претходно злоставување. Тој ги известил надлежните дека овие повреди се нанесени намерно, а не случајно, пренесува Дејли Меил.

Другата близначка, исто така, имала модринки по телото, како и гребнатинки и скршеници, за кои се верува дека се во согласност со физичко малтретирање.

Лекарот нагласил дека овие повреди не се случајни и дека настанале во неколку инциденти. Наводно, имало три различни настани.

Двете близначки биле неухранети, при што едното покажало акутно мозочно крварење, додека другото претрпело крварење во мозокот и 'рбетниот мозок, што укажувало на неодамнешна траума. Патологот објаснил дека овие повреди може да се предизвикани од секундарна или директна траума со тап предмет.

Мајката и таткото моментално се во притвор.

Македонија

Скопјанец измамен во менувачница од двајца странски државјани

Скопјанец пријавил дека во менувачница во Старата скопска чаршија бил измамен од страна на двајца странски државјани за сума од 25.000 евра, информираат попладнево од Министерството за внатрешни работи.

Синоќа во 19.15 часот во СВР - Скопје, Х.М., на возраст од 34 години од главниот град на државава, пријавил дека околу 15 часот во менувачница во Старата скопска чаршија бил измамен од двајца странски државјани.

Според пријавеното, откако се договориле во менувачницата да сменат пари за 25.000 евра, лицата дошле со чанта со договорената сума на пари во денари, при што еден од нив ја заменил чантата со денари со друга иста чанта, која во долниот дел била полна со хартиени ливчиња.

Како што пријавил Х.М., тој им ги дал еврата без да ја провери чантата, а откако заминале, сфатил дека е измамен, појаснуваат од МВР.

Се преземаат мерки за расчистување на случајот.

Македонија

Арсовска: Нова енергија, нови луѓе, Нова Алтернатива.

Во изминатите две години покажавме дека со упорност и покрај блокадите може да се наметнат системски промени кои од корен ги менуваат градските институции.

Затоа Нова Алтернатива со нови луѓе и нова енергија за прв пат самостојно настапува на овие парламентарни избори со бројот 9.

Успеавме да ги намалиме непродуктивните трошоци, единствено не ги згаснавме светлата на улиците сред најголемата енергетска криза, ги консолидираме јавните претпријатија.

Први и единствени се боревме повеќе да нема лица кои не одат на работа, а земаат плата. Успеавме да откриеме стотици такви случаи за кои останатите институции сега треба да превземат мерки за враќање на парите кои ги земале.

За Македонија која ќе се базира врз право и правда неопходно е да се спроведат системски реформи:

-Целосно чистење на институциите од оние кои не одат на работа, а сепак земаат плата

-Воведување системска дигитализација со која човечкиот фактор и влијание при избор на вработување ќе се елиминира

-Со ветинг во сите јавни институции да се детектираат злоупотребите на позициите и за истото да следат највисоки санкции

Затоа на овие избори одберете го бројот 9 и гласајте за Нова Алтернатива, за луѓе кои секогаш ќе се спротивстават на неправдите и ќе работат за подобар живот во Македонија.

Нова енергија, нови луѓе, Нова Алтернатива.

Македонија

Денес е ден на Македонскиот јазик

Денеска Македонија го одбележува 5 мај – денот на Македонскиот јазик.

На овој ден во 1945 година, со решение на Народната влада на Федерална Македонија е усвоена азбуката на македонскиот јазик врз принципот еден глас – една буква, а набргу потоа, на 7 јуни 1945, е усвоен и Правописот на македонскиот јазик.

Кодификацијата на современиот македонски стандарден јазик се заокружува со делата на Блаже Конески – Граматиката на македонскиот литературен јазик, Речникот на македонскиот јазик и Историјата на македонскиот јазик.

притисни ентер