Македонија

Дијана Тоска од Европскиот фронт: Мораториум на новите градби во Чаир

Јас сум Дијана Тоска, магистер по меѓународни односи, директорка на Театарот за деца и младинци, поранешна учителка на нашите деца и жител на Чаир.

Денеска се кандидирам за пратеник и ја барам вашата поддршка.

На Чаир му треба промена и ова ќе го донесеме заедно.

Ја злоупотребија нашата поддршка и доверба во Чаир, многу ја злоупотребија и го доведоа во непогодна состојба за живеење, без тротоари, без паркинзи, без патишта, без нови паркови, без игралишта, без водовод и канализација, без никаква капитална инвестиција, но само со узурпација на јавни површини, згради во паркови, непотизам, корупција и злоупотреба.

Денеска ви се обраќам како кандидат за пратеник за сериозно прашање кое не засега сите нас.

Масовните градби без дозвола и без план во парковите во нашата општина, во

нашиот Чаир, не гушат.

Секоја населба на Чаир е преполна, граѓаните немаат место за паркирање, луѓето немаат каде да да се движат.

Над 30 висококатници во Чаир се изградени надвор од законот и немаат ниту имотен лист, ниту градежна дозвола.

Челниците на Чаир во овие 20 години ја злоупотребија нашата доверба, ги измамија граѓаните и инвеститорите, но и нивните соседи за лична корист.

Граѓаните, измамени од општина Чаир, со последните пари купиле станови кои немаат имотни листови и дозволи, а инвеститорите своите пари ги вложиле во објекти кои го немаат регулирано имотно-правното прашање.

Ниту граѓаните што купија станови, ниту инвеститорите што ги изградија, не се виновни,виновни се челниците на општина Чаир што ја злоупотребија нашата

доверба за лична корист и за уништувањето на нашиот Чаир.

Затоа, ние како Европски фронт и пратениците во идното Собрание, од причина што граѓаните и инвеститорите не се виновни за овој урбанистички хаос во Чаир, вчера предложивме закон за легализирање на објекти изградени без дозвола за да се спасат граѓаните и инвеститорите, а ќе бараме правна одговорност за оние кои ја дозволија ваквата состојба, челниците на општина Чаир, се наведува во партиското соопштение.

Свет

Ким Џонг-ун испрати сочувство до Иран: Раиси беше извонреден државник и близок пријател

 Севернокорејскиот лидер Ким Џонг-ун упати сочувство до Иран поради смртта на претседателот Ебрахим Раиси во хеликоптерска несреќа, објави државната новинска агенција.

Ким во пораката посочува дека смртта на Раиси е „голема загуба“ за Иран и дека се надева дека ужалените семејства ќе закрепнат што е можно поскоро.

Раиси беше „извонреден државник и близок пријател“ кој даде „голем придонес во идејата на иранскиот народ за зачувување на суверенитетот, развојот и интересите на својата земја и успехот на исламската револуција“, рече Ким, пренесе агенцијата.

Северна Кореја и Иран имаат блиски врски и постои сомневање дека двете земји соработувале во програмите за балистички ракети, најверојатно споделувајќи технички податоци.

Регион

Ѓуриќ: Ќе направиме се да добиеме најдобар резултат за Србија за резолуцијата за Сребреница

Сигурно е дека тоа ќе биде силна дипломатска активност, сериозна борба. Притисокот со кој се соочуваме, не само ние, туку и земјите кои гласно се изјаснуваат против резолуцијата е огромен.

Министерот за надворешни работи Марко Ѓуриќ изјави дека делегацијата предводена од српскиот претседател Александар Вучиќ во Њујорк прави максимални напори за Србија да добие најдобар можен резултат на седницата на Генералното собрание на ОН за резолуцијата за Сребреница, јави дописникот на МИА од Белград.

-Сигурно е дека тоа ќе биде силна дипломатска активност, сериозна борба. Притисокот со кој се соочуваме, не само ние, туку и земјите кои гласно се изјаснуваат против резолуцијата е огромен. Паралелно со нашите напори за лобирање, продолжуваат и притисоците на земјите кои се 20 пати посилни од Србија. Земјите кои се изјаснуваат против во одредени сегменти и ситуации се соочуваат со огромен притисок, изјави Ѓуриќ во соопштението на српското МНР.

Тој кажа дека во таа борба е вложен сиот кредибилитет што го има Србија, преку Движењето на неврзаните, добрата соработка и принципиелна политика.

Шефот на српската дипломатија рече и дека пред еден месец во Обединетите нации се чинеше дека резолуцијата е завршена работа, бидејќи никој не очекуваше некој да се осмели да се спротивстави на нешто што е замислено како политичка осуда на Србија и како создавање на морална стигма што ќе би ја носеле сегашните и идните генерации.

Неговиот впечаток е дека коспонзорите на резолуцијата не очекувале и не сакале сценарио во кое Србија активно се спротивставува и дека е убеден дека тоа ќе вроди со одредени плодови.

-Не би сакал претерано да ги зголемувам очекувањата, но сосема е сигурно дека работите не поминуваат и нема да се одвиваат онака како што замислиле авторите на овие резолуции, рече шефот на српската дипломатија.

Живот

Австралискиот премиер повика да престане кривичното гонење на Асанж

Австралискиот премиер Ентони Албанезе денеска повика да се стави крај на затворањето и гонењето на основачот на Викиликс, Џулијан Асанж, откако му беше одобрена нова жалба против неговата екстрадиција во САД.

Високиот суд на Велика Британија му дозволи на Асанж да поднесе жалба на неговата екстрадиција, спречувајќи ги напорите на Вашингтон да му се суди на 52-годишниот Австралиец обвинет за оддавање американски воени тајни.

По одлуката, австралискиот премиер ги повтори повиците за прекин на гонењето на Асанж, велејќи дека нема „ништо да се добие“ од неговото затворање.

- Работиме на тоа, изјави австралискиот премиер.

Британската влада ја одобри екстрадицијата на Асанж во јуни 2022 година.

Асанж е во затвор во Лондон од април 2019 година, откако помина седум години во засолниште во амбасадата на Еквадор во Лондон.

Австралискиот премиер на почетокот на годинава изјави дека гонењето на Асанж „не може да трае бесконечно“.

Американските власти сакаат да му судат на Асанж за оддавање американски воени тајни поврзани со војните во Ирак и Авганистан.

Тој е обвинет дека објавил 700.000 доверливи документи за американските воени и дипломатски активности, особено во Ирак и Авганистан, почнувајќи од 2010 година, а во САД се соочува со затворска казна до 175 години.

притисни ентер