Македонија

Лукаревска:Имаме подобри кадровски решенија. Ковачки:Кажете што имате направено во тројката.

Носители на листи во 3 ИЕ Сања Лукаревска од СДСМ и Драган Ковачки од ВМРО-ДПМНЕ, гости во Само Вистина.

Лукаревска:

Синоќешните бројки се показател и аларм за презентација на натамошните мерки и програмски определби до следниот круг и парламентарните избори. Ќе тропнеме на секоја врата и да поразговараме повторно со граѓаните како и до сега да ги слушнеме критиките, за да видиме што го предизвика нивниот револт. Можеби 8 Мај ќе даде можеби поинаков распоред на силите. Ако сакаме да се стремиме кон правда и правичност европските вредности тоа ќе ни го овозможат. Потфрливме во кадровските политики. Не смееме да дозволиме Претседател на државата да се избира во Собрание. На 8 Мај ќе ги видиме изборните комбинаторики, секоја опција што ги дели нашите определни е добредојдена. Ако ја црпиме моќта од граѓаните, мора да сме внимателни на наративот и да не предизвикуваме иритации кон било кој во нашата државата.Збор по збор се гради тврдина, не камен по камен, со биквити, кекси и млеко не покажуваме ни најмала пристојност кон електоратот што треба да не' избере

Ковачки:

Пендаровски е поразен со повеќе гласови отколку што ги освои. Промените се можни и тргнаа вчера, на 8 Мај ќе бидат потврдени, СДСМ ќе го трча последниот круг. Подадовме рака на секој субјект и повикавме на државно обединување за да се стави крај на криминалот, корупцијата и распродавањето на националните интереси. ДУИ може да повикува на бојкот, но како НАТО членка не смее да се остави државата без врховен командант. Не земајќи ве вас предвид листата ви е за спас и за имунитет, на дел од криминалците што и нанесоа штета на Макаедонија, а тоа се претмина кои и ќе влезат од листата на ИЕ 3. Набројте една инвестиција во источна Македонија, кога ВМРО-ДПМНЕ ќе стави нешто на хартија тоа го реализира.

Фудбал

Баерн Минхен подготвува огромна сума за Френки де Јонг

Раководството на Баерн Минхен ќе се обиде да го привлече играчот од средниот ред на Барселона, Френки де Јонг, пренесе „Скај“.

Шефовите на баварците за него подготвиле 75 милиони евра.

Минатото лето Барселона сакаше да го продаде Френки Де Јонг поради финансиски проблеми, но играчот од средниот ред сепак остана во тимот.

Се наведува дека раководството на тимот од Минхен веќе стапил во контакт со претставниците на Де Јонг за да ги дознаат условите на самиот играч.

Барселона би била подготвена да го продаде холандскиот репрезентативец во договор со слични финансиски параметри.

За Барселона најголем проблем е високата плата и поради финансиски проблеми на лето ќе мора повторно да продава играчи.

Живот

Светска програма за храна на ОН-Луѓето во Газа се соочени со „целосно гладување“

Светска програма за храна на ОН: Луѓето во северниот дел на Појасот Газа се соочени со „целосно гладување“.

Шефицата на Светската програма за храна на Обединетите нации (ОН), Синди Мекејн, предупреди дека луѓето во северниот дел на Појасот Газа сега се соочени со „целосно гладување“.

Таа за ТВ мрежата NBC изјави дека е тешко за гледање и дека катастрофалната ситуација се шири кон југ.

„Има гладување, целосно гладување на север и се шири кон југ. Тоа е ужас“, изјавила Синди Мекејн, пренесува Си-Ен-Ен.

Таа додаде дека нејзината организација бара прекин на огнот и непречен пристап до Газа со цел да испорача хуманитарна помош.

Живот

Папата им го честиташе Велигден на православните христијани

Поглаварот на Римокатоличката црква, папата Франциск денеска им го честиташе Велигден на православните христијани и верниците од источните цркви кои го слават според јулијанскиот календар, пренесе Ватикан њуз.

- Со најтопли чувства упатувам честитки до браќата и сестрите од православните цркви и некои источни цркви кои денеска го слават Светиот Велигден според јулијанскиот календар. Нека воскреснатиот Господ ги исполни сите заедници со радост и мир и да ги утеши оние кои поминуваат низ искушенија, рече папата на крајот од традиционалната неделна миса на плоштадот Свети Петар во Ватикан.

Во својата проповед пред неделната молитва, папата повторно повика на молитви за жртвите од поплавите во Бразил, како и за мир во Украина, Израел и на палестинските територии.