Вели не знае кој може да даде такви гаранции, ако се има предвид, како што рече катастрофалната преговарачка рамка во која веќе се инкорпорирани билатерални прашања. Мицкоски потенцира дека црвените линии за уставни измени со одложено дејство им се познати на европските партнери, а ако некој во Брисел планира да биде заложник на политичари од средниот век, тогаш ќе се чека да се создадат услови за разговор во кој ќе се цени принципот на дела, а не на билатерализација.

-Не знам кој е тој што ќе даде гаранции дека ќе нема блокади со билатерални договори во преговарачката рамка. Единсвената гаранција која ние ја дадовме е претставена пред нашите партнери и тоа е максимум што можеме да направиме. Спремни сме да разговараме со секого, ако тие не се спремни, ќе чекаме кога ќе бидат спремни, изјави Христијан Мицкоски, претседател на владата.

За поранешниот амбасадор Ѓорѓи Филипов дипломатските сигнали од Брисел за некакви гаранции се позитивен импулс, но вели во дипломатијата никогаш не можете да бидете сигурни, особено кога се знае цврстиот став на Софија, искажан од сите бугарски официјални претставници години наназад.

-Во политиката често тоа не е возможно бидејќи еднаш добиен став си се чува. Никогаш не можеме да бидеме сигурни 100 % дека нешто е сигурно. И нагли промени на состојбата во Украина или со светот можат да извршат несакан притисок и врз Бугарија и врз ЕК да се чујат работи што ги посакуваме. Но, да се чека Бугарија само да се смени состојбата, таму може да има избори за една, три години, и не може да биде единствена варијабла на која ќе ја засноваме нашата надворешна политика, изјави Ѓорѓи Филипов, поранешен амбасадор.

Премиерот Мицкоски во вторник патува за Брисел, каде ќе има билатерална средба со новиот претседател на Европскиот Совет, Антонио Кошта. Долгогодишниот португалски премиер денеска имаше примопредавање на должноста со Шарл Мишел, а функцијата ќе ја преземе на 1 декември. Тој лани како премиер беше во посета на Скопје, кога порача дека Лисабон ја поддржува Македонија на европскиот пат.

Германскиот канцелар Олаф Шолц денеска го увери украинскиот претседател Володимир Зеленски во дополнителна германска воена помош, во нивниот прв телефонски разговор откако германскиот канцелар неодамна разговараше со рускиот претседател Владимир Путин.

-Германскиот канцелар ја потврди непрекината и континуирана солидарност со Украина и гарантираше дека ќе продолжи германската воена помош за Украина, во координација со европските и меѓународните партнери, изјави владиниот портпарол Штефен Хебестрајт.

Зеленски, како што беше соопштено, му се заблагодарил на Шолц за воената помош, особено во однос на противвоздушната одбрана.

Двајцата лидери изјавиле дека ќе продолжат со „конструктивната размена на идеи, исто така со поглед на можните патишта кон праведен мир во Украина“.

Ова е првиот официјален разговор меѓу Шолц и Зеленски откако германскиот канцелар пред две недели телефонски разговараше со рускиот претседател Владимир Путин.

Зеленски потоа го критикуваше разговорот со Путин изјавувајќи дека тој ја отвори „Пандорината кутија“ што ги поткопа напорите да се изолира Путин и да се заврши војната во Украина со „праведен мир“.

Шолц го бранеше разговорот со Путин, нивната прва директна комуникација по речиси две години, објаснувајќи дека едночасовниот разговор со рускиот челик е неопходен за да се потврди од прва рака дека Германија нема да се поколеба во помошта за Украина.

7 години со ДУИ молчеа на сите провокации, дивеења и ортачки крадеа, а денес ставија знаме на Македонија чие име го сменија.

Ја опљачкаа државата, ги уништија институциите, во модуларната болница под раководство на нивниот лидер Венко Филипче заради наместен тендер изгореа луѓе, уништија се што можеа да уништат. И сега знамиња ставаат. Народот гледа и се му е јасно. За овие лицемери потребна е одговорност пред законот, така само знамето кое го поставуваат ќе ја има вистинската смисла на функционална држава и симбол за држава. Се уште не е до крај јасно дали зад ова стои дилот меѓу СДС и ДУИ направен меѓу претставници на подземјето од двете партии за координирани провокации. Но ќе се испитува се и нема да има милост кон вклучените. Нема да биде како времињата кога СДС ја продаде државата и знамето, кое сега го објавуваат за неколку тендери во дил со ДУИ, се наведува во партиското соопштение.