Македонија

ЦУК: Два пожара на отворено, најавено минирање кај Бањица

 Во последното деноноќие имало два пожара на отворено. Гореле и биле изгаснати две диви депонии, една во градот Дебар и една дива депонија покрај патот за село Фалише, во Општина Тетово.

Како што информира Центарот за управување со кризи (ЦУК), во двата случаја било интервенирано со по едно противпожарно возило и двајца пожарникара.

Во последното деноноќие имало вкупно 1 659 повици на единствениот повикувачки број за итни случаи 112 во ЦУК. Од нив „реални“ биле 55,70 отсто, а 44,30 отсто биле за други потреби на граѓаните што не биле итни. Кон полиција биле упатени 59, 92 отсто, кон итната медицинска помош 38,91 отсто, а кон пожарникарите 0,78 отсто од реалните повици кон 112.

Од ЦУК посочуваат дека има најавено минирање на локалитетот село Бањица, Коридор 8 и 10, патниот правец Тетово – Гостивар – Букојчани и Требеништа - Струга – Ќафасан.

- Граѓаните да не се вознемируваат ако слушнат детонации во тој реон, се вели во соопштението.

Според метеоролозите, денеска при крајот на денот и вечерта, а в среда и четврток под влијание на нов влажен бран во поголем дел од земјава ќе има пороен дожд и грмежи, локално процесите ќе бидат поинтензивни и во форма на невреме со пообилни врнежи и засилен ветер.

Од ЦУК препорачуваат во случај на појава на електрични празнења поголема внимателност, да не се престојува на отворен простор и под осамени дрвја. Сите итни случаи да се пријавуваат на единствениот повикувачки број за итни случаи 112.

Фудбал

Гвардиола не планира наскоро да го напушти Манчестер сити

Тренерот на Манчестер сити, Пеп Гвардиола зборуваше за својата иднина во тимот.

- Имам договор и сакам да бидам тука. Мојот план е да останам во Манчестер следната сезона, изјави Гвардиола за „Мирор“.

Шпанскиот фудбалски стручњак го презеде Манчестер сити во 2016 година. Под негово водство тимот пет пати го освојуваше англискиот шампионат и еднаш Лигата на шампионите.

По 37 кола, во Премиер лигата води Манчестер сити со 88 бодови. Заостанувањето на второпласираниот Арсенал е два бода. Ливерпул (79) ги загуби шансите за евентуална шампионска титула. /МИА

Свет

„Билд“: Германското Министерство за одбрана бара од Владата уште 3,8 милијарди евра за Украина

Германското Министерство за одбрана побара од сојузната влада дополнителни 3,8 милијарди евра помош за Украина за оваа фискална година, пишува „Билд“.

Весникот наведува дека оваа година Германија обезбедила воена помош од 7,1 милијарди евра за Украина и дека овие пари се користат за плаќање на воена опрема што Украина ја купува директно од наменската индустрија и укажува дека на Украина и треба итно поголема поддршка за да не изгуби војната со Русија, поради што Министерството за одбрана побара дополнителни средства.

Министерот за одбрана Борис Писториус разговараше за тоа со канцеларот Олаф Шолц, а потоа се сретна со Кристијан Линднер, шеф на одделот за буџет во германското Министерство за финансии.

Дополнителните расходи треба во јуни да бидат поднесени до Бундестагот на усвојување, според „Билд“. /МИА

Македонија

Тешка сообраќајка на „Водњанска“, повредени седум лица

Седум лица се повредени во тешката сообраќајна несреќа која синоќа се случи на улица „Водњанска“, пред влезот на Клиничкиот центар.

-Сообраќајната несреќа се случила помеѓу автомобил „БМВ“, автомобил „Ауди“, и две паркирани патнички возила „Голф“ и „Мерцедес“, сите со скопски регистарски ознаки, соопштија од МВР..

Во незгодата со телесни повреди се здобиле седум лица констатирани во ГОБ „Св. Наум Охридски“ и Комплекс клиники Мајка Тереза во Скопје. Извршен бил увид од увидна екипа на СВР Скопје, но причините се уште не се познати.

притисни ентер