Македонија

Пренџов: СДС и ДУИ-инг бизнис да се произнесат за последните индиции во РЕК Битола

СДС и ДУИ-инг бизнис да се произнесат за последните индиции во РЕК Битола, каде наместо за копање ресурси за производство на струја, сериозни пари се инвестирале за нивно закопување.

Господине Битиќи го гледам амандманот пред мене, изработка на Студија за воведување на водород во производството, да се модернизира, да нема јаглероден диоксид- тоа се’ вака убаво кога би дошло од некој човек којшто навистина го мисли тоа. Ама господине Битиќи, не сакам да ме сфатите погрешно, кога доаѓа од поранешен, до вчерашен, до пред неколку месеци втор човек во државата за координација на економските ресори, а енергетиката и тоа како е многу важен и значаен економкси ресор, според мене е невкусно, вели пратеникот од ВМРО-ДПМНЕ, Љупчо Пренџов говорејќи по поднесените амандмани на денешната Комисија за финансирање и буџет.

Според него пред да се разговара на овие теми е подобро СДС да се произнесе за последните индиции во РЕК Битола додека беа на власт, каде инвестирале сериозни пари, не за откопување на ресурси за производство на електрична енергија, туку во закопување на ресурси на електрична енергија кои не можат да се пронајдат.

„Од холдингот ДУИ-инг бизнис и од СДС, сте се договориле да едни раководат со РЕК Битола, со Електрани на Македонија, а другите да раководат со набавка и трансфер на јаглен. И сега вие сте биле вице-премиер за координација на економски ресори во влада во која што договорт за тоа колку чини јагленот, колку чини транспортот е државна тајна или деловна тајна. Договорот не беше класифициран и даночните обврзници на оваа држава не можеа да видат колку чини тој договор. А вие кои сега зборувате за водород и за 22 век сте биле подпретседател на таа влада“, концизен е Пренџов, сооштуваат од ВМРО-ДПМНЕ.

Свет

Полицијата пронајде три исчезнати деца- две години биле во рацете на озлогласена секта

Три деца кои мистериозно исчезнаа пред повеќе од две години се пронајдени живи во мало пустинско гратче во близина на границата меѓу американските сојузни држави Аризона и Јута.

Децата исчезнале во октомври 2022 година од нивниот дом во округот Бивер, Јута, предизвикувајќи двегодишна потрага која конечно имаше среќен крај, објави Дејли Меил.

Дојавата која локалната полиција ја добила на крајот на август ја предупредила за евентуалното место на живеење на децата. Тогаш полицијата верувала дека таткото на децата можеби „го организирал нивното исчезнување и последователно криење“.

Исчезнатите деца се пронајдени во куќата на нивната баба во Фредонија, Аризона, мало пустинско гратче кое се наоѓа на 5 милји од границата Аризона-Јута.

По понатамошната истрага, полицијата на Фредонија открила дека децата биле намерно скриени од остатокот од светот, бидејќи одредени членови на семејството сакале да го сокријат нивното место на живеење.

Бабата и тетката на неименуваните деца се уапсени под сомнение дека се вмешани во нивното исчезнување во 2022 година, додека нивниот татко е на слобода.

Се смета дека децата живееле со членови на конзервативната црква на Исус Христос на светиите од подоцнежните дни, религиозно движење кое често се споредува со култ поради неговата вмешаност во разни незаконски активности, вклучувајќи детски бракови, напуштање деца, сексуални напади и трговија со луѓе. Во светот се познати под името Мормони.

Во соопштението за печатот издадено од полицијата се вели дека заедничките напори меѓу агенциите за спроведување на законот во Аризона и Јута успеале да ги ослободат децата на 1 септември. Оттогаш децата се со мајка им.

- Полициската управа на Фредонија им се заблагодарува на сите што помогнаа. Децата од денеска се безбедни и со нивната мајка, а истрагата продолжува - се наведува во соопштението.

Необичниот град во северна Аризона, познат како порта кон северниот раб на Големиот Кањон, има само 1.203 жители, според Бирото за попис на САД.

Шоу биз

Анџелина Џоли се расплака во интервју за новиот филм: Толкав е фокусот на бизнисот (ВИДЕО)

Актерката Анџелина Џоли ита кон својот втор Оскар и се чини дека по втор пат по 2000 година и „ Girl, interrupted“, ќе ја донесе оваа актерска награда дома, играјќи во филмот „Марија“, која ја толкува оперската дива Марија Калас.

- Слушнав дека оваа жена никогаш не ја слушала својата музика, туку за прв пат пуштала плочи во последната недела од животот, кога била сосема сама. Ги слушав нејзините интервјуа, оние кога беше помлада и полна со живот, знаеш кога те испрашуваат со часови за твојот потенцијал и техника, и последното кое воопшто не беше пријатно, каде новинарот не ѝ даваше поддршка, туку прашуваше само за озборувања. Постојано ги гледав туѓите толкувања за ова човечко суштество, ја гледав како длабоко, емпатично суштество.“

Велат дека Марија во деловниот живот го постигнала она што никогаш не можела во приватниот живот - восхит и стабилност, но дека наместо љубовта на многумина, ја сакала љубовта на неколкумина, пред сѐ нејзината мајка и нејзиниот прв сопруг, објави Гео.

-Никогаш досега не сум играла изведувач, но она што таа го направи за мене, ќе се обидам да не бидам емотивна, знаете поради нашата работа може да го изгубиме значењето, да се запрашаме „зошто го правиме ова?“. И тоа што сум креативен човек, ја разменував таа енергија со другите луѓе, со публиката, тоа ми беше целта, причината зошто е убаво да се биде уметник. Има толку многу фокус на деловната страна, што е кој, кој што прави, па ме натера да се сетам колку сакам да бидам уметник“ - низ солзи рече Џоли.

@etalkctv Angelina Jolie sat down with us to explain how she was able to connect to Maria Callas’s story when playing her in Netflix’s ‘Maria’. 🎬 #AngelinaJolie #MariaCallas #MariaMovie #Netflix #Interview #Hollywood ♬ original sound - etalk

Свет

Победата на Трамп му го зголеми богатството на Маск- го собори сопствениот рекорд

Нето богатството на американскиот милијардер Илон Маск вчера достигна рекордни 347,8 милијарди долари.

Нето богатството на американскиот милијардер Илон Маск вчера достигна рекордни 347,8 милијарди долари, поттикната од континуираниот раст на акциите на Tesla и новата рунда на финансирање откако неговиот стартап со вештачка интелигенција xAI беше проценет на 50 милијарди долари, пишува Bloomberg.

Бројните компании на Маск забележаа пораст на нивната вредност откако изборната победа на Доналд Трамп го катапултираше во политичкото внимание.

Американската новинска агенција додаде дека акциите на Тесла вчера пораснале за 3,8 отсто, продолжувајќи да го поттикнува оптимизмот дека плановите на тимот на Трамп за автономни возила и субвенции за електрични возила ќе ѝ дадат предност на компанијата на Маск пред конкуренцијата.

Маск, најбогатиот човек на светот, сега го собори сопствениот рекорд од 340,4 милијарди долари поставен во ноември 2021 година, според индексот на милијардери на Блумберг.

притисни ентер