Ханс Клуге од СЗО: Без паника за коронавирусот, да се следат препораките за заштита

 И во последниве 24 часа има уште седум дополнителни земји каде што се јавија случаи, значи на тие 20 уште седум.

Нема потреба од паника од тревога и паника за коронавирусот, граѓаните треба да ги почитуваат сите нормални мерки за заштита од болести, а државните власти да бидат во состојба на приправност, порача денеска регионалниот директор на Светската здравствена организација за Европа Ханс Клуге, при учеството на вториот Национален форум за здравје во Скопје.

Како што информираше, моментно на светско ниво има 81.104 случаи со коронавирус, во 46 држави, од кои 20 земји се во рамки на Европскиот регион на СЗО во кој вкупно има 53 земји.

– И во последниве 24 часа има уште седум дополнителни земји каде што се јавија случаи, значи на тие 20 уште седум. Но, да не зборавиме дека од вкупниот број случаи 97 проценти се во Кина. Ова е важно да се каже затоа што треба да се има предвид она што се нарекува пропорционална реакција, наведе Клуге.

Според него, нашите македонските здравствени власти и Владата ги спроведуваат препораките од СЗО. Дури и пред да се јави вчерашниот прв случај со корона, како што укажа, беше формиран мултисекторски комитет за итни ситуации под директно раководство на премиерот. Заедно со помош на СЗО беше направена проценка на капацитетите, не само на човечките ресурси, туку и на инфраструктура. Секој ден се комуницира со граѓаните и тоа двапати дневно, постојат установи кои се на располагање и се спремни за евентуално да ги примат пациентите. Исто така во делот на превентивата вклучени се и 10-те регионални центри за јавно здравје.

– Се што треба се прави и се работи, но бидејќи станува збор за непредвидлива ситуација не можеме да знаеме што ќе се случи, тоа важи како за Македонија, така и за Италија и за други земји, изјави Клуге.

Тој вчера дошол во Скопје од Рим каде што имал состанок со италијанскиот министер за здравство, со европскиот комесар за безбедност на храна и здравство и со директорот на Европскиот центар за контрола на болести. Минатиов викенд испратил експерти од СЗО и од Европскиот центар за контрола на болести да отидат во Италија и да видат што точно се случува на терен и да помогнат колку што можат.

-Она што го знаеме е дека во регионот на Венето во Италија имаме два случаја кои не се епидемиолошки поврзани, односно тие немале контакт ниту со пациент, ниту со некој кој патувал во Кина и тоа е сега предмет на нашата работа, односно нашите истражувања се токму во таа насока. И не може да се исклучи можноста дека можат да се појават кластери на локализирана појава на зголемен број на случаи, како што имаме денес во Италија, утре може да биде во друга земја и слично, рече Клуге.

Исто така, дополни, ова е поврзано и со капацитетот за тестирање на мострите. Ниту една друга земја нема направено толку многу тестови како Италија, каде заклучно со вчерашниот ден се направени над 10 илјади тестови.

– Многу внимателно и будно ја следиме состојбата. Денес се уште сме во фаза која се нарекува – ситуацијата е задржана под контрола, нагласи Клуге.

Тој порача дека нема потреба за тревога и за паника. Факт е, вели, дека се работи за нов вирус, но и да не се заборави дека во различни делови на европскиот дел на СЗО секоја година од сезонски грип умираат помеѓу 60 илјади и 65 илјади лица.

Граѓаните ги советува да ги почитуваат сите нормални мерки за заштита од болести, да одржуваат хигиена на рацете, кашлање и кивање да прават во лактот или марамче и да ги фрлаат во затворена канта, да се дистанцираат на 2-3 метри растојание од некој кој кашла или кива… Укажува и да се информираат од веродостојни извори, како што е од Министерството за здравство или СЗО затоа што, потенцираше, се соочуваме не само со епидемија туку со нов термин инфодемија и феноменот на лажните вести. Ја истакна и потребата за заштита на здравственитре работници.

Пораката до владите, укажа, е да останат во состојба на приправност на што е можно повисоко ниво. Прво, да можат да бидат способни да откриваат случаи. Второ, да постапуваат со пациентите со емпатија и дигнитет бидејќи знаеме дека многу негативни ефекти доаѓаат од т.н. социјална дискриминација. Трето, превенција и контрола на инфекциите, односно спречување на заразите внатре во самите здравствени установи. Четврто, битно е владите да комуницираат со своите граѓани на јазик којшто граѓаните го разбираат, со таков вокабулар, со таква терминологија, рече Клуге./МИА.

Прва фотографија на принцезата од Велс: Кејт Мидлтон на прошетка со принцот Вилијам

Прва фотографија на принцезата од Велс, Кејт Мидлтон „уловена“ со насмевка на лицето на прошетка со сопругот  принцот Вилијам. .

Насмеана додека шетала со сопругот, во светските медиуми е објавена нова фотографија и видео од принцезата од Велс Кејт Мидлтон.Оваа фотка е само потврда за фановите на Кејт дека принцезата од Велс успешно закрепнува по абдоминалната операција.

Сликата, која наводно е направена во саботата, ги прикажува Вилијам и Кејт како посетуваат фарма во Виндзор, на кратко возење од нивниот дом во Беркшир.

„Изгледајќи здраво, среќно и опуштено, принцезата сама си ја носи торбата за шопинг и низ смеа разговара со својот сопруг додека парот ја напушта продавницата и се враќа во својот автомобил“, пишува „Дејли мејл“ под фотографија објавена од британски „Сан“. Нивните три деца не биле со нив.

Месеците кога Кејт не беше видена во јавноста ги поттикнаа шпекулациите на социјалните мрежи за нејзината вистинска состојба. На 17 јануари, Кенсингтонската палата објави за операцијата на абдоменот на Кејт и изјави дека „врз основа на сегашните медицински совети, таа веројатно нема да се врати на должностите пред Велигден.

Шпекулациите вртоглаво пораснаа минатата недела кога семејството објави фотографија од Кејт Мидлтон со нејзините деца. На 10 март, палатата Кенсингтон сподели фотографија од Кејт и нејзините три деца за која рекоа дека е направена од Вилијам, принцот од Велс.Фотографијата неколку часа потоа беше откриена дека е фотошопирана.

Еден ден подоцна, Кенсингтонската палата објави соопштение потпишано од Кејт, кое вклучува извинување и тврди дека таа е „фотограф аматер“ кој „експериментира со уредување“. Серијата настани доведе до непотврдени тврдења на интернет дека Кејт е во кома и тврдења дека Вилијам има афера и дека Кејт планира да го остави.

Кинески милијардер во САД призна дека давал нелегални политички донации

Кинескиот милијардер Хуи Чин се изјасни за виновен за незаконско канализирање на пари за политички донации на функционер од Њујорк и конгресмен во Претставничкиот дом на САД, што е кршење на изборниот закон на Соединетите држави.

Филмскиот магнат призна дека регрутирал и плаќал луѓе за да даваат политички донации за него во Њујорк во 2021 година.

Не е познато кој кандидат Кин го поддржал, но се верува дека тоа е градоначалникот Ерик Адамс, чиј адвокат одговори дека неговата кампања не знаела за такви донации.

Обвинителите тврдеа дека Кин собирал донации на ист начин за член на Претставничкиот дом на САД од Њујорк, како и за кандидат за американскиот Конгрес од Род Ајленд.

Кин, исто така, призна дека поднел лажна апликација за статус на постојан жител во Америка во 2019 година, користејќи го лажното име Мук Лам Ли, со придружни документи од кинески службеник.

Користејќи лажен идентитет, префрлил пет милијарди долари на сметка во американска банка, кои ги потрошил на луксузен стан на Менхетен. Кин се откажа од правото да живее во Америка и ќе биде депортиран во Кина.

Банка на Јапонија ги укина негативните каматни стапки

 Банка на Јапонија (БОЈ) денеска, по осум години, ги укинува негативните каматни стапки. 

Иако тоа ќе биде прво зголемување на каматните стапки во изминатите 17 години, истите ќе се држат близу нула бидејќи кревкото економското закрепнување ја принудува централната банка да го забави понатамошното зголемување на трошоците за задолжување.

Со одлуката, БОЈ се откажува од политиката воведена во 2016 година – надомест од 0,1 проценти за одредени финансиски институции кои имале вишок резерви во Банка на Јапонија.

Централната банка исто така ја напушта контролата на приносите, политика што се применуваше од 2016 година и која ги ограничувапше долгорочните каматни стапки околу нула.

притисни ентер