Македонија

Директорот на БЈБ Јанев во посета на граничните премини Богородица и Дојран

Директорот на Бирото за јавна безбедност (БЈБ) Александар Јанев денеска, заедно со својот тим, ги посети OВР Гевгелија, граничните премини Богородица и Дојран, како и ОВР Валандово и ПС Дојран.

Директорот на Бирото за јавна безбедност (БЈБ) Александар Јанев денеска, заедно со својот тим, ги посети OВР Гевгелија, граничните премини Богородица и Дојран, како и ОВР Валандово и ПС Дојран, каде беше информиран за тековните активности за работењето на службите кои се во надлежност на СВР Струмица и Oдделот за гранични работи, за проблемите, потребите и предизвиците со кои тие се соочуваат во текот на нивното секојдневно работење.

Како што информираат од МВР, Јанев посебно се осврна на потребата од координирано и синхронизирано работење на граничната полиција и Секторот за внатрешни работи Струмица, во насока на секојдневна размена на информации за критични и жешки точки кои се користат од страна на криминални групи или поединци за прекуграничен криминал. Тој ја потенцира потребата полициските службеници да имаат блиска соработка со царинските службеници, посебно на граничните премини, со цел заедничко и ефективно работење во насока на превенирање, откривање и спречување прекугранични нелегални активности.

-Заштитата на државната граница, борбата против прекуграничниот криминал и организираниот криминал се активности за кои во најголем дел носител е полицијата и затоа сите полициски службеници мора крајно одговорно, со силен интегритет и максимална посветеност, да се вложуваат во секојдневното работење, посочуваат од МВР.

Нагласуваат дека при посетите се разговараше и за идеите и начините кои би можеле да помогнат протокот на патници, возила и стоки да биде поефикасен. Исто така, се разговараше и за подобрување на соработката со локалните власти и заедницата и соодветно исправање пред предизвиците од безбедносно функционален аспект со кои се сочуваат локалните заедници.

Шоу биз

Актерот Џон Кенди добил само 414 долари за улогата во филмскиот хит „Сам дома“

Во 1990 година, Крис Колумбус го создаде божиќниот класик „Сам дома“.

Филмот стана глобален хит, со заработка од 476,7 милиони долари со буџет од 18 милиони долари и беше комедија со најголема заработка до објавувањето на „Мамурлак 2“ во 2011 година. Сепак, не профитираа сите актери.

Канадскиот комичар Џон Кенди одигра споредна улога во филмот како Гас Полински, љубезен полка музичар кој ѝ помага на мајката на Кевин додека се обидува да се врати дома, каде што го оставила својот син сам за време на божиќните празници. Иако беше голема ѕвезда, на Кенди му платија само 414 долари затоа што имаше само еден ден да го сними својот дел, кој траеше 23 часа, пренесува Far Out.

Зошто Кенди се согласи на тоа? Тој му направи услуга на својот пријател, сценарист и продуцент Џон Хјуз, кој му дозволил да импровизира.

"Ниту една од сцените не беше напишана по сценарио. Приказната за погребалното претпријатие беше целосно импровизирана во 4:30 наутро и сите едвај го држевме лицето исправено", откри Крис Колумбус.

Иако подоцна имаше шпекулации дека Кенди е огорчен поради малиот хонорар, неговите импровизации дефинитивно ја направија улогата на Гас Полински незаборавна.

Свет

Во Њујорк е укинат закон од 1907, со кој се забранува прељуба- досега биле казнети петмина

Државата Њујорк вчера го укина ретко користениот закон од 1907 година, според кој брачната измама е прекршок што се казнува со три месеци затвор.

Гувернерката Кети Хочул потпиша закон со кој се укинува одредбата од 1907 година која долго време се сметаше за застарена и тешка за спроведување. „Иако имам среќа да бидам во брак со мојот сопруг веќе 40 години, што го прави донекаде иронично што јас сум тој што го потпишува законот за декриминализација на прељубата, свесна сум дека луѓето често имаат сложени врски“, рече Хочул, а пренесува NBC.

„Овие прашања очигледно треба да ги решаваат самите поединци, а не нашиот казнен систем. Да се ​​ослободиме од овој смешен, застарен закон еднаш засекогаш“, додаде таа.

Брачната измама е криминализирана во неколку американски држави за да се отежне разводот во време кога докажувањето на брачната измама бил единствениот начин да се разведе, објаснува NBC. Сепак, пресудите според тој закон биле исклучително ретки, а некои држави укинале слични закони во последниве години.

„Њујорк пост“ известува дека само пет лица во државата Њујорк биле казнети според споменатиот закон од 1907 година. Казната затвор од 90 дена, пишува „Њујорк пост“, можела да се избегне со плаќање парична казна од 500 долари.

Прељубата е казнива во 16 американски држави, вклучувајќи ги Алабама, Флорида и Северна Каролина.

Свет

Мецола бара забрзана испорака на ракетите „Таурус“ од Германија за Украина

Претседателката на Европскиот парламент, Роберта Мецола ја повика Германија брзо да започне со испорака на крстосувачки ракети „Таурус“ за Украина, објави денеска „Тагешау“.

Таа рече дека за тоа има широка поддршка во Европскиот парламент, како и дека Украина не може да чека вечно, со оглед на засилените напади од Русија.

На прашањето дали по САД и земјите од ЕУ треба да дозволат употреба на ракети со долг дострел против цели во Русија и дали Германија ќе мора да го испорача ракетниот систем „Таурус“, Мецола на новинарите им одговори потврдно, наведувајќи дека тоа е ставот на ЕП.

„Да, тоа е и ставот на Европскиот парламент. Има широка поддршка за ова барање“, рече Мецола.

Таа наведе дека Украина „не може да продолжи да чека вечно“, бидејќи избори се одржуваат во западната земја, односно во Германија, додека „во Украина секој ден гинат луѓе во војната“.

притисни ентер