Други спортови

Ричлиев: На дофат ни е дванаесеттата титула

Екипата на Струмица првата етапа од годинашното првенство во елитното одбојкарско натпреварување ја заврши со максимален учинок - 12 победи и со само два изгубени сетови.

Екипата на Струмица првата етапа од годинашното првенство во елитното одбојкарско натпреварување ја заврши со максимален учинок - 12 победи и со само два изгубени сетови и цврсто ја чува лидерската позиција.

- Како и минатите сезони и оваа на дофат ни е титулата, дванаесетта досега. Одигравме со максимален резултат и против сите противници забележавме победи. Единствено против Работнички и Штип УГД загубивме по еден сет. Мене ме радува што покрај успесите на сениорскиот тим сите екипи од младинскиот погон се, исто така, првопласирани во своите групи и се надевам дека таму ќе останат до крајот од оваа сезона, вели тренерот Кирил Ричлиев.

Додава дека имаат на располагање многу млади талентирани одбојкари и очекува многу бргу тие да ги заменат искусните и докажани првотимци и репрезентативци.

Според стратегот на шампионот, годинава со настапите во европските клубски натпреварувања собрале доволно искуство, иако малку недостасувало да изборат пласман во наредните натпревари.

- Во Лигата на шампионите немавме среќа. Во првото коло ни се падна најсилната екипа, грчкиот Олимпијакос, кој сега настапува во групната фаза на најсилното европско одбојкарско натпреварување. Продолживме во Купот на ЦЕВ со унгарскиот Капошвар каде по победата на домашен терен на гостувањето бевме поразени благодарение на засилувањата кои ги донесе унгарската екипа. Во домашното првенство имаме одличен скор и морам да потенцирам дека игравме исклучиво со домашни играчи, смета Ричлиев.

Инаку, во најквалитетното домашно одбојкарско првенство, освен Струмица од овој регион настапуваат и екипите на Македонија Џио од Струмица и Сушево од истоименото село во општина Василево.

Забава

Нов бокс меч Усик – Фјури, боксерите ќе поделат фантастични 182 милиони евра

Најдобрите светски боксери во тешка категорија Украинецот Олександр Усик и Тајсон Фјури вечерва во Ријад ќе се борат за три од четирите главни светски шампионски појаси.

Во првиот меч Украинецот по судиска одлука го совлада Британецот и стана апсолутен светски шампион. Во меѓувреме ја загуби титулата на ИБФ поради посебни правила на организацијата, па тој појас нема да го добие победникот од оваа борба.

Покрај за престиж во рингот боксерите вечерва ќе се борат ои за милиони евра.

Ривалите ќе поделат награда од 182 милиони евра, објави „Индепендент“. Тоа значи дека наградниот фонд е за 40 милиони евра поголем од нивната прва борба. Договорот тогаш беше Фјури да добие повеќе од 95 милиони евра, а остатокот му припадна на Усик.

Усик овој пат ќе добие поголем дел од „колачот“, но на Фјури поважно му е да ја врати почитта и загубените титули.

Усик во мечот влегува со 102,5 килограми, додека Фјури тежи дури 25 килограми. Фјури со 127,5 килограми ќе влезе во оваа борба најтешка досега. Досега неговиот рекорд беше 125 килограми, во борба со Френсис Нгану. Фјури најави такво нешто бидејќи истакна дека на првиот меч, кој Усик го доби, тактиката му била погрешна. Фјури во таа борба влезе со 119 килограми. Сега најави дека ќе го „бомбардира“ Украинецот со тешки удари од стартот во мечот за титулите во тешка категорија на ВБА, ВБО и ИБО.

Македонија

Сообраќајот се одвива тековно во зимски услови, наместа со остаоци од кашест снег

Сообраќајот на државните патишта се одвива тековно во зимски услови по влажни коловози додека наместа и со остатоци од кашест снег на коловозот. Интензитетот на сообраќај на патните правци надвор од градските средини е умерен.

На граничните премини од македонска страна нема подолги задржувања за влез и излез од државата, информираат од АМСМ.

Од АМСМ потсетуваат дека од 15.11.2024 година започна законската обврска за задолжително поседување на зимска опрема во возилата, без оглед на моменталната временска состојба и оваа обврска ќе трае до 15.03.2025 година.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Македонија

Тошковски за Денот на настава на турски јазик: Македонскиот и турскиот народ се блиски народи

Македонскиот и турскиот народ се два блиски народи кои соработуваат и се почитуваат на сите полиња

Министерот за внатрешни работи Панче Тошковски денеска се обрати на свечената манифестација по повод 21 Декември - Ден на наставата на турски јазик во организација на Сојузот на турски невладини организации во Македонија, на која присуствуваше и претседателот на Големото народно собрание на Република Турција Нуман Куртулмуш.

Тошковски, како што информираат од МВР, во своето обраќање истакнал дека во богатиот спектар на ова наше македонско тло, на нашата убава Македонија, турската етничка заедница претставува врзовно ткиво, длабоко фундирано во културниот, историскиот и општествен развој на нашата држава.

-Таа позиција изградена со силната лојалност и добронамерност, со солидарност и уважување на сограѓаните, заслужува највисок можен респект. Македонскиот и турскиот народ се два блиски народи кои соработуваат и се почитуваат на сите полиња, од културно до технолошко. Оттаму, денешното наше заедничко чествување на Денот на настава на турски јазик, треба да се сфати како одбележување на датум што ја надминува сопствената симболика, како празник кој што безрезервно го заслужува пиететот, почитта и искреното уважување од сите наши граѓани, подвлече Тоошковски.