Во следните недели платформата ќе им забрани на лицата под 18 години да користат филтри кои ги менуваат цртите на лицето, односно ги зголемуваат очите, устата или ја измазнуваат кожата, пишува The Guardian.

Нема да бидат забранети филтрите што, на пример, додаваат уши од зајаци или кучешки нос. Компанијата со милијарди корисници ги објави промените за време на безбедносниот форум во нејзиното европско седиште во Даблин.

Постои голема загриженост дека филтрите за убавина резултирале со притисок врз тинејџерите, особено кај девојчињата, да изгледаат совршено на социјалните мрежи, што често има психолошки последици за нив. Некои млади луѓе опишаа дека по користењето на филтерот нивното вистинско лице станало грдо.

TikTok, исто така, објави дека ги заострува своите правила за корисниците на возраст под 13 години, што може да значи дека на илјадници деца на таа возраст ќе им биде забрането да ја користат платформата. До крајот на годината, тие ќе тестираат систем кој ќе се обиде да открие луѓе кои мамат за ограничувања за возраста на TikTok.

@mariee.sarahh

TIKTOK PLEASE FIX THIS‼️‼️

♬ original sound - sarah

Клои Сетер, шефот на јавната политика за безбедност на децата на TikTok, рече: „Се надеваме дека ова ќе ни даде можност да ги откриеме и отстраниме таквите корисници побрзо и поефикасно“.

Луѓето кои биле погрешно блокирани ќе можат да поднесат жалба. „Очигледно може да биде иритирачки за некои млади луѓе“, рече Сетер, но додаде дека платформата ќе ја стави безбедноста на прво место.

Левиот бек на германскиот тим бил фатен како вози пијан. Дејвис го возел своето Lamborghini Urus, вредно 216.000 евра, а полицијата по алкотестирањето утврдила дека возел со 0,6 промили алкохол во крвта, пренесува Bild.

Канаѓанецот бил фатен околу два часот по полноќ, а по алкотестот морало да го земе лице од доверба. Дејвис за овој прекршок се соочува само со прекршочна казна бидејќи во Германија е кривично дело возење со повеќе од 0,8 промили алкохол во крвта. Дејвис ќе мора да плати казна од 500 евра. Билд наведува дека и покрај инцидентот, Дејвис утрово најнормално тренирал со тимот. Баерн се уште не ја коментирал целата ситуација.

Да потсетиме, Дејвис е на излезната врата од германскиот клуб. Инсајдер на Билд, Кристијан Фалк, наведува дека Баерн му понудил продолжување на договорот, додека Дејвис ги договорил условите со Реал Мадрид. Агентот на Канаѓанецот се уште е во преговори со Манчестер Јунајтед и некои други клубови кои би можеле да му понудат подобри услови.

Секој службеник на МВР има обврска да ги почитува законите и симболите на сите заедници во Македонија. Непочитувањето на тие обврски ќе биде санкционирано без исклучок.

Законите ќе се применуваат подеднакво за сите, а институциите ќе бидат гарант за почитување на меѓусебната толеранција и правата на сите заедници.

Според член 319 од Кривичниот законик, секој што со намера ќе поттикне раздор, нетрпеливост или омраза преку сквернавење или уништување на национални или верски симболи, ќе сноси кривична одговорност. Нема да дозволам ваквото однесување, особено кога доаѓа од вработен во Министерството за внатрешни работи, да остане несанкционирано.

Како заменик министер за внатрешни работи, јас недвосмислено го осудувам секое сквернавење или неуважување на државните и националните симболи на Македонија, без разлика дали станува збор за знамињата на Македонците, Албанците или на која било друга заедница.

Вчера сите заедно го осудивме чинот на сквернавење на државното знаме на Македонија, потврдувајќи ја нашата посветеност на соживотот и меѓусебното почитување. Денес исто така го осудувам и потврдувам дека ќе има одговорност за службеник на Министерството за внатрешни работи кој постапил на навредлив и неприфатлив начин кон знамето кое е национален симбол на Албанците, знаме кое е законски регулирано за употреба согласно важечките правни норми во нашата држава, објави на ФБ заминик министерот за внатрешни работи , Астрит Исени.