Македонија

Зајкова: Со предлог-законот за платежни услуги застануваме на страната на граѓаните

Претседателката на Либерално-демократската партија и пратеничка, Моника Зајкова, повикува на детално разгледување и поскоро носење на предлог - законот за изменување и дополнување на Законот за платежни услуги и платни системи.

Претседателката на Либерално-демократската партија и пратеничка, Моника Зајкова, повикува на детално разгледување и поскоро носење на предлог - законот за изменување и дополнување на Законот за платежни услуги и платни системи, кој вчера по втор пат го поднесе во македонското Собрание.

„Со поднесувањето на овие измени и дополнувања испраќаме силна порака дека сме на страната на граѓаните. Во време на сеуште не излечена економска криза и најава за можна нова, последно нешто што им треба на граѓаните се дополнителни финансиски оптоварувања. Предлагаме конкретни мерки, од кои корист ќе имаме сите ние кои секојдневно ги користиме банкарските услуги. Затоа апелирам до колегите-пратеници од сите пратенички групи, да застанеме на страната на граѓаните и да покажеме дека вистински се грижиме за нив“, вели Зајкова.

Со усвојувањето на предложените законски решенија граѓаните ќе се заштитат од плаќања на надоместок или провизија за водење и одржување на сметка на платежна картичка, регистрирање и користење на услугата за електронско банкарство, проверка на состојбата на сметка на банкомат и издавање на изводи за состојба на сметка од експозитура на банка.

Дополнително, ќе се укинат трошоците за повлекување на готовина од сметки од банкомати, за издавање на потврда за состојба на кредит и потврда за затворен кредит, членарина за платежна картичка, како и трошоците за разгледување и обработка на барања за кредитни аранжмани, за станбени кредити и други провизии за кредит.

Уште една мерка која ја предвидува овој предлог-закон е ограничување на надоместокот за провизија за учесникот во платниот промет кога врши уплата преку уплатница или образец.

„Носењето на правилни и добри законски решенија ќе доведе до зголемување на финансиската моќ и ќе ги опфати сите домаќинства. Не случајно и главната порака на оваа наша кампања е ‘Твоја Сметка – Твои Пари“. Доколку овој пат предлогот ги помине сите собраниски филтри и заедно со пратениците од сите партии го изгласаме, парите навистина ќе ги вратиме во џебот на граѓаните“, додава претседателката Зајкова.

Либерално-демократска партија

Регион

Драма во Србија: Застрелал татко и син поради место на селски паркинг

Жител на селото Мраморак се скарал со соседите за паркинг во село со помалку од 3.000 жители, па ги застрелал.

Како што дознава Телеграф, по расправија денеска околу 12 часот сосед пукал во татко (61) и син (28), а по пукањето влегол во автомобилот и избегал со полна брзина. Полицијата веднаш го блокирала селото и започнала потера. Напаѓачот набрзо бил уапсен. Во автомобилот имал и друго оружје, покрај пиштолот од кој пукал. Тој пиштол, како што дознаваме, бил во легална сопственост.

Таткото и синот се надвор од животна опасност.

Селото Мраморак е мирно банатско село кое не е познато по насилни конфликти. Се наоѓа помеѓу Панчево и Ковин.

Свет

Еврокомесарката Јохансон: Бугарија и Романија би можеле да се приклучат на Шенген од 1. јануари

Романија и Бугарија може да се приклучат на Шенген зоната на 1 јануари следната година, изјави еврокомесарката за внатрешни работи Илва Јохансон.

Таа рече дека двете земји ги исполниле „сите критериуми“ и дека се очекува министрите за внатрешни работи на Унгарија, Австрија, Бугарија и Романија на состанокот на 12 декември да се договорат за укинување на контролите на копнените граници, објави Euronews.

Јохансон истакна дека вкупната нерегуларна миграција кон ЕУ е намалена за 40 отсто, а на западнобалканската рута има намалување за 80 отсто, како и дека нема никакви проблеми откако се укинаа воздушните граници.

Романија и Бугарија требаше да се приклучат на Шенген зоната минатата година, заедно со Хрватска, на што се спротивстави Австрија, со тврдења дека овие земји не успеале да се справат со наглото зголемување на мигрантите кои пристигнуваат во ЕУ преку западнобалканската рута.

Внатрешните воздушни и поморски контроли на ЕУ со Бугарија и Романија беа укинати претходно оваа година, пишува Политико. На состанокот во Будимпешта, министрите за внатрешни работи на Унгарија, Австрија, Бугарија и Романија се согласија да „иницираат неопходни чекори“ за одредување датум за укинување на контролите на копнените граници.

Услов, како што е наведено, е продолжување на соработката за намалување на илегалната миграција, а договорено е и продолжување на проверката на границите меѓу Унгарија и Романија и меѓу Романија и Бугарија најмалку шест месеци „за да се спречат какви било сериозни закани“ за безбедноста на овие земји.

Македонија

ВМРО-ДПМНЕ со реакција: Во буџетот предвидено е зголемување на средствата за МВР, одбрана...

Владата на ВМРО-ДПМНЕ работи на враќање на довербата на граѓаните во институции, на подобрување на услугите кои институциите ги даваат на граѓаните, како и на враќање на безбедноста во државата.

И за таа цел, во буџетот за следната година предвидени се зголемени средства за набавка на опрема во сите институции.

За зголемување на јавната безбедност предвидени се околу милијарда денари за вложување во опрема и машини, со цел модернизација и осовременување на капацитетите на МВР.

Значајни инвестиции ќе има и за модернизација на армијата, така што со буџетот за следната година за одбрана се предвидени до 4,5 милијарди денари.

Со цел модернизација, набавка на опрема и подобрување на здравствените услуги за граѓаните, како и условите за работа на медицинскиот кадар со буџетот од 2024 година предвидени се 7.5 милијарди денари. Тоа е зголемување од 25% во споредба со буџетот за здравство за годинава кој го подготви СДС и кој изнесувал 5.9 милијарди денари.

Зголемување од 5% на средствата со буџетот за 2025 година има и во земјоделие, со цел вложување во модернизација на наводнувањето и враќање на достоинството на земјоделецот.

За разлика од ВМРО-ДПМНЕ која што вложува во модернизација, професионализација и осовременување на условите за работа во македонските институции, СДС и ДУИ во своето владеење за службени возила потрошиле повеќе од пет милиони евра.

Очигледно на функционерите од СДС изминатите седум години на власт, најважна им била сопствената комоција, а не и реалните проблеми на обичните луѓе, се наведува во партиската реакција.

притисни ентер