Регион

Јоурова: Владеењето на правото е основа на европската архитектура

„Владеењето на правото е основа на европската архитектура, мора да го заштитиме од негативни трендови “, вели Јоурова.

Владеењето на правото е основното правило во европската архитектура и затоа е важно да имаме детална расправа за состојбата во ЕУ и на просторот на проширување, односно во конкретни земји членки и во државите кои имаат статус на кандидати за членство, изјави денеска потпретседателката на Европската комисија задолжена за вредности и транспарентност, Вера Јоурова.

- Со години приоритет на Европската комисија е да направиме повеќе за заштита на владеењето на правото како основен принцип и да го одбраниме од разни видови на негативни трендови, потенцира Јоурова пред почетокот на неформалниот Совет за општи работи на ЕУ (ГАК) на кои главни теми се проширувањето, владеењето на правото и зајакнувањето на Унијата.

Таа нагласи дека врз основа на извештаите за владеењето на правото во Албанија, Македонија, Србија и Црна Гора на заседанието ќе може да се направи споредба на системите на овие четири земји кандидати за членство со оние на членките на ЕУ.

Неформалните заседанија на Советите на ЕУ се средби на ресорните министри на кои не се носат никакви одлуки, туку само се дебатира и се разменуваат мислења за различни теми и прашања по кои треба да се решава на формалните средби или на состаноци на други тела на Унијата. /МИА

Свет

Украинците објавија снимка од жестоки улични борби за важен град на северот (ВИДЕО)

Украинските граничари објавија снимки од жестоки борби за стратешки важниот град Вовчанск во североисточниот дел на земјата, во областа Харков.

Борбите за тој град траат веќе една недела, откако руските сили започнаа ненадејна копнена офанзива преку границата. Во него тие зазедоа десетина села во регионот на Харков, но градот Вовчанск, кој беше речиси целосно евакуиран, сè уште се држи.

Русите тврдат дека влегле во градот од два правци за да воспостават позиции, додека Украинците тврдат дека ги враќаат назад и го стабилизираат фронтот. Очигледно, најголем дел од борбите се водат во предградијата на Вовчанск.

Македонија

Таравари: До петок конечен договор со ВМРО-ДПМНЕ за формирање Влада

Претседателот на Алијансата за Албанците и еден од лидерите на коалицијата ВЛЕН, Арбен Таравари рече дека се очекува преговорите да завршат следната недела.

Претседателот на Алијансата за Албанците и еден од лидерите на коалицијата ВЛЕН, Арбен Таравари на новинарско прашање за преговорите за формирање на влада, рече дека се очекува преговорите да завршат следната недела.

Технологија

Советот на Европа постигна договор за вештачката интелигенција

Министерите за надворешни работи на 46 земји на Советот на Европа се договорија за договор за употреба на вештачка интелигенција (ВИ).

„Со овој нов договор сакаме да обезбедиме одговорна употреба на вештачката интелигенција која ги почитува човековите права, владеењето на правото и демократијата“, рече генералниот секретар на Советот, Марија Пејчиновиќ во соопштението за медиумите.

Рамковната конвенција на Советот на Европа за вештачка интелигенција е првиот обврзувачки меѓународен договор за технологијата. Иако е изготвен под покровителство на Советот на Европа, може да го потпишат и други земји.

Меѓу другото, потписниците се согласуваат да создадат одредби во нивните национални закони кои обезбедуваат соодветна транспарентност, надзор и одговорност при користењето на системите за вештачка интелигенција. Тие, исто така, се обврзуваат да обезбедат системите за вештачка интелигенција да не ја дискриминираат неправедно или да ја нарушуваат приватноста на луѓето.

Конвенцијата се разликува од идниот Закон на Европската унија за вештачка интелигенција, иако ЕУ учествуваше во изготвувањето на договорот.

Иако конвенцијата е збир на широки принципи до кои потписниците мора да се придржуваат во нивните национални закони, Законот за вештачка интелигенција е специфична и детална регулатива која се применува во 27 земји на ЕУ.

Министрите на ЕУ се очекува да го одобрат Законот за вештачка интелигенција во вторник.

Советот на Европа и Европската унија се целосно одвоени организации, иако сите 27 земји-членки на ЕУ се меѓу 46-те членки на Советот.

Во изготвувањето на конвенцијата учествуваа 11 земји кои не се членки на Советот: Аргентина, Австралија, Канада, Костарика, Израел, Јапонија, Мексико, Перу, САД, Уругвај и Ватикан.

притисни ентер