Живот

Мислела дека освоила 86 милиони евра на лото, среќата не траела долго: Каква глупава грешка (ВИ

Млада Австралијка останала во солзи откако мислела дека добила 86 милиони евра на лотарија, а потоа сфатила дека направила бизарна грешка.

Извлечените броеви ги побарала на Фејсбук, ја видела нејзината комбинација и веднаш добила шок од возбуда.

„Купив билет во Аделаида и решив да ги проверам броевите. Видов 1414 на Фејсбук страницата на лотаријата и скокнав од радост. Тоа беше мојата комбинација! Веднаш почнав да фантазирам како ќе го потрошам богатството“, изјавила Аишварија.

Сепак, нејзината среќа не траела долго. Девојката повторно ги проверила броевите, а потоа сфатила дека 1414 го означува бројот на автомобилот! Била толку разочарана што направила видео на TikTok и на сите им открила каква грешка направила.

„Срцето сакаше да ми скокне од градите, бев толку возбудена. Но, тоа не беа победничките бројки. Јас сум толку глупава. Сега беше 1414 коло, а следната недела е 1415 коло“, рече таа.

@aishranaway I’m speechless too dw #lottery ♬ original sound - Aishwarya

Таа додаде дека веќе замислила како дел од приходите ќе ги донира во добротворни цели, а потоа ќе купи куќа, ќе патува низ светот. За малку ќе го контактирала работодавецот и ќе дала отказ, но за среќа не отишла толку далеку, пишува Daily Star.

Свет

Тинејџер убил девојче поради кавга за мече (ВИДЕО)

Во Велика Британија во тек е судењето на тинејџерот кој уби 15- годишно девојче со нож поради расправија за плишана играчка, објавија денеска британските медиуми.

Тој ѝ го забодел ножот во вратот на Елиан, пријателката на неговата поранешна девојка, откако се расправале бидејќи тој одбил да ѝ го врати плишаното мече.

Обвинетиот Хасан Сентаму (18) се изјаснил за невин за убиството на ученичката, наведувајќи дека одговорноста му била намалена поради дијагностицираниот аутизам, пренесува Sky News.

Сентаму, кој имал 17 години за време на убиството, рекол дека ја убил Елијан Андам бидејќи изгубил контрола.

Обвинителот, сепак, рече дека Сентаму отишол да ги пречека девојчињата, земајќи кујнски нож со себе, што докажува дека имал намера да ги повреди или убие.

Судењето на тинејџерот продолжува пред судот во Лондон.

Забава

Божикна шега: На шефот му завиткале сѐ во канцеларијата со шарена хартија, тој збеснал (ВИДЕО)

Вработени во една компанија во Охајо решиле да ја направат ултимативната божиќна шега со нивниот шеф, кој се вратил на работа по девет дена одмор.

Тие ја завиткале целата негова канцеларија во хартија за завиткување со божиќна тема, вклучувајќи ги ѕидовите, компјутерот, тастатурата и секој пијалок во неговиот мини фрижидер, а потоа ја покажале неговата реакција кога влегол во канцеларијата.

„Ох, по ѓаволите“, извика шокирано од она што се случило со неговата канцеларија, а девојките се смеат во ходникот. Потоа рече: „Морам некако да најдам начин да работам овде... Знаете дека имам околу 800 мејлови“.

Девојките опишале како нивниот менаџер бил во „целосно неверување“ и дека следниот пат кога ќе оди на одмор треба да постави камера во канцеларијата.

Откако видеото стана вирално и собра речиси 9 милиони прегледи, девојките решија да изведат нов трик. Овој пат во канцеларија ставиле огромен диносаурус на надувување со божиќна капа. „После ова дефинитивно ќе постават камера“, велат девојките.

@lake.erie.arms Replying to @Micbreclo & the prank series continues! #workpranks #fired #officepranks #officehumor #prank #prankwars #employee #boss #fyp #officelife #humor #funny #worklife #employeeofthemonth #viralvideo ♬ Run, Rudolph Run - Chuck Berry

Свет

Италија побарува милиони воена отштета од Германија за извршен масакр од нацистите

Апелациониот суд во градот Аквила, во италијанската област Абруцо, денеска пресуди дека Германија мора да плати отштета од четири милиони евра на 30 роднини на жртвите од масакрот во градот Пјетранзиери во Втората светска војна.

Во 2017 година, судот донесе одлука со која на Германија ѝ наложи да плати отштета од милион и 600 илјади евра на општината Рокарасо, на која ѝ припаѓа градот Пјентрансиери, пишува Анса.

Во ноември 1943 година, нацистички војници масакрирале 128 невооружени италијански цивили во блиската шума Лимарија под сомнение дека ги поддржуваат партизаните.

Меѓу убиените цивили имало 60 жени, 34 деца помлади од 10 години, како и неколку постари лица.

притисни ентер