Хороскоп

Неделен хороскоп за 30.септември до 7.октомври 2024 година

Неделен хороскоп за периодот од понеделник, 30. септември до 7. октомври 2024 година. 

Вага 24.9.-23.10

Љубов

Саканата личност ќе зрачи многу повеќе од вас , па слободно препуштете и да ве води. Таа овие денови значително подобро ќе го осмисли вашето слободно време , отколку вас самите. Препуштете и се со доверба. Бидете како дете и уживајте во животот.

Кариера

Чекате други да дадат свое мислење за она што сте го сработиле со своите соработници. Тие ќе ве поддржат , а вие самите од себе ќе барате уште повеќе. Понекогаш вашите очекувања ќе бидат нереално високи. Бидете пореални и пољубезни.

Здравје

Внимавајте на квалитетот на исхраната.

Шкорпија 24.10-22.11.

Љубов

Оние кои се во врска ќе се трудат уште повеќе да го зацврстат односот со саканата личност. Ќе ,,поработат” уште некои мали правила што ќе бидат основа за постабилни критериуми во меѓусебните односи. Оние кои уште се сами , нема премногу да излегуваат , но ќе бидат добро.

Кариера

Веројатно ќе имате зголемен обем на обврски , но бидејќи нивниот карактер во најголем дел ви е интересен , нема да ви биде тешко да работите. Проблемот ќе биде во недостиг на енергија , па подгответе подобар план и штедете си ја силата.

Здравје

Расте вашиот интерес за грижа за здравјето . Наспијте се.

Стрелец 23.11.-21.12.

Љубов

Се наоѓате во интересен љубовен период , во кој нема да недостига страст, како ниту опуштеност во односите со личноста која ја сакате. Некои со задоволство ќе излегуваат со пријатели. Главно , малкумина се оние кои ќе бидат сами. И тие ќе излегуваат меѓу луѓе.

Кариера

Можеби се уште чекате одговори на некои прашања. Како што тие засега изостануваат , ќе мора да се снајдете со она што го знаете и имате. Тоа за вас нема да биде голем проблем , но ќе има такви кои и натаму ќе треба да ги обучувате.Помогнете им со своето знаење.

Здравје

Потпрете се на блиските за да се чувствувате пријатно.

Јарец 22.12.-20.1.

Љубов

Наредните денови ќе дојде до постепено подобрување на вашиот интимен живот. Луѓето повторно ќе станат поотворени кон вас и обратно. Многумина својата врска ќе ја обноват со излегување на некое убаво место. Осамените повторно ќе се разбудат и ќе излезат од дома.

Кариера

Можно е да излезе на виделина нешто што долго се очекувало. Тоа ќе предизвика нови поттици за вас и ќе ја придвижи работата во нова насока. Сите ќе се прилагодуваат. Вие ќе бидете личност од доверба. На некои ќе им бидете пример како треба да се работи.

Здравје

Ќе истражувате се околу себе.

Водолија 21.1.-19.2.

Љубов

Богатството кое сега го живеете ќе се рефлектира на вашите лични односи на различни начини. Можете да бегате, можете да истрпите , може иронично да се смеете. Вњеројатно вие ќе ги поминете сите такви реакции , а силата ќе ја црпите од љубовта и меѓусебната доверба.

Кариера

Ќе има уште некои мали борби чиј резултати ќе зависат од вашата способност за соработка со другите. Ќе треба малку трпение , а тоа ќе ве нервира.Од вас зависи како ќе се носите со барањата што ви се доставени.Бидете професионални.

Здравје

Не може ништо да се постигне со сила.

Риби 20.2.- 20.3.

Љубов

Убедливоста со која ќе зрачите ќе ги привлекува дури и оние на кои не им се допаѓате. Ако барате сродна душа и уште сте сами , потпрете се во целост на вашата самодоверба. Дури и ако на почетокот не оди се како подмачкано , работите ќе се развиваат во ваша корист.

Кариера

Конечно некои други ќе се придвижат. Информациите што веќе некое време ги очекувавте од нив , ќе стигнат. Тоа ќе расчисти некои дилеми во оперативното ниво на работата, па ќе почнете да работите полесно , појасно и ќе се знае што е чија задача.

Здравје

Некои ќе уживаат со пријателите.

Овен 21.3-20.4.

Љубов

Вашата потреба за сигурност ќе биде силна речиси целата оваа недела. Затоа многумина ќе се согласат и на компромиси. Сепак , во длабочината на душата ќе зачувате некои свои желби и нема да се откажете од нив. само нема да ги покажувате. Ќе имате верба во иднината.

Кариера

Следејќи го својот пат ќе дојдете до фаза кога треба да бидете на услуга на другите. Токму ваквата доблесна особина ќе дојде до израз овие денови и тоа најмногу зашто состојбата ќе се равие во таква насока. Ќе им помогнете на многумина околу себе.

Здравје

Ќе ви недостига енергија. Штедете се.

Бик 21.4- 20.5.

Љубов

Некои ќе заминат на пократко патување или на излет , што би можел да им остане во незаборавно сеќавање и убав спомен. Други ќе дочекуваат роднини кои ќе ги поврзат со личност за која искрено чќе се заинтересираат. Сите ќе бидат меѓу луѓе и насмеани.

Кариера

Успехот ќе ви биде на дофат , но кога малку подобро ќе размислите , ќе сфатите дека на сето тоа му недостига вистинска содржина. Однадвор сјај , одвнатре празнина.

Здравје

Дефинирајте ги своите критериуми.

Близнаци 21.5.-21.6.

Љубов

Следните денови ќе имате бројни шанси за да ги подобрите односите со луѓето околу себе. Со малку поголема отвореност , се ќе излезе на подобро. Ваше е да се потрудите.

Кариера

Ќе барате нешто , а ни самите нема да бидете сигурни што е тоа. Поради тоа повремено ќе делувате збунето ,како себеси , така и на колегите. Застанете и размислете кои се вашите деловни цели и приоритети.

Здравје

Не заборавете да се опуштите.

Рак 22.6-22.7.

Љубов

Деновиве нема да дојде до значајна промена во вашите лични односи . Ќе имате навистина доволно мотивации , а особено за комуникација , па многумина со зборови ќе надоместиваат она што им недостиганна емотивен план. Ќе успаеат во тоа.

Кариера

Прегледот на минатиот период ви буди надеж во другите , но не ја подигнува вашата лична самодоверба.Сепак , овие денови ќе имате шанси за повеќе да се покажете и да ги докажете своите работни способности. затоа не се двоумете, туку засукајте ги ракавите и работете.

Здравје

Почнете да спортувате.

Лав 23.7-22.8.

Љубов

Малку нов поттик во вашиот љубовен живот ќе ја освежи вашата врска. затоа дајте се од себе за да осигурате квалитетен однос со личноста која ви се допаѓа. Ќе има малку нервоза и недоразбирања , но не им придавајте значење.

Кариера

Пред вас се предизвици на креативност и храброст. Само со примена на такви вештини можете да успеете. Повлеченост или механичко одработување моментално не ви се добро поставени. Клучот на успехот за вас се наоѓа во прифаќање на предизвиците.

Здравје

Најдете содржини што ви се допаѓаат.

Девица 23.8.-23.9.

Љубов

Без оглед на секогаш неповолните љубовни околности , вие ќе бидете оптимист. Затоа нема да бидете сами , туку ќе излегувате меѓу луѓе. Ќе бидете одлично прифатени поради позитивниот став. Така со сопственото однесување ќе си го подобрите интимниот живот.

Кариера

Се што ќе работите некако ќе оди во сенка . Сепак , поради тоа што сте свесни за своите претходни успеси, тоа што сега не сте во прв план , нема да ви пречи како што се случувало претходно. Не може сите коцкички во исто време да си дојдат на свое место.

Здравје

Имајте трпение во секој аспект од животот.

Други спортови

Георгиевски освои сребро на Г1 во Тирана

Дејан Георгиевски со две доминантни победи над Насо Марко од Италија и Плонис Артсиом од Белорусија дојде до финале на Тирана Опен Г1. Во финалето македонскиот таеквондист тесно загуби од Сотириос од Грција и освои сребрен медал.

- Во финалето Македонецот се бореше со мала повреда која се надеваме дека за многу скоро ќе ја санираме. Убав почеток со значајни бодови за олимпискиот ранкинг, објави Борче Костовски, тренерот на Георгиевски.

Важно да се истакне дека Дејан денес го елиминира белорусинот Плонис кој на олимписките квалификации за Париз го спечи нашиот репрезентативец да обезбеди норма.

Свет

Барселона е една од најпосетуваните туристички дестинации, властите сакаат тоа да се смени

Саграда Фамилија, паркот Гуел, стариот град - благодарение на неговите атракции, Барселона е една од најпопуларните туристички дестинации во светот.

Градот на северот на Шпанија во 2023 година го посетиле 15,6 милиони туристи, пишува Дојче веле.

Една од последиците на масовниот туризам: станува сè потешко за локалните жители да најдат прифатливо сместување. „Ова е најголемиот проблем во нашиот град“, рече градоначалникот Жауме Колбони на неодамнешната прес-конференција на која најави радикални мерки: повеќе нема да ги обновува дозволите за изнајмување кога ќе истечат. Во моментов има повеќе од 10.000 станови кои се издаваат на туристи.

Од ноември 2028 година, апартманите за одмор во Барселона ќе бидат минато.

Уште во 2020 година, една студија покажала дека туристичката понуда има директно влијание врз цените на изнајмувањето во градот. Кириите се зголемувале до седум проценти годишно. Според градоначалникот Колбони, просечната кирија е зголемена за 68 отсто во последните десет години, а продажните цени на недвижностите се зголемени за 38 отсто. „За луѓето со нормални примања, ова стана вистински проблем“, рече тој.

Константин Холодилин, експерт за недвижнини во Германскиот институт за економски истражувања, ги истражува ефектите од изнајмувањето станови на туристи на пазарот на недвижности. „Колку повеќе станови за одмор, толку повеќе се зголемуваат кириите“, вели тој. Просечно варира од два до три проценти од место до место.

Ова навистина доживеа бум од појавата на Airbnb. Според статистичката агенција Еуростат, онлајн платформите овозможиле повеќе од 700 милиони ноќевања во ЕУ во 2023 година. Во 2018 година, тоа било нешто повеќе од 440 милиони. Според Германското здружение за одмори, речиси секое второ ноќевање на туристи во Германија сега се одвива во апартман, а не во хотел.

И така политичките лидери на многу места размислуваат за контрамерки. Регулативата која е на сила во Њујорк веќе една година е радикална како онаа во Барселона. Краткорочно изнајмување за помалку од 30 дена е можно само доколку понудата е официјално регистрирана и сопственикот живее во станот. Дополнително, во исто време можат да се сместат најмногу двајца гости. „Апартманите треба да бидат за њујорчани, хотелите за туристи“, рече градскиот советник Бен Калос. Построги правила за изнајмување сега се на сила и во Париз, Амстердам и многу други градови.

Но, има и други причини за тензичната состојба на пазарот на недвижности во многу туристички места. Сѐ повеќе луѓе го остваруваат својот сон да поседуваат втор имот на атрактивна локација. Неодамнешните протести на Канарските острови, на пример, беа исто така насочени против „станбениот туризам“. Оваа тема е присутна и во друг шпански архипелаг, Балеарските Острови. Велат дека секој трет имот таму се продава на странец. Резултат: Граѓаните на Мајорка кои остваруваат просечен приход се во директна конкуренција со богатите северноевропејци.

За да се спречи таков надворешен притисок врз домашниот пазар на недвижности, неколку земји со години ја ограничуваа продажбата на недвижности на странци, меѓу кои Данска, Финска, Хрватска и Малта.

Новите регулативи на ЕУ за изнајмување куќа за одмор ветуваат поголем успех. Ова овозможува подобрена размена на податоци помеѓу онлајн платформите и соодветните локални власти.

Останува да се види дали напорите за регулирање на законското снабдување на крајот ќе го имаат посакуваниот ефект. Според Константин Холодилин, студиите покажуваат дека како резултат на тоа, продажните цени на недвижностите и бројот на изнајмувања за одмор понудени на соодветните платформи опаѓаат. Но, работите се поинакви кога станува збор за цените котирани на пазарот за долгорочно изнајмување. „И овде има докази за ефект, но бројот на студии е толку мал што доказите се тешко сигурни“, вели Холодилин, кој е скептичен дека само регулирањето на изнајмувањето за одмор ќе ја постигне посакуваната цел.

Ова е случај и со здружението за изнајмување „Апартур“ во Барселона, кое силно ја критикува одлуката на градската управа да ги укине сите станови за одмор. „Резултатот ќе биде дека нелегалната понуда ќе се зголеми“, вели Енрике Алкантара, претседател на здружението. Забраната значи и крај на семејниот туризам во градот, бидејќи во становите претежно престојуваат родители со деца. Туристичките станови сочинуваат само 0,77 отсто од вкупниот станбен фонд на градот. Според тоа, забраната не е ништо повеќе од „прикривање на неуспехот на политиката за домување“.

Свет

ИДФ: Заврши широкиот бран напади врз штабовите на Хезболах низ Либан

Израелската армија (ИДФ) денеска соопшти дека заврши широкиот бран напади врз командните простории на Хезболах низ Либан.

Десетици воени авиони учествуваа во нападите, погодувајќи околу 120 локации на Хезболах во јужен Либан и длабоко во земјата, соопшти ИДФ.

„Целите вклучуваа командни простории на различни единици на Хезболах и други објекти каде оперативците планираа да извршат напади“, соопшти војската.

притисни ентер