Македонија

Јаневска најавува постапка за училиште во Челопек за облекување на ученици во униформи

Министерката Весна Јаневска најавува постапка за училиште во Челопек за облекување на ученици во униформи на неформални воени групи.

Министерката за образование и наука, Весна Јаневска преку објава на нејзиниот профил на Фејсбук најавува поведување постапка против раководството и наставниците во ОУ „7 Март“ во Челопек за организирање на училишна приредба на која ученици се облечени во униформи со амблеми на неформални воени групации.

-Длабоко сум разочарана и вознемирена од одлуката на раководството и наставниците во ОУ „7 Март“ во Челопек да организираат, но и од одобрувањето на родителите на учениците, нивните деца да учествуваат во училишна приредба на која облечени во униформи со амблеми на неформални воени групации од минатото, парадираат со пушки во рацете. Патем, родителите и ракоплескаа на сето тоа. Ваквиот чин не само што педагошки е неисправен, туку е и нечовечен, неетички, неморален и законски казнив. Не очекував дека токму педагози, луѓе кои ја одбрале најблагородната професија, ќе ги учат децата во Македонија да не ја почитуваат сопствената земја, да не ги почитуваат своите сограѓани и ќе индоктринираат милитанство, насилство, омраза. Спротивно на сите основни начела на педагогијата. Наместо да се бориме за единство, за градење мирна и хармонична училишна средина, која патем треба да биде и основа за градење на мирно и хармонично општество и силна заедничка држава, во 21от век гледаме дека нечии размислувања и идеали се заглавени во некој минат век. Ова е училиште кое, од претходни министри дури и било наградувано со грантови за организирање на активности за развој и унапредување на мултикултурализмот, меѓуетничката интеграција и толеранција. Да, шокантно е, но е вистина! Најавувам дека ќе поведеме соодветна постапка против училиштето. Добивам и информации дека слични активности имало и во други две училишта. И таму ќе постапат инспектори, ја уверувам македонската јавност, вели Јаневска.

Апелира до сите останати училишта да се оградуваат од вакви активности, да промовираат вистински човечки вредности и да се заложат да градат генерации опремени со знаење, а не со оружје.

-Генерации кои ќе ја сакаат земјата во која се родиле и растат и ќе ги почитуваат другите независно на етничката, верската или каква било друга разлика. Тоа е вистинската цел поради која се отвораат и постојат училиштата! И конечно, ајде заедно да ги славиме личностите и победите низ историјата, имаме кого и имаме што заедничко, а овие училишни приредби се идеално место за тоа. Многу Албанци дале придонес во создавањето на оваа заедничка држава, учествувале во народноослободителната борба, учествувале во понатамошниот развој, во науката, спортот, културата...Споменот за нив треба да нé обединува, вели Јаневска во објавата на Фејсбук.

Живот

Морбидно: Секои четири го откопува телото на починатата ќерка, ја мие и пресоблекува

Народот Тораја од Јужен Сулавеси во Индонезија спроведува еден од најбизарните обичаи за да го слави култот на мртвите.

Имено, на секои неколку години, овој народ ги обединува минатото и сегашноста преку необичен ритуал, а во рамките на церемонијата наречена „Ma'nene“, членовите на оваа заедница ги откопуваат телата на своите починати роднини, ги капат и ги облекуваат во нова облека, објави Лајфстајл.

Овој ритуал не е само симбол на почит кон мртвите, туку и длабоко вкоренето верување на овој народ дека душата постепено се преселува во задгробниот живот.

Секој август „Манене“ е време кога семејствата се собираат да ги исчистат и исушат телата на нивните предци, а потоа во духот на славењето често се фотографираат со нив. И ова е дел од верувањето дека присуството на покојникот е благослов за домот и семејството.

Според легендата, оваа необична традиција ја започнал извесен ловец Понг Румасек пред повеќе од еден век. Според легендата, тој пронашол напуштено тело во џунглата што му се згадило, па решил да го облече и да го закопа. Оттогаш, се вели дека бил благословен со обилен улов и плодна жетва.

Овој настан го иницираше верувањето кај народот Торај дека смртта не е крај - туку процес. Затоа со грижата за телата на покојниците обезбедуваат духовна блискост и континуитет меѓу живите и мртвите генерации. Ритуалот, според нив, станал мост меѓу живите и мртвите, со што е зачувана безвременската врска.

Некогаш, не толку ретко, се гледаат родители како поминуваат време со своите починати деца, па фотографијата на таткото кој на секои четири години го ископува телото на својата ќерка, го мие, облекува и го враќа во гроб го обиколи светот. На тој начин не само што го одржува жив народниот култ, туку и нивната нераскинлива врска.

Живот

Ги скршиле украсите за елка и од нив излегле стотици мравки: Отклучен е нов страв (ВИДЕО)

Американската тиктокерка Ем Пис се подготвувала да украси елка, но кога ги извадила украсните топчиња од кутијата, слушнала необични звуци.

„Морав да откријам што има внатре“, рекла таа, а потоа во видеото покажала како со стап скршила една топка, а од неа излегле мравки. „Погледнете ги мравките кои излегуваат, ова беше страшно“, рече таа во видеото кое собра 423.000 прегледи.

@empease7 PSA: If you stored ornaments in a cardboard box, give them a good shake outside before decorating inside. #christmas #ornaments #nightmarebeforechristmas #ants #ornamentsmash #fyp ♬ We Wish You a Merry Christmas (Glockenspiel Version) - Musik Bayi ID

Бројни тиктокери реагираа под видеото и го коментираа нејзиното ужасно откритие.

„Ова беше многу полошо отколку што мислев“, „Отклучен е нов страв“, „Не знам што очекував, но дефинитивно не беше ова“, „Некој да ми каже дека ова е вештачка интелигенција“, „Не ќе можам да ја заборавам оваа глетка“ и „Очекував две или три мртви бубачки, а не милион живи“, напишаа тие.

Еден тиктокер ја прашал каде ги чувала топчињата, а таа му напишала: „Кутијата беше во мојата гаража, на горната полица“, а потоа ѝ одговори: „Затоа во моментов ѝ помагам на мајка ми да ги замени сите картонски кутии со пластични“.

Свет

Мексико не сака да ги прифати депортираните мигранти од САД, кои се од други земји

Мексико сака да постигне договор со администрацијата на новоизбраниот претседател Доналд Трамп дека не мора да прифаќа депортирани кои потекнуваат од трети земји во случај на масовни депортации на илегални имигранти од САД.

Мексико сака да постигне договор со администрацијата на новоизбраниот претседател Доналд Трамп дека не мора да прифаќа депортирани кои потекнуваат од трети земји во случај на масовни депортации на илегални имигранти од САД, изјави денеска мексиканската претседателка Клаудија Шејнбаум.

Трамп вети дека ќе ги депортира мигрантите кои нелегално живеат во САД, а неговиот потпретседател Џеј-Ди Венс рече дека ќе депортира еден милион луѓе годишно.

Мексико е клучна алка во американската имиграциска политика во последниве години, прифаќајќи имигранти од земји како Куба, Хаити, Никарагва и Венецуела кои биле депортирани од САД.

Сложените дипломатски односи што ги имаат САД со некои од овие земји го отежнуваат депортирањето на мигрантите од овие националности директно во нивните земји на потекло.

„Се надеваме дека ќе постигнеме договор со администрацијата на Трамп, така што, во случај да се случат овие масовни депортации, тие да испраќаат луѓе од други земји директно во нивните земји на потекло“, рече Шејнбаум на прес-конференција.

Мексико „стои во солидарност со сите, но неговата главна цел е да им посака добредојде на Мексиканците“, рече таа.