- Тоа беше долга и напорна ноќ за целиот систем за воздушна одбрана на Полска, се вели во соопштението објавено на X.

Се додава дека подоцна, поради намалување на нивото на опасност од ракетните напади на руските авиони на територијата на Украина, активностите на полската и сојузничката авијација во полскиот воздушен простор биле прекинати, а силите и средствата се вратиле во нормални активности.

Се истакнува и дека полската армија постојано ја следи ситуацијата на територијата на Украина и е во постојана готовност поради безбедноста на полскиот воздушен простор.

Киев соопшти дека рано утринава руските сили нападнале енергетски објекти во пет региони на Украина со повеќе од 100 проектили и дронови. /МИА

Вториот студиски проект на Пијан Славеј претставува 51 издание на SJF Records. Тој се состои од четири композиции, во вкупно времетраење од 17 минути.

Автор на текстовите е Бранислав Николов, а музиката и аранжманите се дело на групата.

Песните се снимени, миксани и продуцирани од Ивица Јанкуловски во скопското студио „Алшар“.

Дизајнот на омотот е дело на уметникот Владимир Лукаш, извршен продуцент на изданието е Оливер Белопета.

Како што информираат организаторите, промоцијата, која што е дел од придружната програма на 23. ОФФест, ќе биде зачинета со акустичен мини-настап во живо, во кој Бранислав Николов ќе претстави дел од материјалот на новиот албум. /МИА

Автор на претставата е Сашо Кокаланов, а режисер Сашо Миленковски.

Како што информираат од „Еко Свест“, „Бардо Тодор“е црна сатирична комедија која зборува за страшните последици по животот на луѓето кои живеат како први соседи на една термоцентрала со коп на јаглен, приклештени во противречноста - убиецот да им е и главен работодавец.

Таа ќе се игра на отворено, за да му се даде можност на Комбинатот (РЕК Битола) да биде лик во комедијата.

Од „Еко-свест“ нагласуваат дека ваквиот тип на претстави се наменети да допрат до широката јавноста за потребата да се направат промени во однос на производството на електрична енергија од фосилни горива, што носи страшни последици врз здравјето на луѓето.

Оттаму се надеваат дека пораката што ја испраќа претставата ќе допре до граѓаните.

Претставата која на сатиричен начин носи силна порака ќе биде одиграна во општинскиот двор во Могила во 12 часот, додека, жителите на Новаци во општинскиот двор ќе имат прилика да ја проследат во 18 часот.

Оваа црна комедија е наменета за возрасната публика, а на 10 јуни ќе биде прикажана и во Битола. /МИА