Во текот на денешната Комисија за финансирање и буџет од собраниската говорница свое обраќање имаше и пратеникот од редовите на ВМРО-ДПМНЕ, Александар Велјановски кој укажа на обидот од страна на опозициските пратеници за целосен дефокус од она за што реално треба да се говори, а тоа се амандманите поднесени по Предлог-буџетот за 2025 година.

Во тој контекст, Велјановски најпрво се осврна на самиот Буџетот за 2025 година кој треба да се реализира во идниот период.

„Овој буџет содржи мерки за финансиска консолидација и дисциплинирано даночно трошење и мерки за поттикнување на економскиот раст. Значи, сето она што беше во седум години претходно разрушено, опљачкано, сега треба да се стабилизира, сега овој буџет треба да донесе едно „мирно море“, во кое што ќе може да се говори за унапредување, реформи и за нови инвестиции“, вели Велјановски.

Велјановски, обраќајќи се до пратеникот и поранешен претседател на Уставниот суд, Сали Мурати потсети на фактот дека изминатите седум години општеството не се движеше во правилна насока и дека за тоа е директно одговорна претходната власт, чиј коалиционен партнер бил самиот тој како претставник на турската заедница.

„Не може да се апстрахирате и вие, па и вашите колеги кои долго време беа на власт, дел од нив и 20 години, дека немаат никакво влијание во процесите за правата на сите заедници и сите тие се и виновници за сите фази на дискриминација кои се случувале во текот на овие години. Треба и вие добро да се запрашате со кого стоите во коалиција и со кого стоите рамо до рамо. Зошто вашите колеги- партнери не ги унапредија правата на Турците во овие седум години зошто сега се доведувате во ситуација да бидете најистурен играч на ДУИ, за да ги браните правата?“, концизен е Велјановкси, се наведува во партиското сопштение.

Оваа влада нема да прави дискриминација по ниту еден однос, а овој ваш амандман е баш таков дискриминаторски. Немаме ништо против да се вработуваат луѓе од турската заедница, но притоа, мора да се почитува уставот кој не дозволува дискриминација, рече пратеничката од ВМРО-ДПМНЕ, Биљана Кузманоска на денешната Комисија за финансии и буџет, на амандманската расправа за Предлог-буџетот за 2025 година.

Таа, исто така, наведе дека треба да се почитуваат законските регулативи и правата за вработување на сите луѓе во Македонија подеднакво, сметајќи дека не е во ред амандмански да се бараат нови вработувања на кадри припадници само за една заедница, како што е во случајот за турската заедница.

Кузманоска додаде дека дека сите граѓани во Македонија ќе ги уживаат бенефитите со новиот буџет, како што се зголемените плати, пензии и социјална заштита, без разлика на нивната етничка припадност.

„И Турците се дел од македонското општество и тие ќе ги уживаат бенефитите од борбата против криминалот и парите кои ќе се слеваат од буџетот. Од овој буџет сакам да ги издвојам ставките од Министерството за труд и социјална политика и посебно значајни се планираните зголемувања во социјалната заштита и пензиите, ние имаме пензионери од сите национални припадности и се очекува пораст од 16,6%“, вели Кузманоска, се наведува во партиското соопштение.

Ќе успее ли Венко Филипче утре да ги обедини социјалдемократите и да избере ново раководство со кое партијата ќе застане на здрави политички нозе по историски најтешкиот пораз на парламентарните избори пред 5 месеци?

СДСМ утре во хотелот „Александар Палас“ ќе одржи два конгреса, како што претходно одлучи Централниот одбор на партијата. На едниот ќе изберат ново раководство и ќе ги дефинираат идните политики. Пред овој Конгрес ќе продолжат со отчетниот на кој требаше да се разгледуваат лошите изборни резултати, но беше одложен. Кои се имињата на кандидатите кои ќе го опкружат Филипче во партискиот врв, од СДСМ засега не откриваат.

-На конгресот ќе се изберат членови на највисокото партиско раководство, како и одлуки за новите политики во иднина. За сите детали и сите имиња, јавноста ќе биде известена утре, изјави портпаролката Кузеска.

Конгресот е само почеток на реформите во СДСМ, смета политичкиот аналитичар Петар Арсовски. Според него, прерано е да се прејудицира дали социјалдемократите веднаш ќе успеат да најдат нова приказна, но на Бихаќка, како што оценува, потребни ќе бидат многу работа, сериозни кадровски промени и ребрендирање. Или ќе успеат да се реформираат или нема да имаат изборен успех – оценува Арсовски.

-Конгресот е само почеток на реформите во СДСМ. Дали ќе успеат тие да најдат некаква нова стратегија и да се ребрендираат, тоа времето ќе покаже, но не може то да се очекува од еден Конгрес. Лошиот изборен резултат наговестува дека таму се потребни посериозни кадровски промени, промени на идеологија и промени на пристап кон политика и конгресот може да биде почеток на таквите промени, не може да биде крај. Така што мислам дека е прерано да се прејудицира дали тие на конгресот ќе успеат да најдат нова приказна или не, предизвиците ќе останат за нив, бидејќи се уште е рано во мандатот на новата влада која доби значително мнозинство, допрва предизвите ќе ги гледаме заклучно со локалните избори 2025, изјави Арсовски за Канал 5.

По двата Конгреси се очекува да биде извесно и дали ќе биде продолжен мандатот на Филипче до локалните избори догодина, а кој според актуелниот партиски статут треба да заврши во март 2025.

Утре, според најавите, ќе се формира нов состав на Централниот одбор, кој пак, според статутот, е надлежен да ги избере партиските потпретседатели и генералниот секретар, а новина, како што претходно соопштија од СДСМ, ќе биде изборот на двајца организациски секретари за засилување на оперативната работа на партијата. Останува да се види дали Филипче повторно ќе предложи жена за негов заменик-претседател. Досега на оваа позиција беше пратеничката Сања Лукаревска, а пред неа Радмила Шекеринска.