Свет

Турција влезе во рецесија

Турција влезе во рецесија во третиот квартал, покажаа денеска податоците на Заводот за статистика, при што потрошувачката на граѓаните е потисната под притисокот на високата инфлација и трошоците за задолжување.

Во периодот од јули до септември, економската активност е намалена на тримесечно ниво, според сезонски и календарски прилагодени податоци, за 0,2 отсто, како и во претходните три месеци, утврди Заводот за статистика.

Тоа значи дека Турција е во рецесија, што технички се дефинира како пад на активноста два квартали по ред. На годишна основа, економијата во третиот квартал пораснала за 2,1 отсто, по ревидираниот раст од 2,4 отсто во претходните три месеци.

Податоците покажуваат послаба побарувачка, особено за услуги, под притисок на високите каматни стапки. Централната банка започна циклус на затегнување на монетарната политика минатиот јуни, зголемувајќи ги каматните стапки од 8,5 на сегашните 50 отсто за да ја спречи високата инфлација. Во октомври цените пораснале за 48,58 отсто на годишна основа.

Градежништвото и финансиските услуги ја поддржаа економијата во летниот квартал, покажуваат податоците на заводот за статистика.

Турската економија во изминатите години порасна меѓу четири и пет отсто, но оваа година растот е забавен. Министерот за финансии Мехмет Шимшек денеска изјави дека растот повторно ќе се забрза во втората половина на следната година.

Исто така, централната банка денеска соопшти дека високите трошоци за задолжување ја „балансирале“ домашната побарувачка.

Свет

Црквата Нотр Дам е отворена по страшниот пожар, реставрацијата чинела 700 милиони (ВИДЕО)

Реставрираната катедрала Нотр Дам во Париз беше отворена денеска, пет години по катастрофалниот пожар што ја опустоши оваа историска зграда.

Отворањето на катедралата беше емитувано во живо на телевизија, а беше извршено во присуство на Емануел Макрон, претседателот на Франција.

Бисерот на готската архитектура е детално реновиран, нудејќи им на посетителите обновен ентериер, објави Би-Би-Си.

„Дрвата за покривната конструкција доаѓаат од цела Франција, а дел од нив доаѓаат од донации“, рече Макрон.

Претседателот на Франција беше придружуван од сопругата Брижит, како и парискиот надбискуп Лоран Улрих. Официјалното отворање на катедралата е закажано за седми декември, а првата молитва ќе се одржи следниот ден.

Реставрацијата на катедралата чинеше 700 милиони евра. Макрон одржа и говор на благодарност до околу 1.300 занаетчии, работници и експерти кои работеа на нејзиното реновирање. Реновираната внатрешност на катедралата била чувана во тајност за време на реновирањето.

Пожарот во Нотр Дам избувна на 15 април 2019 година, додека се работеше на реконструкција на нејзината надворешност. Последната реконструкција на катедралата била извршена во 50-тите години на минатиот век.

Катастрофалниот пожар уништил поголем дел од внатрешноста на катедралата, а еден од спасените симболи е статуата на Богородица со дете.

Свет

Кинески новинар е осуден на седум години поради шпионажа, контактирал со амбасадори

Судот во Пекинг денеска го осуди новинарот на кинеските државни медиуми Донг Џуџу на седум години затвор за шпионажа, изјави член на неговото семејство за Ројтерс.

Поранешниот уредник на списанието „Гуангминг дејли“ Донг Џуџу (62) бил приведен од полицијата во Пекинг во февруари 2022 година додека бил на ручек со јапонски дипломат, се вели во соопштението на Националниот прес-клуб на Соединетите Американски Држави, а подоцна е обвинет за шпионажа.

За време на судењето, најмалку седум полициски автомобили бile паркирани пред судот во Пекинг, а новинарите на Ројтерс биле замолени да ја напуштат областа, додека американски дипломат изјавил за агенцијата дека му било забрането да присуствува на сослушувањето на Донг Џуџу.

Донг Џуџу е задржан во затвор во Пекинг и чекал судење по претресот зад затворени врати во јули 2023 година.

Јапонскиот дипломат со кој бил на ручек кога бил уапсен, исто така бил приведен и неколку часа задржан во полиција, што предизвика силни поплаки од јапонското Министерство за надворешни работи.

Во тоа време, портпаролот на кинеското Министерство за надворешни работи изјави дека јапонскиот дипломат учествувал во активности „неусогласени со неговиот капацитет“ во Кина, а јапонскиот дипломат подоцна бил ослободен од притвор.

Осудениот кинески новинар бил визитинг професор на Универзитетот Кеио и Универзитетот Хокаидо во Јапонија, а според изјавата на семејството во април 2023 година, во 1987 година се приклучил на „Дејли Гуангминг“, кој е поврзан со Кинеската комунистичка партија.

Негово ослободување побарале повеќе невладини организации за слобода на медиумите, а онлајн петицијата за ослободување е потпишана од повеќе од 700 новинари, академици и членови на невладини организации.

Шоу биз

Бен Афлек не може без Џенифер Гарнер- на Денот на благодарноста ѝ се врати на екс сопругата

Бен Афлек, кој наскоро ќе се разведе, го помина овогодинешниот Ден на благодарноста во весело опкружување со поранешната сопруга Џенифер Гарнер и нивните деца, што изненади многумина кои беа навикнати да го гледаат во различни ситуации.

Иако во последните месеци беше во центарот на вниманието поради турбулентниот развод со Џенифер Лопез, овој Ден на благодарноста донесе нова динамика во неговиот живот, кој се чини дека полека се стабилизира.

Откако деталите за неговиот развод со Џеј Ло станаа познати во август 2024 година, Бен Афлек често беше виден во медиумите во емотивно тешки моменти. Сликите кои кружеа на социјалните мрежи го прикажуваа во опуштени, но и загрижени ситуации - неизбричен, со цигара во уста и често во замислена состојба. Сепак, неговата средба со Џенифер Гарнер на Денот на благодарноста покажува дека животот и понатаму е полн со позитивни моменти и покрај сите неизвесности.

Имено, Бен овогодинешниот одмор го поминал со поранешната сопруга во Лос Анџелес, каде заедно со нивните деца – Вајолет (18), Фина (15) и Семјуел (12) учествувале во хуманитарна акција. Заедно со волонтери подготвиле оброк за 2.000 бездомници, што стана традиционален собир за семејството.

На фотографиите кои ги објави „The Post“ се гледаат Бен и Џенифер во опуштена атмосфера, насмеани и заедно работат за оваа благородна кауза.

Афлек и Гарнер носеа соодветни престилки додека им помагаа на волонтерите, а моментот кога Бен беше фатен како ѝ шепоти нешто на уво на Џенифер изненади многумина. Иако поминаа години откако официјално се разделија, оваа средба покажува дека тие се уште имаат длабока почит еден кон друг.

Афлек, кој моментално е на пауза од снимања, го искористи празничниот период да помине квалитетно време со своите деца и поранешната сопруга. Според извори блиски до актерот, Џенифер Гарнер е личноста која отсекогаш била негова најголема поддршка, особено кога минувал низ тешки периоди во животот. За него таа останува „најважната жена на светот“, со оглед на сето она низ кое поминале заедно.

Иако Бен помина низ тежок развод од Џенифер Лопез, се чини дека сега е на пат кон внатрешниот мир и стабилност. Откако повторно ја обновиле врската во април 2021 година, нивната љубов, за жал, не траеше ниту две години. Лопез поднесе барање за развод во август 2024 година, а според изворите, парот сè уште не се договорил за поделба на имотот, што значи дека нивниот развод сè уште не е конечен.

Џенифер Лопез овој Ден на благодарноста го помина во интимна атмосфера, во друштво на своите пријатели. Додека Бен и Џенифер Гарнер се концентрираа на семејните и хуманитарните напори, Лопез реши да го прослави празникот во поинаква средина, но извори блиски до парот велат дека се надеваат дека иако нивниот брак завршил, ќе можат да останат во пријателски односи.

Врската на Афлек со Џенифер Гарнер, иако помина низ турбулентни периоди, сепак е еден од стабилните столбови во неговиот живот. Со оглед на тоа што Денот на благодарноста го помина со неа и децата, јасно е дека постигнал мир, барем кога е во прашање односот со поранешната сопруга, додека остатокот од неговиот живот ќе биде фокусиран на решавање на уште неколку проблеми со Лопез.

притисни ентер