Утре е крајниот рок до кога трговците и добавувачите треба да склучат нови договори за снабдување на производите на кои рабатот и дополнителните трошоци ќе бидат ограничен на 10%. Со овој закон ќе бидат опфатени 2.500 производи на кои профитната маржа не смее да им биде поголема од 10 отсто.

Со законот, покрај ограничен рабат, трговците нема да смеат да наплаќаат дополнителни трошоци за маркетинг, репрезентација, како и за истакување одреден производ на полица. Во пракса, тоа ќе значи дека маркетите ќе треба да стават нови цени на сите продукти од листата.

За министерот за економија Бесар Дурмиши станува збор за долгорочна мерка, која треба да стави ред во хаосот со цените, а првичните ефекти граѓаните ќе ги забележат кон крајот на октомври.

„Сакам да потенцирам дека овој закон не ја регулира трговската маржа, туку ги забранува дополнителните трошоци (надоместоци) кои добавувачите морале да ги плаќаат за нивните производи да се продаваат од купувачите. Со примена на овој закон очекуваме резултати на долг рок и намалување на цените на овие производи на листата од најмногу 10%, односно првите резултати со намалени цени ги очекуваме до крајот на октомври кога очекуваме дека ќе се потрошат залихите од претходните договори и ќе почнат да се продаваат производите согласно новите договори. - Бесар Дурмиши- министер за економија

Контролата за примена на овој Закон ја врши Комисијата за заштита од конкуренција. Највисоките казни достигнуваат до 20.000 евра за голем трговец и од 350 до 500 евра за одговорното лице во правниот субјект.

-Во координација Комисијата за заштита од конкуренција во наредните три месеци, односно до крајот на годината за да излеземе во пресрет на сите засегнати страни, доколку се утврди дека при склучување на новите договори не се испочитувани одредбите на Законот ќе има опомени, односно нема да се преоѓа веднаш на казнување. Односно во следниот период од 3 месеци односно до крај на 2024 година, ќе се соработува со компаниите за да утврди дали се правилно склучени договорите односно дали се опфатени соодветно одредбите од законот. Од 2025 година ќе се вршат редовни контроли од Комисијата за заштита на конкуренцијата.- Бесар Дурмиши- министер за економија

Законот беше доносен на 20 март во соработка со сите засегнати страни, трговците, производителите и дистрибитерите. Нема да има одложување на неговата примена. трговците и добавувачите имаа рок од шест месеци да ги усогласат договорите, односно да склучат нови договори, не подоцна од 27 септември.

Според изјавите на родителите децата од вечра вчерта се пожалиле на болки во стомакот и повраќање. Родителите во меѓусебна комуникација разбрале дека цели одделнија имаат исти симптоми. Првично сомнеж за труењето е добавувачот на храна во училиштето. Вчера на мени децата јаделе мусака и бомбици. Денеска главна тема во училишниот двор беше труењето со храна на децата. Директорот на училиштето Александар Филипчев објасни дека биле инспектори на терен и земале мостри од храната и кујната.

Од државниот санитатрен и здравствен инспекторат објаснија дека имаат сознанија дека има труење со храна во основното училиште. Од ДСЗИ велат дека веќе се координарани агенцијата за храна и ветеринарство, Центарот за јавно здравје и инстиутот за јавно здравје. Од институот за јавно здравје потврдија дека веќе се направени лабораториски испитувања и во наредните 48 часа ќе имаат првични резултати.

Одделението за епидемиологија за труењето е известено од страна на матичен лекар со образложение ученици од истото училиште се јавиле на преглед според ова ќе бидат доставени пријави за заразно заболување со дијагноза за токсична инфекција.

Пред десетина дена со знаци на труење имаше и припадници на воената академија кои беа прегледани на инфективанта клиника. Од испитувањата се покажа дека тие се заразиле од површините каде била подготвувана храната.

Одвојувањето на Албанија од Македонија од европскиот преговарачки пакет е очекуван потег кој не доведува во позиција на статус-кво смета универзитетскиот професор Ненад Марковиќ, според кого, од таквата ситуација може да излеземе со директно соочување со проблемите бидејќи времето не работи во наша полза,. Според него нереално е да се очекува промена на Преговарчаката рамка и условите за Македонија, и од тие причини потребно е да се обезбеди национален консензус за што поскоро откочување на преговорите. Предолгото чекање вели Марковиќ може да влијае врз стабилноста на македонското општество и меѓуетничките односи.

-Сепак ќе мора да се фатиме во костец со проблемите ако сакаме ова да го надминеме, а тоа подразбира непријатен процес на само делот кој се однесува на бугарското малцинство во уставот, туку и делот на историската комисија, за заендичкото чествување, теми кои кај нас се многу сензитивни, теми со кои доведени до степен на невратичност на општеството, теми кои ниедна политчка елите не сака да се занимава, ако од друга страна не мислам дека позицијата на статус кво нешто добро ќе ни донесе во перспектива.- Ненад Марковиќ – Универзитетски професор

Дека во моментов е речиси невозможно да се очекува промена на Преговарачката рамка за Македонија, но и обезбедување на гаранции од Европската унија дека Бугарија нема понатаму да има нови условувања кон нас, смета и официјалниот претставник на фондацијата Конрад Аденауер – Даниел Браун.

„ Не можеме да очекуваме дека Европската унија би добила било какво прилагодување или документ за да се спречи понатамошното влијание кое го има Бугарија. Во иднина Македонија може да преземе иницијативи за да се регулираат одредени аспекти во однос на јазикот и историјата но не постои можност да се гарантира било што од ЕУ дека може било што да влијае на тој процес. “-Даниел Браун – Офиц. Претставник на Фондацијата Конрад Аденауер.