Македонија

Министерот Трипуновски во Црна Гора потпиша Протокол за соработка со министерот Јоковиќ

Денеска во Црна Гора министерот за земјоделство, шумарство и водостопанство, Цветан Трипуновски со Владимир Јоковиќ, министер за земјоделство, шумарство и водостопанство потпишаа Протокол за научна, техничка и економска соработка .

Денеска во Црна Гора министерот за земјоделство, шумарство и водостопанство, Цветан Трипуновски со Владимир Јоковиќ, министер за земјоделство, шумарство и водостопанство потпишаа Протокол за научна, техничка и економска соработка во областа на земјоделство помеѓу министерствата.

Согласно потпишаниот Протокол двете земји во областа на земјоделството (градинарството, сточарството, овоштарство, лозарство и заштита на растенија), руралниот развој, ветеринарство, безбедноста на храна, прехрамбената индустрија, водостопанството и шумарството ќе овозможат:

- Размена на научни и технички информации и документација;

- Размена на резултати од истражувањата публикувани и верификувани од страна на овластените институции, како и воспоставување дирекни заеднички активности на споменатите институции;

- Размена на генетски и биолошки материјал од областа на растителното производство и сточарство;

- Размена на искуства во земјоделската политика, надворешно - трговската размена, специфични мерки на поттикнување и заштита на производството, земјоделството и извозот на земјоделски производи;

- Поддршка и заеднички ангажман во креирањето, пронаоѓањето на средства за финансирање и реализација на регионални проекти;

- Развој на организации на производители и здруженија на земјоделците;

- Развој на советодавните служби и итн.

За период од еден месец по потпишувањето на Протоколот, ќе се формира заедничка Работна група, со задача континуирано да ја следи и поттикнува реализацијата на соработката.

На првата седница членовите од Работната група ќе одлучат за планот на активности во врска со договорените области на соработка.

Работната група ќе одржува редовни седници најмалку два пати годишно наизменично во двете земји.

Соработката помеѓу двете земји во областа на земјоделство, шумарство и водостопанство ќе се продлабочува во наредниот период.

Живот

Бизнисмен ја изеде бананата, што пред неколку дена ја плати 6,2 милиони долари (ВИДЕО)

Пред неколку дена на аукција во Њујорк беше продадена банана залепена за ѕид со лента за изолација за 6,2 милиони долари, а купувач беше Џастин Сан.

Освен што купил банана со селотејп, добил и сертификат за автентичност и упатство за замена на овошјето кога на крајот ќе изгние.

Меѓутоа, тогаш најавил дека ќе ја изеде бананата пред да изгние, што и го направи сега. Тој објасни дека тоа е негов метод на „почитување на неговото место во историјата на уметноста и популарната култура“.

Сан денеска го исполни своето ветување во хотелот Peninsula, еден од најлуксузните хотели во Хонг Конг. Тој одржа говор пред новинари и инфлуенсери, илустрирајќи ги паралелите помеѓу концептуалната уметност и криптовалутата. Како спомен, секој учесник доби ролна селотејп и банана.

Додека ја јадеше бананата рече дека е „подобра од другите“. „Јадењето банана на прес-конференција може да стане дел од историјата на уметноста“, рече тој.

За потсетување, бананата залепена за ѕид со изолациона лента е концептуално уметничко дело наречено Комичар. Стана вирална сензација откако италијанскиот уметник Маурицио Кателан го откри во 2019 година. Посетителите се обидоа да откријат дали парчето овошје залепено на белиот ѕид е шега или духовит коментар за сомнителните стандарди на колекционерите на уметнички дела.

Аукциската куќа Сотби објасни како делото брзо стана глобална вирална сензација која привлече рекордна посетеност, ги преплави социјалните мрежи, стана насловна страница на Њујорк пост и ги подели публиката и критичарите.

Свет

Со дрон е истурена боја врз руската амбасада во Стокхолм

Неидентификуван дрон рано утринава испуштил боја врз руската амбасада во Стокхолм, соопшти полицијата.

Засега никој не е уапсен, а истражителите се обидуваат да утврдат дали инцидентот е поврзан со вчерашниот вандализам на шведската амбасада во Москва.

Потоа, шведската министерка за надворешни работи Марија Малмер Стенергард ја повика Русија да ги заштити амбасадата и нејзиниот персонал.

Портпаролот на министерството изјави дека шведската мисија во Москва е во контакт со руските власти во врска со инцидентот.

Шведската полиција не сакала да открие каква боја одбрале напаѓачите.

Македонија

Од денеска на осигурителниот пазар стартува со работа „Флекс Брокер“

Од денеска на осигурителниот пазар стартува со работа „Флекс Брокер“. 

Новиот осигурителен субјект ќе понуди широк спектар на услуги, а граѓаните ќе имаат можност за избор на низа осигурителни продукти кои треба да ја зајакнат оваа индустрија, која во земјава има голем потенцијал за раст, најавија од групацијата „Флекс“.

притисни ентер