Македонија

ВМРО-ДПМНЕ: СДС и ДУИ се нервозни и исплашени поради страв од соочување со правдата

Антидржавните партии СДС и ДУИ преку манипулирана група од политички насилници направија директен напад врз државата преку чин на агресија кој беше директно насочен кон достоинството на македонскиот народ.

Настаните по повод „прославата“ на денот на албанското знаме, инцидентите и дивеењето на неколку групи се смислено сценарио на СДС и ДУИ кои преку манипулација, ескалација и креирање на етнички тензии се обидуваат да го заштитат криминално стекнатиот капитал.

Антидржавните партии СДС и ДУИ преку манипулирана група од политички насилници направија директен напад врз државата преку чин на агресија кој беше директно насочен кон достоинството на македонскиот народ.

СДС и ДУИ после 7 години власт се длабоко во политичкото мочуриште, нервозни се, во паника и исплашени поради соочување со правдата и затоа сеат раздор.

СДС и ДУИ се немоќни и во агонија поради тоа што немаат поддршка за протести и токму затоа посегнаа по креирање на меѓуетнички тензии и обид за деескалација.

За разлика од минатото кога полицајци се удира во пајаци сега МВР одговори одлучно, брзо и професионално за сите кривично правни настани и прекршочни настани.

МВР во текот на вчерашниот ден реагираа во насока на приведување на учесниците и лицата кои го сквернавеа македонското државно знаме и предизвикаа инциденти.

ВМРО -ДПМНЕ ги осудува ваквите настани и апелира граѓаните да останат смирени и да ги игнорираат црните сценарија на поединци.

Нема да има милост кон никого секој оној кој ќе го прекрши законот и Уставот ќе одговара.

Владата предводена од ВМРО-ДПМНЕ останува посветена на заштита на стабилноста, безбедноста, заштита на државните симболи и достоинството на граѓаните.

Центар за комуникации на ВМРО-ДПМНЕ

Свет

Сириската армија привремено се повлекува од Алепо

Сириската армија денеска соопшти дека „привремено ги повлекува војниците“ од градот Алепо, со цел да се подготви за контраофанзива против „терористите“.

Во соопштението се посочува дека повлекувањето е дел од напорите за прегрупирање пред да пристигне засилувањето за да започне контраофанзива.

Според сириската армија изминатите денови во борбите со бунтовниците во Алепо и во Идлиб загинале и повредени се десетици војници.

Претходно Сириската опсерваторија за човекови права објави дека бунтовниците предводени од исламистичката милитантна група Хајат Тахрир ал-Шам (ХТЦ) и нивните сојузници зазеле поголем дел од Алепо.

Бунтовниците пред три дена извршија упад во десетина градови и села во северозападната провинција Алепо, која е под контрола на Владата на сирискиот претседател Башар ал Асад. Тие тврдат дека почнале офанзивата за „да ја одвратат агресијата“, обвинувајќи ја Владата и сојузничките милиции за ескалација на непријателствата.

Организацијата со седиште во Лондон, наведе дека од 27 ноември до денеска во борбите шпомеѓу владините сили и бунтовниците убиени се 277 луѓе, од кои над 20 биле цивили.

Македонија

И утре облачно време со повремени врнежи од дожд и снег

Управата за хидрометеоролошки работи соопшти дека и утре ќе се задржи облачно време со повремени врнежи од дожд и снег, а наместа во западните и јужните делови пообилни со над 30 l/m.

На планините и на повисоките места, претежно во западните делови врнежите ќе бидат од снег и дополнително ќе се зголеми снежната покривка. Ќе дува умерен до засилен северен ветер. Потоа до средината на следната седмица времето ќе биде стабилно со појава на магла по одделни котлини.

Македонија

Претседателот на Независниот синдикат на полицијата Ефремов со осуда за нападите

Претседателот на Независниот синдикат на полицијата Ефремов со осуда за нападите кон полициските службеници.

Претседателот на Независниот синдикат на полицијата Мартин Ефремов реагира на како што вели „јавниот линч на полициските службеници од страна на политичарите без разлика од каде доаѓа“.

- Секој полициски службеник ако згрешил треба да одговара, но за тоа во Министерството за внатрешни работи постои дисцплинска постапка преку која се утврдува одговорноста на полициските службеници. Ваквиот јавен линч на полициските службеници од страна на политичарите без разлика дали доаѓа од министерот или заменик министерот исто така е пречекорување на нивните овластувања и ставање над законите, колективните договори и постапките, посочува Ефремов.

Полициските службеници, вели тој, се тие што не заслужуваат секојдневно да бидат вмешувани во разни политички конотации за своето постапување или не постапување.

-Вие сте тие што треба да бидете политичкиот штит на нападите кои доаѓаат кон нас и да не дозволувате политиката да се меша во полицијата. Полициските службеници сакаат да слушнат кога ќе добијат повисоки плати во процент како вашиот, кога ќе бидат набавени нова униформа и возила согласно правилниците и до кога ќе бидат последни во државата за привилегии, а први за осуда и критика, пишува Ефремов.