ДУИ и помага на ВМРО-ДПМНЕ, нивната коалиција е поставена на многу добри односи, вели координаторот на пратеничката група на СДСМ Оливер Спасовски. Во интервју за Радио слободна Европа тој тврди дека нема да е изненаден интегративците наскоро да влезат и во Владата. Според него поврзаноста на двете партии се забележува во нивните потези во Собранието, а како пример ја наведува поддршката на ДУИ за Законот за органзација на органите на државната управа и Законот за локална самоуправа.

На тврдењата на Спасовски од ВМРО ДПМНЕ одговорија дека ДУИ според нив ќе остатане во опозиција заедно со СДСМ.

Во меѓувреме од Коалицијата „ВРЕДИ“ во Македонската филхармонија одбележаа 100 дена од учеството во Владата. Во изјава за медиумите вицепремиерот Изет Меџити кажа дека во изминатиот период тие се соочувале со како што вели дестриктувна опозицја која секојдневно критикувала без аргументи со цел дестабилизација и дефокус за да се спасат од одговорност. Но и покрај нападите од опозицијата тој вели дека изминаитите три месеци работеле во интерес на граѓаните.

„ Во овие сто дена имаше ротација на политичката власт, но интензивно се работи на спорните предмети со кои после веќе се бават судстовото и обвинителството и оставаме тие да го кажат последниот збор, зошто ние не сме за реваншизам ниту за моноетнички ниту за попоулистички политики. Туку тие штои го згрешиле законот треба да одгоовараат. И сите овие обиди за дестабилизација и дефокус се само обид да се спасат од одговорноста која ги чека.“

Во меѓувреме од ДУИ излегоа со соопштение во кое велат дека во изминатите 100 дена од ВРЕДИ, предизвикале непријателства со соседите и ја одалечиле земјава од интеграцијата во Европската унија.

Експресното одбивање на понудената медијација од унгарскиот премиер Виктор Орбан од страна на официјална Софија, според ВМРО-ДПМНЕ е уште еден доказ дека Бугарија не сака решение на спорот меѓу двете земји , туку дека бара начин за негово продалобчување.

„ Тоа е доказ дека Бугарија не бара решение, туку само начин како да го продлабочи јазот и оправдување за неоснованите блокади. Од македонска страна за првпат по седум години имаме партија на власт и влада која ги брани државните интереси, а не како СДС и ДУИ кои не бираа начин да направат штета на истите, само за да можат да прават криминал, велат од ВМРО-ДПМНЕ за Канал 5. “

Официјална Софија уште пред да слушне што нуди унгарскиот премиер ја отфрли неговата понуда за посредшнитво меѓу двете земји со обраложение дека на Бугарија не и требаат посредници во процесот и дека договорот со Македонија бил јасен.

Во меѓувреме продолжуваат и меѓусебните обвинуввања помеѓу двете најголеми партии од власта и опозицијата за раздвојувањето на Македонија од Албанија на патот кон ЕУ. Од ВМРО-ДПМНЕ обвинуваат дека Македонија е одвоена од Албанија поради тоа што СДСМ ја потанале државата во криминал. Од СДСМ возвраќаат дека раздвојувањето на Тирана и Скопје на евроинтегративниот пат е резултат на штетното и недржавничко однесување на ВМРО-ДПМНЕ.

„ Мицкоски и ВМРО-ДПМНЕ се најдиректно одговорни за тоа што веќе немаме европска перпспектива. Сега, после државниот дебакл што и го приредија на земјата, по раздвојувањето на Албанија од Македонија ВМРО-ДПМНЕ се обидува да ги прави граѓаните жртви на своите политички игри, наведуваат од СДСМ.“

Албанија на 15 октомври ќе го отвори првиот кластер од преговорите со ЕУ, со што и официјално се одвојува од Македонија. Ваквата одлука едногалсно ја донесоа амбасадорите на државите членки на ЕУ на 25 септември. Премиерот Мицкоски одлуката на Брисел ја оцени како многу погрешна порака кон македонските грааѓани, но и покрај тоа проача дека Македонија не се откажува од евроинтеграциите и дека Владата и понатаму ќе остане посветена на внатрешните реформи.

Врз основа на добиено известување од струмичкото јавно претпријатие ,,Комуналец,, и од Центарот за јавно здравје – Струмица, дека по извршените лабораториски тестирања утврдено е дека водата во струмичкиот водоснабдителен систем не е безбедна за употреба поради утврдено зголемено присуство на манган и колиформни бактерии, инспектор за храна на Агенцијата за храна и ветеринарство ( АХВ) донесе решение со кое ја забрани за употреба водата од овој водоснабдителен систем.

На јавното претпријатие, наложено му е да го информира месното население да не ја користи за пиење водата од градскиот водовод, односно, да обезбеди питка вода за граѓаните, се до обезбедеување на безбедна вода во градскиот водоснабдителен систем.

Агенција за храна и ветеринарство