Македонија

Мицкоски до Османи:Слоганот не е шовинистички- значи дека ќе ја вратиме Македонија на народот

Додека од власта зборуваат за интеграции, ја купуваат „Соравија“ додека тие се колнат лажно во европските вредности, им течат тендери и набавки, додека тие се обидуваат со лаги и празни зборови да ве плашат .

Додека од власта зборуваат за интеграции, ја купуваат „Соравија“ додека тие се колнат лажно во европските вредности, им течат тендери и набавки, додека тие се обидуваат со лаги и празни зборови да ве плашат дека ние сме биле против Европската Унија, а тие за Европската Унија, и дека живеете најубаво во Југоисточна Европа, Македонија сѐ повеќе тоне, а тие беозбразно се богатат“, кажа претседателот на ВМРО-ДПМНе Христијан Мицкоски од митингот во Радовиш и додаде:

Секогаш кога ќе ја кажеме вистината за ДУИ, дека тие грубо ја злоуотребуваат судбината пред се на Албанците, и нивната мака, за да се богатат и крадат, кажувањето на таа вистина од ДУИ ја толкуваат како напад врз албанците. Тоа во суштина е заштитниот чадор со кој тие сакаат лажно да се престават за некакви борци за каузата на Албанците додека истите ги оставаат во сиромаштија, без патишта, без работа, без вода за пиење, без канализација, без основни услови за живот.

Мицкоски упати порака до Бујар дека слоганот не е шовинистички, туку слоганот Македонија повторно твоја означува дека Македонија ќе ја вратиме на народот, истиот тој кој власта безимислосно го краде и осиромашува.

„Па така Бујар Османи ќе обвини дека слоганот Македонија повторно твоја бил шовинистички слоган. Тоа може само да го каже неук човек кој е вистинси шовинист и кој Македонија не ја чуствува за своја татковина, затоа што јас кога ќе кажам Македонија мислам на сите граѓани кои живеат во нејзе. На Македонците, но и на Албанците, Турците, Ромите, Србите, Власите, Бошњацитеи сите останати. Кога Бујар Османи ќе каже Македонија тој не ја чуствува за своја татковина иако бил министер во сите можни влади на Македонија. Иако црпи пари и плати од државата која не ја признава за своја татковина. Е тоа е шовинизам на дело. Да ги признаваш парите што ги земаш, но и државата која те плаќа. И лицемиерието е поголемо што токму Бујар е министер за надворешни работи и од него се очекува да ги брани интересите на Македонија пред светот. Македонија е и твоја држава, сакал или несакал да признаеш. Мојата борба е Македонија да ја вратиме на народот, истиот тој кој безимислосно го крадете и осиромашувате“, нагласи Мицкоски.

Мицкоски истакна дека времето на Артан и Бујар помина а доаѓа ново време кога Македонија се враќа во рацете на народот.

„Времето на Артан и Бујар престанува. Доаѓа ново време кога Македонија се враќа на народот. Ковачевски треба да престане да ја бара вината во сите други само не во себе. Доцна се сети дека ДУИ ќе биде јамката околу него која ќе му ја заврши и неговата кариера. Но си ја продаде душата за грст привилегии и тендери. Е сега го плаќа цехот. Ако нешто не му е јасно нека ја види разликата од над 180 илјади гласови. Тоа е кога народот на Македонија некому му вели доста е“, нагласи Мицкоски, се наведува во партиското соопштение.

Свет

Израелците го убиле командантот на Хезболах во јужен Либан

Израелската војска денеска потврди дека нејзините сили убиле висок воен командант на либанската група Хезболах во воздушен напад во јужен Либан.

Во соопштението, израелската војска го идентификуваше командантот на Хезболах како Касем Саклави, кој бил погоден со израелско беспилотно летало во областа Тир.

Се додава дека Саклави е „одговорен за планирање и извршување на ракетни и противтенковски напади“ во северен Израел.

Во меѓувреме, израелската војска, исто така, соопшти дека нејзините воени авиони гаѓале локација за лансирање ракети на Хезболах во областа Рамија во јужен Либан.

Хезболах вчера тагуваше за шестмина свои членови убиени во судирите со израелската армија, со што бројот на загинати од 8 октомври минатата година се искачи на 308.

Тензиите се зголемија долж границата на Либан со Израел поради прекуграничните напади меѓу Хезболах и израелските сили додека Тел Авив ја продолжува смртоносната офанзива на Појасот Газа, во која загинаа повеќе од 35.500 луѓе од нападот на Хамас во октомври минатата година.

Живот

Ја спуштил камерата во дупка длабока 340 метри среде пустина- на дното го дочекало чудо (ВИДЕО)

Јутјуберот Др. Тај е познат по своите необични авантури, а пред неколку години објави видео кое сè уште привлекува внимание.

Пронашол необична дупка среде пустина во американската сојузна држава Јута, која решил да ја истражи со помош на GoPro камера.

Дупката се наоѓа во близина на воената база „Дагвеј“, а Јутјуберот ја нарекува „најдлабока на светот“. Веднаш да истакнеме дека оваа титула му припаѓа на ултрадлабокиот бунар Коља во Русија (12.262 метри).

Според достапните податоци, дупката во пустината Јута е нешто повеќе од 340 метри длабока, иако останува нејасно зошто е направена и кога.

Очигледно не може да се спореди со бушотината Коља, но вреди да се спомене дека по висина е идентична со облакодерот Крајслер во Њујорк, пренесува LadBible.

На почетокот на видеото од 2013 година го гледаме јутјуберот како се приближува кон отворот, како и „опремата“ што ја користел.

„Имам GoPro камера, LED фенерче, стиропор ако налетаме на вода, рибарски конец и дупчалка“, објасни тој.

Му требале две минути да стигне до дното, а снимката е главно црна цело време, со слаби појави на светлина и видливи ѕидови на дупката.

За жал, ништо друго не е откриено, па јутјуберот решил да вметне неколку камчиња во отворот. Тогаш сфатил дека не слетале покрај камерата, „туку некаде во далечина“.

„Немам објаснување каде исчезнале камењата. Ми се чини дека слушнав некои чудни, слаби звуци таму долу“, рече тој.

Снимката е малку морничава и може да ги вознемири луѓето кои страдаат од клаустрофобија. Одговорот на прашањето каде завршиле камчињата е непознат и понатаму ги интригира луѓето.

Свет

Регионот околу Неапол бил погоден со над 150 земјотреси за неколку часа (ВИДЕО)

Домовите се евакуирани, а многу училишта затворени по бранот земјотреси што ја погодија областа околу Неапол во јужна Италија.

Повеќе од 150 земјотреси биле регистрирани во текот на минатата ноќ.

Најсилниот, со јачина од 4,4 степени, се случил околу 20.00 часот по локално време во близина на градот Позуоли. Италијанскиот национален институт за геофизика и вулканологија (INGV) објави дека тоа е најсилниот земјотрес во регионот во последните 40 години.

Гаетано Манфреди, градоначалникот на Неапол, призна дека жителите можеби се исплашени, но рече дека властите „обрнуваат внимание“.

Во Поцуоли се подигнати стотици шатори, а некои жители останаа на улиците поголем дел од ноќта, додека други избраа да останат на друго место кај роднините.

Локалните медиуми објавија дека неколку семејства размислуваат целосно да ја напуштат областа поради бројот на земјотреси од ниско ниво што се случија во изминатите неколку месеци.

Еден медиум цитира жител на Неапол кој рекол дека никогаш не почувствувале толку силен земјотрес.

„Овој пат беше грубо, се чинеше дека никогаш нема да заврши“, изјавил еден човек за весникот „Ил Матино“.

Иако не се пријавени значителни структурни оштетувања, некои училишта во Неапол останале денеска затворени поради инспекции, а женскиот затвор во Поцуоли е евакуиран како мерка на претпазливост.

Манфреди предупреди дека може да има посериозни потреси во иднина и рече дека службениците мораат „да се справат со оваа вонредна ситуација со која можеби ќе треба да живеат со месеци“.

Поцуоли се наоѓа во близина на Кампи Флегреи (Flegrean Fields), голема вулканска калдера - еден вид на бездна - оставена по ерупцијата за која се смета дека се случила пред десетици илјади години.

Италијанската влада неодамна го ажурираше својот план за масовна евакуација на таканаречената „црвена зона“, која би била најизложена на последиците од тамошната ерупција.

Според планот, 500.000 жители ќе бидат евакуирани со автобус, брод и воз во рок од 72 часа.

Сепак, еден жител на Поцуоли изјави за италијанските медиуми дека луѓето не биле информирани за планот за евакуација, што доведе до некои „панични реакции“ синоќа за време на земјотресот.

„Луѓето го изгубија умот. Почнаа да трчаат на улица и, најопасно, влегоа во нивните автомобили, обидувајќи се да избегаат“, изјавил за Il Mesaggioro човек по име Џовани.

притисни ентер