Живот

Почна големиот лов на богатство во САД - бизнисмен сокрил 2 милиони на пет локации (ВИДЕО)

Џон Колинс-Блек со години кога бил помлад сонувал да најде богатство, а денес тој е оној кој низ САД сокрил пет кутии со богатство вредни два милиони долари и сака луѓето да ги најдат.

Колинс-Блек, музичар кој стана претприемач во Калифорнија, изјави за Business Insider дека заработил значителна сума пари од раните инвестиции во биткоин. За време на пандемијата на коронавирус, тој започнал проект за собирање богатство за да го скрие и да ги испрати луѓето во потрага, надевајќи се дека ќе уживаат во авантурата.

Колинс-Блек откри дека сокрил пет ковчези - една голема кутија и четири помали - низ Америка. Тој рече дека ниту една од кутиите не била закопана или ставена на приватен имот, а пронаоѓањето на кутиите не барало опасни напори.

Тој ги запишал сите потребни индиции за да ги пронајде кутиите со богатство во книгата наречена „Внатре има богатство“. Колинс-Блек изјави дека пронаоѓањето на индициите ќе бара внимателна анализа на текстот и отворен, но остар ум.

Тој во последните пет години собира богатства, главно на аукции и од трговци со антиквитети. Меѓу предметите се „Casascius bitcoin“ (првиот физички биткоин некогаш создаден), зелен колумбиски смарагд, картичка „Shining Charizard“ Pokemon од 2002 година, антиквитети од бродолом и чаша на Џорџ Вашингтон. „Бизнис инсајдер“ ги прегледале потврдите за набавките на аукција.

Колинс-Блек рече дека има „флексибилен буџет“ за вредноста на богатството. Врз основа на цените што ги платил на аукциите, тој проценува дека вкупната вредност на богатството моментално се движи меѓу 2 и 3 милиони долари. Сепак, вредноста на ковчезите може да варира поради флуктуирачки ставки како Биткоин.

„Се обидував да ја измерам вистинската големина -- колку треба да биде ова без да биде преголемо. Не сакав луѓето да полудат“, рече Колинс.

Сите кутии со богатство се исто така мистериозни кутии, рече Колинс-Блек, но тие содржат упатства за нивно отворање, така што пронаоѓачите нема да мора да ги уништат.

Само тој знае каде се кутиите, па сослушувањето на членовите на неговото семејство или издавачот нема да помогне. Сем ги поставил кутиите низ целата земја, поминувајќи повеќе од сто километри за време на неговите патувања.

„Ако биткоинот достигне 500.000 долари или 1 милион долари или ова богатство вреди 10 милиони долари за пет до седум години, мислам дека ќе славам и ќе бидам среќен поради тоа“, додаде тој и продолжи:

„Дефинитивно имаше неколку предмети каде што луѓето ми рекоа: „Дали си сигурен дека сакаш да го ставиш тоа во богатството?“. Но, на крајот на денот, мислам дека ќе бидам возбуден за секој што ќе го најде тоа."

Колинс-Блек не издвоил омилен предмет од колекцијата, но рече дека има посебна наклонетост кон смарагдот, за кој тврди дека е „прекрасна работа за гледање“.

Ловот на богатство отсекогаш ги фасцинирал луѓето - можете дури и да преземете апликација за „geocaching“ за да го користите вашиот GPS уред за да пребарувате за вистински скриени предмети.

Во 2010 година, колекционерот на уметнички дела Форест Фен сокрил багажник исполнет со злато, накит и други вредни предмети во Карпестите Планини, а Колинс-Блек тргнал да го пронајде. Тој не успеа во својот лов. По десетгодишна потрага, ковчегот на Фен конечно бил пронајден во 2020 година.

Иако Колинс-Блек направил сѐ за да ги скрие кутиите, тој не сака овие мистерии да го надживеат. За осум или десет години тој може да објави дополнителни индиции.

„Немам желба да бидам одамна мртов, а легендата за богатството на Џон Колинс-Блек да остане. Не сакам ова да трае вечно“.

Македонија

Се санираат последиците во невремето во Битола, Штип и Охрид – ветрот дувал со над 100км/час

Службите во Битола, Охрид и Штип и денеска ги расчитуваат последиците од силниот ветер што вчера зафати поголем дел од државава и одвеа покриви, сруши огради и откорна дрвја.

Најмногу последици има во Битола каде што дувал силен ветар со над 60 километри на час. Нема информации за повредени, но направена е материјална штета.

Ветрот откорна покрив од зграда кој падна врз автомобил на улицата „Леринска“, а урна и ограда на градежен плац во старата битолска касарна.

Градоначалникот Тони Коњановски кој ги посети локациите, информираше дека екипите на локалните јавни претпријатија и пожарникарите ќе извршат санација на местата каде е предизвикана штета.

Од УХМР информираа дека ветерот најсилно дувал во Штип, со брзина од над 100 километри на час.... Засилен ветер очекуваат и денеска, особено долж Повардарието..

Македонија

Приватните превозници од понеделник се вклучуваат во сообраќај, бараат договор со Град Скопје

Од саемот во Белград, премиерот Христијан Мицкоски синоќа најави дека Владата ја разледува можноста за набавка на 100 до 120 електрични автобуси кои освен за Скопје, би биле распределени и во други градови во земјава во кои има јавен градски превоз.

Од понеделник и приватните превозници се враќаат на скопските улици. Наместо само во попладневните часови како што веќе подолг временски период сообраќаат, се враќаат од утринските, но не во полн капацитет туку како што велат само оние превозници кои имаат финансиски можности. Кажаа дека се охрабриле најмногу поради револтот кај граѓаните, но и од предлогот на градоначалничката Арсовска за зголемување на цената на изминат километар, нешто што го бараат подолг период.. Бараат и да бидат плаќани преку градот, наместо како досега од ЈСП од каде нагласија дека им должат околу 650 илјади евра.

„Треба да не разберете, ситуацијата е таква, условите се такви затоа ги молиме советниците да излезат во пресрет заеднички да најдеме решение за нашиот проблем ние имаме како што знаете и 200 автобуси можеме да го покриеме недостатокот на автобуси кај ЈСП и целата оваа криза ќе заврши брзо.“

„Битни се граѓаните, да го опслужиме јавниот интерес, да ни се покачи цената и на плата да се смени да не бидеме плаќани преку ЈСП туку да бидеме плаќани директно од градот, пошто ние сега чекаме пари од нив а знаеме какво претпријатие е ЈСП и знаете ние како ги добиваме парите, на рати и не можеме да фукционираме.“

Проблемот со јавниот градски превоз владта размилсува да го реши со набавка на стотина електрични автобуси– најави премиерот Христијан Мицкоски. Најголемиот дел од нив ќе бидат наменети за главниот град, а останатите за оние општини каде има организиран јавен градски превоз..

“Анализираме се уште каква е расположливата моќ на буџетот за набавка на помеѓу 100 и 120 електрични автобуси заедно со полначи 50-ина, коишто ќе бидат распределени не само во Скопје за ЈСП, туку и за оние општини каде што има организиран јавен градски превоз по пропорцијата 80:40 или можеби ќе биде 70:30.

Ние зборуваме за сериозен пристап и пристап којшто ќе значи прво намалување на емисијата на штетни гасови во атмосферата и во воздухот, а второ нешто кое што ќе биде одржливо на подолг рок..“

Колапсот со јавниот превоз во главниот град пред два дена беше надминат откако Владата одлучи да остапи 250 илјади литри гориво на ЈСП од државните резерви, за да се премости перидот додека се повтори тендерот за набвака што беше поништен. За хасот со јавниот превоз, вчера пред Град Скопје протестираа жителите на Шуто Оризари, учниците и студентите...

Македонија

Во Белград продолжува Саемот на вино: од Македонија учествуваат 80 винарски визби

Во Белград продолжува саемот на вино, што се организира во рамки на Отворен Балкан...

Во Белград се одржува вториот ден од Саемот на вино винска визија во рамки на Отворен балкан.На Саемот присутни се 80 винарии од Македонија, 6 изложувачи на храна, ресторан со 3 готвачи. Изложувачите се задоволни од Саемот, велат овој саем им ги отовра вратите за понатамошна соработка и пласман на нивните вина и на пазарите во регионот и пошироко.

Македонија има најмногу изложувачи оваа година а ваквиот тип на промоција и тоа како им помага на нашиот производители порача министерот за земјоделие Цветан Трифуновски. Македоинија е 22најголем производител на вино и 29 извозник на вино во светот .

Саемот и официјално се отвори вчера каде обраќања имаа македонскиот премиер Христијан Мицкоски, претседателот на Србија, Вучиќ и премиерот на Албанија Еди Рама, кои порачаа дека инцијативата Опен Балкан е платформа за поврзување на регионот со светот. Премиерот Мицкоски пред отворањето на Саемот имаше и тетатет средби со Вичиќ и Вучевиќ на кој се разговарало за подобрување на соработката во енергетиката, економијата и транспортната инфраструктура, како и за заедничките напори за справување со регионалните предизвици.

Вчера беше организиранаи Македонска вечер на која на која беа присутни голем број стопанственици бизнисмени дипломати, македонски и српски државници и голем број гости од регионт . Саемот завршува утре кога ќе биде и прогласено најдоброто вино.

притисни ентер